மெட்ஃபார்மின்

மெட்ஃபார்மின் (Metformin) - 100 ஆண்டு கதை

இரத்தத்தில் சர்க்கரையின் அளவு அதிகமாக இருப்பது கண்டறிந்து நம்மை "நீரிழிவு நோயாளி" என முடிவுகட்டியதும் மருத்துவரால் First line therapy என்று முதலில் பரிந்துரைக்கப்படும் மருந்து இந்த மெட்ஃபார்மின் தான். 

1920களிலேயே மெட்ஃபார்மின் இரத்தத்தில் சர்க்கரையின் அளவை குறைக்கும் என்று ஆய்வக சோதனைகள் மூலம் நிரூபிக்கப்பட்டுவிட்டது. ஆனால் 1950கள் வரையிலும் சுமார் 30 ஆண்டுகளாக அதனை மருந்தாக வளர்த்தெடுக்கும் முயற்சியில் எந்த நிறுவனமும் ஆர்வம் காட்டவில்லை. 

1940களில் மலேரியாவிற்கும் இன்ப்ளூயன்ஸாவிற்கும் மருந்து கண்டுபிடிக்கும் முயற்சியின் இறுதிக்கட்டமான  மனிதப்பரிசோதனையில், மெட்ஃபார்மின் குறிப்பிடத்தக்க அளவில் இரத்த சர்க்கரை அளவை குறைத்திருப்பது கண்டறியப்பட்டது.

அதன்பின் மேலும் 30ஆண்டுகளுக்குப்பின்னர்  1970களில் முதன்முதலில் கனடா நாட்டில் மட்டும் அதன் மருத்துவ கட்டுப்பாட்டு நிறுவனம் மெட்ஃபார்மினை நீரழிவுக்கான மருந்தாக அங்கீகரித்தது. 

ஆனால் உலகப் பொது மருந்து அங்கீகார நிறுவனமான USFDA , மேலும் 25ஆண்டுகள் கழித்து 1995 ஆம் ஆண்டுதான் ஒப்புதல் தந்தது. 

ஆகவே 1995 க்குப்பிறகே உலகின் அனைத்து நாடுகளின் மருத்துவர்களால் அதிகம் பரிந்துரைக்கப்படும் நீரழிவு நோய்க்கெதிரான blockbuster மருந்தாக இன்றளவும் இருந்துவருகிறது, மெட்ஃபார்மின்.

++++