அருந்தவப்பன்றி

அருந்தவப்பன்றி – சுப்பிரமணிய பாரதி’ 

-பாரதி கிருஷ்ணகுமார்

இந்தப் புத்தகம் பாரதியைப் பற்றிய ஆய்வு நூல்.பாரதியாரால் 1898 முதல் 1904 ம் ஆண்டு வரை எழுத முடியவில்லை.அவரது வாழ்க்கையில் ஏற்பட்ட மனப்போராட்டங்கள், தடைகள், கவிதை எழுத முடியாமல் போன காலம், மீண்டும் கவிதையின் பக்கம் அவர் திரும்பிய விதம் ஆகியவற்றை ஆராய்கிறது."ஆய்வு என்பது பல பக்கமும் எட்டு திசையும் போகக்கூடாது.ஒரு குறிப்பிட்ட மையத்தை நோக்கித்தான் போக வேண்டும்.இறுதியாக நாம் என்ன சொல்ல வருகிறோமோ அதற்கான படிக்கட்டை ஒழுங்காக அமைத்துத்தர வேண்டும்" எனும் பிரபஞ்சனின் வரிக்கு ஏற்ற ஆய்வு நூல் இது.

நாய் பிழைப்பு என பலரும் பல கட்டங்களில்.சொல்வதுண்டு. ஆனால் பன்றி வாழ்க்கை என சொல்லுவதில்லை.பாரதியே தன்னுடைய ஒரு காலகட்ட வாழ்க்கையை ‘அருந்தவப்பன்றி’ என்ற உருவகத்தின் மூலம் குறிப்பிடுகிறார். அருந்தவம் செய்த முனிவன் சாபத்தால் பன்றியாக மாறி, பின்னர் அந்த வாழ்க்கையையே விரும்பி வாழ்வது போன்ற உருவகத்தைத் தன் வாழ்க்கையுடன் ஒப்பிட்டுப் பார்க்கிறார் பாரதி. பெருவாரியான மனிதர்கள் அருந்தவபன்றிகள் தான். இவ்வுண்மை தெரியாதவர்கள் கொடுத்து வைத்தவர்கள் என்கிறார் முன்னுரையில் 

எட்டயபுர ஜமீன் போல பல சமஸ்தானங்கள் அதிகாரமின்றி இருந்த காலகட்டம்.மன்னரை புகழ்ந்து பாடும் பாடல்களை பாடி மன்னரை சந்தோசப்படுத்த வேண்டும்.அந்த காலத்தில் பாரதியும் அங்கு பணி செய்தார்.அதனை நினைத்து வருந்தி

"கவிதா தேவி அருள் வேண்டல்’ என்ற நீண்ட சுயசரிதைக் கவிதைப் பாடலில் தனது வாழ்க்கையில் ஒரு குறிப்பிட்ட காலத்தில் கவிதையிலிருந்து விலகியிருந்ததை இந்தக் கவிதையின் வழியாகக் கண்டறிந்து, அந்தக் காலகட்டத்தின் பின்னணியை ஆசிரியர் ஆராய்கிறார். 

இக்கவிதை இந்தியா இதழில் 85 வரிகள் முதல் பகுதியாக 87 வரிகள் இரண்டாம் பகுதிகளாக வருகிறது.

1893ம் ஆண்டு சிவஞான யோகியார் பாரதியின் கவிப்பெருக்கைக் கண்டு " பாரதி எனும் பட்டத்தை வழங்கினார்.

பாரதியின் தந்தை சின்னச்சாமி க்கு இருந்த தொழில்நுட்ப அறிவைப் பற்றி கூறியுள்ளார்.ஜி டி நாயுடு போன்று தொழில் துறையில் அவருக்கிருந்த முனைப்பை காட்டுகிறது.பீதப்புரத்தில் எட்டயபுரம் காட்டன் ஜின்னிங் பேக்டரி லிமிட்டெட் கம்பெனி பற்றி ஆய்வு செய்து கூறியுள்ளார். அதனைப் பார்க்கும்போது அன்றே அவருக்கு இருந்த ஆர்வத்தையும் இந்தியாவிலேயே மேலைநாட்டு தொழில்நுட்ப அறிவை நம் நாட்டுக்கு பயன்படும்படி எண்ணிய சிந்தனை வியக்க வைக்கிறது.

