ரஜினி ரசிகன் என்ற முறையில்
*மணி
முதல் நாள் முதல் ஷோ முரட்டுக்காளை பார்த்த சின்னச்சாமி அண்ணனின் அனுபவத்தை அப்போது ரசித்துக் கேட்போம்.குறிப்பாய் பொதுவாக எம் மனசு தங்கம் பாடலை
பிறகு நாங்கள் மாப்பிள்ளை படத்தை கோபிச்செட்டிபாளையம் காது குத்து வைபவத்தில் இன்னும் நினைவில் உள்ளது.என்னோட ராசி நல்ல ராசி பாட்டில் வெள்ளை ஆடை பார்த்து எடுக்கச்சொல்லி அடம்பிடித்தது
*பாண்டியன் படம் வந்த புதிதில் சட்டை பாக்கெட்டில் ரைட் சிம்பல் போட்டிருப்பது பரம் வீர் சக்ரா பாக்கெட்டில் இருப்பது மாதிரி
*தர்மதுரை படத்தில் ஓபனிங் வெள்ளை சூ வந்தபோது வீதியில் முக்கால்வாசி பேர் அதை எடுத்து நடப்பாங்க.
*கமல் ரசிகராய் மதம் மாறியது போல் மாறினவரை மீண்டும் ரஜினி பக்கம் இழுத்து வந்தது தளபதி தான். பலரின் சலூன் கடையில் இன்றும் அதன் முகப்பு இடத்தில் ரஜினி திரும்பியது போல் இருப்பதை கேட்கலாம்
*பலரின் சைக்கிள் மக்கேடுகளில் தளபதி தான் எழுதியிருப்பார்கள்
*பணக்காரன் படத்தில் ஷோலோவாய் ஆடியது அவ்வளவு ரசித்தோம். குறிப்பாய் அதில் வெள்ளை நிற கோட் அணிந்த ரஜினி புகைப்படம் தான் அன்றைய பொங்கல் வாழ்த்து அட்டையில் அனுப்புவோம்
*அண்ணாமலை பட பாணியில் எங்கள் ஏரியா பூ விற்கும் முருகன் ரஜினி பாணியில் சைக்கிளில் டேப் ரெக்கார்டர் வைத்து சுத்தியது பூ விற்பனையை உயர்த்தினார்
*நாட்டுக்கொரு நல்லவன் படம் ஓடாதது பலர் பெட் கட்டி தோற்றது நினைவில் உள்ளது.
*89ல் செல்வராஜ் தியேட்டரில் பார்த்த ராஜா சின்ன ரோஜா படத்தில் சூப்பர் ஸ்டாரு யாருனு கேட்டா பாட்டில் கலர் வெடிகுண்டு மாதிரி அந்த வருச தீபாவளிக்கு பட்டாசு கடையில் வெள்ளந்தியாய் கேட்டது நினைவில் இருக்கு
*கொடி பறக்குது பாணியில் எம் பேரு ஈரோடு சிவகிரி ஓம் பேர் என்னா னு எல்லாரையும் பார்த்து கேட்போம்
*உழைப்பாளி படத்தை திருச்சியில் பார்த்து எல்லோரும் ஜீன்ஸ் பேன்ட்டை கத்தரி வைத்து கத்தரித்து கிழிஞ்ச பேன்ட் போட்டிருப்பதை பார்த்து எங்கப்பா எல்லார் முன்னாலயும் ரஜினி கோவனம் கட்டி நடித்தால் எல்லாரும் கோவனம் கட்டிப் போவாங்கனு கிண்டல் செய்தார்.
*வள்ளி படத்தில் ரஜினி பேசிய வசனம் எழுதி அனுப்பினால் அவர் கையோப்பம் இட்ட போட்டோ வீட்டுக்கே வரும். அதை பலரும் தங்கள் ஹாலில் மாட்டியிருப்பாங்க
*எஜமான் படம் பார்த்து குளிக்க போகும் முன் எல்லாம் துண்டை சுற்றி தோளில் போட்டு ஸ்டைல் காண்பிப்பது.
*வீரா படம் ஏனோ அதிகம் பிடிக்கவில்லை
*அடுத்து வட்டியும் முதலுமாய் அஞ்சாம் வகுப்பு படிக்கும் போது பாட்ஷா வந்தது. அதில் வந்த ஆட்டோகாரன் பாட்டை மனப்பாட பாட்டு மாதிரி மனப்பாடம் செய்து ஓப்பிப்பது
*பழனி பஸ்ஸில் போகும்போதுதான் முத்து படத்தில் வந்த தில்லானா தில்லானா கேட்டது புதுமையா இருந்துச்சு.அதிலிருந்து தான் விக் வச்சு நடிச்சாரு.பாட்ஷாவில் அவ்வளவு தெரியல
*அருணாச்சலத்தை கேபிள் டிவியில் பார்த்தோம்.படையப்பா அப்போது வந்த ட்ரன்ட் செட்டர் படம்.அதில் தாடி வைத்த தோற்றமும் நீள அங்கியும்,அந்த ஊஞ்சல் சீனும் அவ்லோ மாஸ்.அப்புறம் சிவாஜி படம் அவரின் பழைய பிம்பத்தை ஓரளவு கொண்டு வந்தது.
*பாபா படம் ஓபனிங் எஸ்.பி.பி பாடாதது என்னவோ போல் இருந்தது. படமும் ஓடல.அப்புறம் சந்திரமுகி க்ளாஸ். அதுக்கு அப்புறம் எந்த படமும் பார்க்கல.
#ரசிகன்
இன்னும் ரஜினி ரசிகராய் இருக்கிறோம்.
இருந்தாலும் அவர் ஸ்டைலை,பஞ்ச் ஐ தற்போது ரசிக்க முடிவதில்லை. வயசாகிடுச்சானு தெரியல.அரசியலுக்கு வருவாரா இல்லையா என்பது ஒவ்வொரு வருச பிறந்தநாளிலும் வரும் கேள்விக்குறி.இருந்தாலும் அவரின் மாஸ் என்றும் அவருக்கு நிகர் அவரே.
பிறந்தநாள் வாழ்த்துகள் சார்
