29-4-20

உளி பழக செதுக்குகிறேன்

சிலை காண அல்ல.

~~~~

ஒரே மூச்சில் போய்

சேர்ந்திருக்கலாம்

பெருமூச்சில்

தூரத்தை 

அதிகமாக்கி விட்டீர்கள்.

~~~

கடந்து வந்த தூரம்

கடக்க வேண்டிய 

தூரத்தைக்

குறைத்துக்கொண்டே 

வருகிறது.

~~~

யாரோ தள்ளி 

யாரோ விழுவதைப்போல

உங்கள் வீழ்ச்சியை

பார்த்துக் கொண்டிருக்காதீர்கள்.

~~~

நீந்தி தேடுகிறது 

நதி

குளித்துப்போனவளின்

தடத்தை.

~~~~

வேலை முடித்தாயிற்று

யாரும் எழுப்ப மாட்டார்கள்,

என்று படுத்தேன்

அடுத்த வேலை எழுப்பிவிட்டது.

~~~~

கவனம் பெறும் ஒன்றை

நாம் செய்ய வேண்டும்

என்பதை விட

நாம் செய்யும் ஒன்று

கவனம் பெற வேண்டும்

என்பது சக்தி வாய்ந்தது.

~~~~

எழேத்தின் ருசியை

விட்டுவிட்டு

பிழையின் கசப்பை

அருந்துகிறீர்கள்.

~ராஜா சந்திரசேகர்

#தனித்து வரும்போது-கெட்ட

தறுதலை கண் வைத்தால்

இனிக்க நலம் கூறு-பெண்ணே

இல்லாவிடில் தாக்கு..

உமியல்ல பெண்ணின் வலக்கை-தீயோர்

உயிரை இடிக்கும் உலக்கை

-பாரதிதாசன்

#கடும்புதர் விலக்கிச் சென்று

களாப் பழம் சேர்ப்பார் போல

நெடும்புவி மக்கட்கான

நினைப்பினிற் சென்று

பலப்பல நுணுக்கம் சேர்ப்பார்

படித்தவர் அவற்றையெல்லாம்

கொடும் என அள்ளி உன் தாள்

கொண்டார்க்குக் கொண்டு போவாய்

-பாரதிதாசன்

(அதாவது படித்து அறிந்த அனுபவங்களை ஷேர் செய்யுங்கள் னு சொல்றார்)

 No man is a hero to his wife

நீங்க எல்லாருக்கும் ஹீரோவாக தெரியலாம்..ஆனால் உங்கள் மனைவிக்கு அல்ல