பாரதியார் வரலாற்றை படிக்க நினைப்போர்க்கு வ ராமசாமி எழுதிய புத்தகத்தோடு இந்த அருந்தவபன்றியும் முக்கியமானவையாகும். தன் படிப்புக்கு செலவு செய்ய பெற்றோரால் உதவ முடியாத நிலையில் எட்டயபுர  மன்னருக்கு சீட்டுக்கவி எழுதியதை முதல் கவிதையாக 64 வரிகளில் எழுதியுள்ளார்.இதனை 1974ம் ஆண்டு கலைமகள் இதழில் அவரின் தம்பி விசுவநாதன் பிரசுரித்துள்ளார். தஞ்சை தமிழ் பல்கலைக்கழக ஆய்வுப் பதிப்பில் உள்ளது.அதனை பொருளுடன்,எந்த சூழலில் எழுதப்பட்டது என்பதை இப்புத்தகத்தில் குறிப்பிட்டுள்ளளார்.

அதாவது, உயர்ந்த சிந்தனைகளையும் கவிதைத் திறனையும் கொண்ட பாரதி, தன்னுடைய படைப்பாற்றலிலிருந்து விலகி வாழ்ந்த காலத்தைத் தாழ்வான வாழ்க்கையாக உணர்ந்தார் என்பதே

அவரே கவித்துவத்தில் குறிப்பிடுகிறார்.சின்ன சங்கரன் கதையின் நுட்பத்தையும் பதிவு செய்கிறார்.எல்லாரும் கதையின் நடுப்பகுதியில் இருநது தொடங்குவார்கள். ஆனால் இக்கதையில் பாரதி இரு வேறு முறைகளை பயன்படுத்தி கதைகளை எழுதியுள்ளார். இக்கதை நகைச்சுவையும், கிண்டலுமான கதை.

பாரதியார் பாண்டிச்சேரியில் இருந்த காலகட்டத்தில் இருந்த நிலையை குறித்தாலும் எட்டயபுரம் குறித்த ஆய்வு அவ்வப்போது சொல்லப்பட்டு கொண்டே இருக்கிறது.அதாவது மையத்தை விட்டு அகலாமல் ஆய்வு நூல் செல்கிறது.

 

இந்நூல் பாரதியின் வாழ்க்கையைப் பற்றிய வெளிப்புறத் தகவல்களை மட்டும் பயன்படுத்தாமல், பாரதியின் கவிதைகள், கதைகள், கட்டுரைகள் போன்ற அவரது படைப்புகளுக்குள் இருக்கும் அகச்சான்றுகளை ஆராய்கிறார்.பாரதியின் இளமை வரலாற்றையும் அவர் தங்கை பாகிரதி தாயார் இறந்த பின் வள்ளியம்மைக்கு பிறந்த தன் தங்கை தம்பி விசுவநாதன் ஆகியோர் பற்றிய தகவலையும் தருகிறார்.

பாரதியை பற்றி படிக்கும் போதெல்லாம் பிரம்மிப்புதான். செல்வ செழிப்பில் பிறந்தாலும் அவர் நினைத்திருந்தால் எட்டயபுர மன்னருக்கு பணிவிடைகள் செய்து எட்டயபுரத்தில் ஆஸ்தான கவியாக இருந்து ஊர் மெச்ச வாழ்ந்திருப்பார்.

மதுரை சேதுபதி பள்ளியில் ஆசிரியராக பணியாற்றி நல் வாழ்வு வாழ்ந்து ஓய்வு பெற்றிருப்பார். சுதந்திர தாகம் கொண்டு தன்னலம் கருதாது விடுதலை உணர்வை அனைவருக்கும் ஊட்டியதால் மகாகவி என போற்றப்படுகிறார்.

'அருந்தவப்பன்றி’ பாரதியைப் பற்றிய வழக்கமான வாழ்க்கை வரலாறு அல்ல; பாரதியின் உள்ளத்தை அவரது படைப்புகளின் வழியாக வாசிக்க முயலும் ஓர் ஆய்வு. பாரதியைப் புதிய கோணத்தில் புரிந்துகொள்ள விரும்பும் வாசகர்களுக்கு இது குறிப்பிடத்தக்க நூலாகிறது. 

*ஜமீனுக்கும் பாரதிக்கும் உள்ள நட்பு.. விலகி இருந்தால் சேரத்துடிக்கும் அன்பு..சேர்ந்திருந்தால் விலக துடிக்கும் சுயம் என்று வர்ணிக்கிறார் ஆசிரியர்

*9 மொழிகள் அறிந்துள்ளார். அதனால் தான் என்னவோ யாம் அறிந்த மொழிகளிலே என குறிப்பிடுகிறார்.

*ஆறு ஆண்டுகளுக்குப்பிறகு தனிமை இரக்கம் எனும் கவிதை விவேகபானுவில் வெளி வருகிறது.

