ஹைக்கூ

*தமிழ் ஹைக்கூ 1⃣0⃣1⃣ ஆண்டு*

பகுதி - 23

ஹைக்கூ படைப்பாக்கத்தில் உள்ள 13 மனநிலைகளில் இன்று 3..

ஏற்புத்தன்மை..

ஏற்புநிலை என்பது இயற்கை நியதிகளை ஏற்றுக்கொள்ளல் என பொருள் கொள்ளலாம்..

இயற்கையிடமிருந்து கற்கும் மனப்பக்குவம் ஹைக்கூவில் ஏற்புநிலை..

   நேற்று கிழக்கில்
   இன்று மேற்கில்
   கோடை மின்னல்
       - கிகாகு

   முதிர்ந்து உதிர்ந்து இறக்கும்
   பல வண்ண மலர்கள்
   அனைத்திற்கும் ஒரே கரிசல் மண்
                 -ரையூசூயி

இயற்கை உண்மைகளுடன் வாழ்வின் உயர்வு தாழ்வுகளையும் ஏற்க வேண்டும் என்கிறது..

   என் பழைய ஆடையும், செருப்பும்..
   இன்னும் அணிகிறேன்
   ஆண்டு முடியும் வேளை..
             - பாஷோ

   என் மடிந்த நம்பிக்கைகள்
   வாடிய கனவுகள்.. ஆனால் இன்னும்
   ஒவ்வொறு வசந்தத்திலும் பூ..
                     -சுசுகி

நம் துன்பத்தில் பிறர் இன்பத்தை வெறுத்தல் மானுடம் அல்ல ; பிறரது இன்பமே நமது இன்பம் என்கிறது சுசுகி யின் கவிதை

நாளை ..

4 ம் நிலையான மௌனம்..

*பெருநதி 2018 அக்டோபர் 16 வரை உங்களை நனைக்கும்*

               ஸ்ரீதர்
🍀 திண்டுக்கல் 🍀