க்ற்றதும் பெற்றதும்-89-*மணி

கற்றதும் பெற்றதும்-89

*மணி

உடல் சந்தை நான் கற்பனை செய்திருந்ததை விட மிகப் பெரியது

-ஸ்கார்ட் கார்னி

#சிவப்புச்சந்தை

-ஸ்கார்ட் கார்னி

ஜூனியர் விகடன் கழுகுப்பார்வை சிறப்பிதழில் புத்தியை துலக்கிய புத்தகங்கள் பட்டியலில் சிவப்பு சந்தை புத்தகம் ஒன்று. எதேச்சையாக நான் நூலகத்தில் பார்த்துக்கொண்டிருந்தபோது இப்புத்தகத்தை கண்டறிந்தது மிக்க மகிழ்ச்சியாக இருந்தது. உடல் சந்தை குறித்து நாம் அறியப்படாத பல விஷயங்களை இப்புத்தகம் பேசுகிறது.

மூன்று வகையான சந்தைகள் இருப்பதாக தெரிவிக்கின்றனர். கருப்புச் சந்தை என்பவை சட்டத்திற்குப் புறம்பான பொருட்களான துப்பாக்கிகள் போதைப்பொருட்கள் கடத்தல் போன்ற சேவை பரிமாற்றம். திருட்டு டிவிடிவடி ஆகியவை சாம்பல் சந்தை, வருமான வரி ஏய்ப்பு போன்றவை வெள்ளைச்சந்தை.மனித உறுப்புச் சந்தையே சிவப்பு சந்தை எனப்படுகிறது.

#மனித உடல்

உன் விரல்கள் பத்தும் மூலதனம் என்பார் தாராபாரதி.உண்மையில் இதை படித்துப் பார்த்த போது உடல் முழுக்க மூலதனம்தான் வணிகத்துக்கு கார்ப்ரேட்டுக்கு.ஒரு துறவியர் மடத்தில் ஒரு இளம் பெண் துறவி இறந்துவிடுகிறார்.அவள் பெயர் எமிலி. பிரேத பரிசோதனையில் உறுப்புகளை பிரிக்கின்றனர். மரணித்த பின்பு நேரும் கொடுமைகளை விவரிக்கும்போது உடல் சில்லிடுகிறது.

மருந்து தயாரிப்பு நிறுவனங்களுக்கு மருந்துகளை சோதிக்க உயிருள்ள மனிதர்கள் தேவைப்படுகிறார்கள்.

#எலும்புத்தொழிற்சாலை

நாம் நினைத்துக்கூட பார்க்க முடியாதவகையில் எலும்பு வணிகம் குறித்து சொல்லியிருக்கிறார். எலும்புக்கூடுகள் எளிதாய் கிடைப்பதில்லை.அதற்கென்றே இருக்கும் சந்தையில் அதற்கு தேவை அதிகம்.1985ல் இந்திய அரசு மனித உடல் மிச்சங்ககளின் ஏற்றுமதியை தடுக்க சட்டம் இயற்றியதிலிருந்து டிமான்ட் அதிகம்.உடல்களை தோண்டி எடுத்து எலும்புகளை கைப்பற்ற கூட ஆட்கள் இருக்கிறார்கள்.மற்றுமொரு முறை பிணங்களை சுருட்டி ஆற்றில் நங்கூரமிட்டு மீன்,நுண்ணுயிரிகளை சாப்பிடவிட்டு உருக்குறைப்பு செய்து எலும்பை பதப்படுத்தி வெள்ளை நிறம் வர ஒருவாரம் காயவைத்து HCL ல் ஊறவைக்கின்றனர்.

அமெரிக்காவின் எல்லா மருத்துவ வகுப்பறைகளிலும் இருந்த எலும்புக்கூடுகள் இந்தியாவிலிருந்து வந்தவை என்கிறார்.

#சிறுநீரகம்

சினிமாவில் பார்த்ததுதான். வறுமையைப் பயன்படுத்தி சிறுநீரை எடுக்கின்றனர்.சுனாமியால் பாதிக்கப்பட்டவர்களிடம் கிட்மிவாக்கம் என சொல்லுமளவிற்கு ஒரு ஏரியாவில் கிட்னி விற்பனை அதிகம் நடந்ததாம்.

உடலுறுப்பு விற்பனையில் கோடி கொடுத்து வாங்குகிறார்கள் அதில் இடைத்தரகர்களின் சுரண்டல் அதிகம்.அந்த நிழல் உலக பேரங்களை அப்பட்டமாய் புலனாய்வு போல நம் முன் நிறுத்துகிறது.

#கருத்தரிப்பு

நவீன காலங்களில் கருத்தரிப்பு மையங்களில் எண்ணிக்கை அதிகரிக்கிறது.உடல் ரீதியான குறைபாடு மற்றும் சுற்றியுள்ளவர்களின் நச்சரிப்பினால் இலட்சக்கணக்கில் கொட்ட காத்திருப்பதை புரிந்து கொண்டு இத்தொழிலில் ஈடுபடுகிறார்கள். கருமுட்டை தானம்,சோதனைக் குழாய் குழந்தை என ஒவ்வொரு ஆண்டும்.2,50,000 குழந்தை பிறப்பதாக தகவல் தெருவிக்கிறது. பல நாடுகளில் இது சென்றடைந்திருக்கிறது.கரு முட்டை தானம் அவ்வளவு எளிதல்ல.இரு வார ஹார்மோன் தூண்டுதல் பின் அறுவை சிகிச்சை என அதிலுள்ள தகவல்களை அடுக்கடுக்காய் கூறுகிறது.

இன்னும் இரத்தப்பணம்,பரிசோதனைப் பிராணிகள்,ஸ்டெம் செல் குறித்து அலசுகிறது இப்புத்தகம்

ரசித்தவை

*மனித குலத்தின் மகிழ்ச்சியை இலக்கங்களாக மாற்ற முடியும்.

*முன்னறிந்து கூறுவதற்கான இயலாமையோடு வரும் ஆபத்தை தணிக்க முயற்சிக்கிறோம்

*மரணத்தை புரிந்துகொள்ள எளிய வழி பிணங்களின் அருகில் அமர்ந்து சிந்திப்பதே.

*குறைந்த விலையில் வாங்கு. உயர்ந்த விலையில் விற்றிடு.

*மரணத்தின் கடைசி அவமதிப்பு நம் உடலுடனான உறவை இழப்பதே

தொடர்ந்து வாசிப்போம்

தோழமையுடன் மணிகண்ட பிரபு