பிற்சேர்க்கையில் கொடுக்கப்பட்டுள்ளது.

*சீட்டுக்கவி, சின்ன சங்கரன் கதை ஆகியவை பின்னிணைப்பில் கொடுக்கப்பட்டுள்ளது.

*எனக்கிவ் வாழ்க்கை இன்புடைத் தேயாம்: 

நினக்கிதில் துன்பம் நிகழுமேல் சென்றவ் 

வாளினின் நெஞ்சை வகுத்துநீ மடிக" என்றிது கூறி அருந்தவப் பன்றிதன் இனத்தொடும் ஓடி இன்னுயிர் காத்தது.

*1905ல் முற்றிலும் பெண்களுக்கான சக்கரவர்த்தினி எனும் மாத பத்கிரிக்கை ஆசிரியராகிறார்

*இளசை என்பது எட்டயபுரத்தின் இன்னொரு பெயர்.சமஸ்தானத்திற்கு சீட்டுக்கவி எழுதிய போது இளசை சுப்பிரமணியன் என்றே எழுதுகிறார்.

தொடர்ந்து வாசிப்போம்

தோழமையுடன் மணிகண்டபிரபு

பூனைகள்.நகரம்

பூனைகள் நகரம்

- ஹாருகி முரகாமி

தமிழில்: ஜி.குப்புசாமி

ஜப்பானிய எழுத்தாளரான ஹாருகி முரகாமியின் கதைகள் வெகுவாக தமிழில் வந்துள்ளன.  பூனைகள் நகரம் என்பது ஜப்பானிய எழுத்தாளர் ஹாருகி முரகாமியின் தனித்துவமான கதை உலகத்தை அறிமுகப்படுத்தும் படைப்பு. முரகாமியின் வழக்கமான மாய யதார்த்தம், தனிமை, கனவு–நனவு கலப்பு போன்ற கூறுகள் இதில் முக்கியத்துவம் பெறுகின்றன.

இத்தொகுப்பில் மொத்தம் எட்டு கதைகள் உள்ளன. முதலாவதாக

 'ஆளுண்ணும் பூனைகள்' கதையில்

பூனைகள் ஆட்களை தின்றதாக செய்தித்தாளில் செய்தி வருகிறது. அதை நாயகன் தன் காதலி இசுமிக்கி படித்துக் காண்பிக்கிறான். பூனை குறித்த விவாதம் வருகிறது.பின் தன் மனைவியை விட்டுவிட்டு காதலி இசுமியுடன் கிரீஸ் நாட்டில் உள்ள தீவிற்கு செல்கிறார்கள்.தங்களது சேமிப்பில் உள்ள பணம் சிறிது காலத்துக்கு வரும் என திட்டத்துடன் தங்குகிறாள்.நள்ளிரவில் இசுமி காணமால் போகிறாள். அடுத்தது என்ன என்பதே கதை. மேஜிக்கல் ரியலிசத்தை தன் கதையில் கொண்டு வந்திருப்பார்.சாதாரண மனிதனின் உணர்வுகளை சொல்லியிருப்பார். உங்களால் துறக்க முடிந்தது சொற்பமானவை அலல்...மிக சொற்பமானவை என்றொரு வரி தங்களின் சிக்கலான காலகட்டத்தை உணரச் செய்தது.

மனதர்களின் அகச்சிக்கலை அலசும் விதத்தில் அமைந்தது பிற்கால முதலாளித்துவத்தின் முன் ஒரு சரித்திரம். தலைப்புப் க்கு ஏற்றது போல உள்ளடக்கம் இல்லை.. நண்பனின் அகச்சிக்கலை கூறும் விதத்தில் அமைந்த கதை. கோபோவில் தன் உடன் படித்த நண்பன் யூஷிகாவுடன் காதலில் விழுந்து பிரிந்த கதை இவனின் பார்வையில் சொல்லப்படுகிறது 

உன் கணவரின் தந்தை ட்ராம் வண்டியில் அடிபட்டு இறந்து போனார் என மருமகளிடம் கதை சொல்கிறார் அபார்ட்மெண்ட் வாசி.அவர் காணாமல் போனவர்களை கண்டுபிடிப்பதில் ஆர்வமுள்ளவர்.தந்தை இறப்பிற்குபின் தாயை கவனித்துக் கொண்டு வருபவர்.ஒருநாள் திடிரென காணாமல் போகிறார்.அதன் கதை சொல்லி துப்பறிகிறார்..அதன் பின் என்ன என்பது தேடல் கதை.

