மணநாள்

வாழ்க்கை இணை ஏற்ற நாள்

சிடுமூஞ்சி அல்லாள்
சீரியல் பார்க்கும் விழி அல்லாள்
சிரித்தபடியே சண்டைபோடும் சிம்பிளானவள்

பார்லர் போகும் முகமல்ல
பவுடர் மட்டுமே பூசிக்கொள்ளும் முழுமதியாள்

பொன்னோ பொருளோ ஆசையில்லை
பொருட்காட்சியில் விற்கும் டெல்லி அப்பளமே போதும் அவளுக்கு

சூடான உணவை தயாரித்துவிட்டு
சூடு பன்னிய குழம்பையே உண்ணும்
சுத்தமான ஜீவன்

செருப்பு எண்ணிக்கையும்
சேலை எண்ணிக்கையும்
அதிகமில்லை என்பதால் மணவாழ்க்கை இன்னும் மைலெஜ் குறையாமல் ஓடுகிறது

சினிமாவுக்கு போக நச்சரிப்பவள் அல்ல
சின்னத்திரையே போதும் என மெச்சியவள்

எத்தனை பணி இருந்தாலும்
என்னை நம்பி எந்த பக்கெட் துணியும்
ஊற வைக்காதவள்

கல்யாண் ஜுவல்லர்ஸ் போனாலும்
கல்யாணி கவரிங் போனாலும் ஒரு போதும் கடுப்பை காட்டாதவள்

இவள் பொறுமையாக இருப்பதால்தான்
என்னால் பொறுப்போடு இருக்கமுடிகிறது

-மணிகண்டபிரபு