 தன் பெயரை மறந்துவிடும் வியாதி பீடித்திவிடுகிறது ஒஸாவாவுக்கு.அந் நோயிருலிந்து மீட்டுத்தரும்படி டெட்சுகோ சகாகி எனும் உளவியல் வழிகாட்டுநரை அணுகுகிறார்.அவர் அந்த வியாதியை சரி செய்தாரா அதற்கு காரணம் ஒரு குரங்கு என்பதை கண்டறிகிறார். ஏன் அவ்வாறு நடந்தது என்பதை பேண்டசியில் வகை பாணியில் ஷினாகவா குரங்கு கதை அமைந்து ள்ளது." பொறாமை உன் மனதில் இருந்தால் நரகத்தை சுமந்து கொண்டு இருப்பது போல எனும் வரி கதையில் ரசிக்க வைத்தது

பூனைகள் நகரம் இக்கதையின் நாயகன் டெங்கோ அறிதிறன் குறைபாடுள்ள நோயாளிகளை பராமரிக்கும் இடமான சாண்டோரியத்தில் உள்ள தந்தையை பார்க்க ரயிலில் செல்கிறான்.இளம் வயதில் தொலைக்காட்சி நிறுவனத்தில் வரி தண்டலராய் வேலை பார்த்த தந்தையுடன் செல்வதால் ஞாயிற்றுக்கிழமை என்பதே உணராதவன்.டெகோவிற்கும் அவனது தந்தைக்கும் இடையிலான உறவு மிகவும் சிக்கலானது. 

தனது தந்தையைப் பார்க்கச் செல்லும் பயணத்தின் போது, டெங்கோ 'பூனைகள் நகரம்' என்ற தலைப்பிலான ஒரு கதையைப் படிக்கிறான். அக்கதை, ஒரு இளைஞன் தற்செயலாக ஒரு ஊரில் இறங்குவதையும், அங்கு இரவில் மனிதர்களுக்குப் பதிலாகப் பூனைகள் நடமாடுவதையும், இறுதியில் அவன் அந்த உலகத்திலேயே சிக்கிக் கொள்வதையும் விவரிக்கிறது.டெங்கோவின் தாய் குறித்த உண்மைகளை அவனது தந்தை சொல்கிறார். தன் பிறப்பு குறித்து நீண்ட காலச் சந்தேகம் தீர்ந்தது. .

"நான் யார்?" என்ற கேள்விக்கான விடையைத் தேடுவதே அவனது வாழ்க்கையின் முக்கிய நோக்கமாக அமைகிறது.தனது பிறப்பின் உண்மை தேடும் அவனது பயணம், அந்த மர்மமான நகரத்திற்குள் செல்வதைப் போன்றது என உணர்கிறான்.

விளக்கம் இல்லாமல் ஒன்றைப் புரிந்து கொள்ள முடியாவிட்டால், விளக்கினாலும் அதைப் புரிந்து கொள்ள முடியாது" என்ற தத்துவார்த்தமான உரையாடல்கள் தந்தைக்கும் மகனுக்கும் இடையே நிகழ்கின்றன. 

'விநோத நூலகம்' கதை நூலகத்திற்கு புத்தகம் மாற்றச் செல்லும் சிறுவன்.. தான் தேடிக்கொண்டிருக்கும் புத்தகத்தை குறிப்பிடுகிறான். நேராகப்போய் கீழே இறங்கி வலதுபுறம் திரும்புங்கள் என்கிறார். அதை நம்பிச்செல்லும் சிறுவன் படியில்.கீழே இறங்கி மாய உலகில் அகப்படுகிறான்.  அதன் பின் எப்படி மீண்டான் என்பதே கதை.

ஸாம்சாவின் காதல் கதையிலும் மாய உலகில் இருப்பது போன்றே கதை பின்னப்பட்டிருக்கும்.

*ஒரு வெற்றிடம் உருவானால் அதை வேறொன்று வந்து நிரப்ப வேண்டும்" 

எனும் வரி கதையுடன் இணைந்து வரும் அழகியாலாக மிளிர்கிறது.

முரகாமியின் படைப்புகளில் காணப்படும் யதார்த்தமும் கனவும் கலந்த உலகம் இங்கும் முக்கியப் பங்கு வகிக்கிறது. கதாபாத்திரங்கள் தங்களுக்குள் இருக்கும் வெறுமையையும், தாங்கள் தொலைத்துவிட்ட ஒன்றையும் தேடிச் செல்கின்றனர். பூனைகள் இங்கு வெறும் விலங்குகள் அல்ல; அவை மனிதர்களின் மனநிலைகளையும் மர்மங்களையும் பிரதிபலிக்கும் குறியீடுகளாகத் தோன்றுகின்றன.மாயத்தன்மை கொண்ட எழுத்து நடை எளிமையாகவும் சுவாரஸ்யமானதாகவும் இருக்கிறது

தொடர்ந்து வாசிப்போம்

தோழமையுடன் மணிகண்டபிரபு

தொலைத்த இடம்தெரியவில்லை..எங்கோ எவருக்கோஎனக்கானகாலத்தையும் நேரத்தையும்காட்டிக் கொண்டிருக்கும்என் கைக்கடிகாரம்-சீனு

ராமச்னுஜ்ச்ம்

கவனம் குவிக்கும் கலை

அபாரத் திறமைசாலிகள், மேதைகள் எப்படி மற்றவர்களிடமிருந்து வேறுபடுகிறார்கள்?

Expert Psychology என்னும் உளவியல் துறை இதற்குப் பல விடைகளைத் தருகிறது.

முக்கியமாகக் கடின உழைப்பு, விடாப்பிடித்தனம் ( Grit ), தணியாத ஆர்வம் ( Passion), நம்பிக்கை மனப்பாங்கு ( Mindset) எனப் பல இருக்கின்றன.

(Angelina Duckworth எழுதிய Grit , மற்றும் Carol Dweck இன் Mindset ஆகியவை மிக முக்கியமான நூல்கள்).

ஆனால் ஒரே வார்த்தையில் இவர்களை மற்றவர்களிடமிருந்து வேறுபடுத்த வேண்டுமென்றால் அது கவனிக்கும் திறன் எனலாம் (Focus).

தாங்கள் செய்வதை மிகக் கவனமுடன் செய்வார்கள். சாதாரண பயிற்சியைவிட அதீத தீவிரமான Deliberate Practice தான் திறமையை வளர்க்கும் என்பது Peak என்ற நூலில் Anders Ericsson என்னும் இந்தத் துறையின் அத்தாரிட்டி அறிஞர் சொல்லும் கருத்து.

தீவிரப் பயிற்சியின் முதல் அம்சமே அர்ஜுனன் குறிபார்ப்பதுபோல் வேறெதையும்விட தங்கள் இலக்கு மட்டுமே பயிற்சியின் போது மேதைகளுக்குத் தெரியும். மேலும் மிகத் தெளிவாக எதனைப் பயிற்சி செய்யப் போகிறோம் , எதை முன்னேற்ற வேண்டும் என்பதைப் பற்றி எல்லாம் மிகத் தெளிவான இலக்குகள் வைத்திருப்பதுதான் Deliberate பயிற்சி.

வேறெதையும் மறந்து கவனம் குவிக்கும் நிலையை Flow என்கிறார்கள் . ( இந்தத் துறையின் பிஸ்தா Mihali Csikszentmihali என்னும் அறிஞர் எழுதிய Flow என்னும் நூல் மிக முக்கியம்).

அதே போல மிகக் கூர்மையாகக் கவனத்தைக் குவிப்பதை Deep work என்கிறார் Carl Newport.  அப்படிக் கவனம் குவித்து வேலை செய்பவர்களே போட்டிகள் அதிகரித்து வரும் இக்காலத்தில் வெற்றி பெற முடியும் என அவர் தனது Deep work என்னும் நூலில் குறிப்பிடுகிறார். 

Chris Bailey எழுதிய Hyperfocus என்னும் நூலும் முக்கியமானது.

இவை பற்றி எல்லாம் எனது மனசுக்குள் ஒரு ஜிம் நூலில் விளக்கி இருக்கிறேன்.

இந்த இணைய உலகில் அதீதமான தூண்டுதல்களால் நமது கவனம் சிதறுகிறது. படிக்க வாசிக்க முடியவில்லை. இதனை Digital Distraction என்கிறார்கள்.

இது பற்றி The Shallows by Nicholass Carr, Digital minimalism by Carl Newport ஆகிய நூல்கள் விரிவாகச் சொல்கின்றன.

இவை பற்றி தமிழ் இந்து திசை நாளிதழில் நான் எழுதிய ' உள்ளங்கையில் ஒரு சிறை " என்னும் தொடரில் சொல்லி இருக்கிறேன்.

சமீபத்தில் இது தொடர்பாக இன்னும் இரண்டு நூல்களை வாசித்தேன்.

1. Stolen Focus by Johan Hari

2. Daniel Goleman எழுதிய Focus

Daniel Goleman தான் Emotional Intelligence என்ற மிகப் புகழ்பெற்ற நூலின் ஆசிரியர்.

கவனம் குவிப்பது ஒரு கலை . அதற்கு இவை நல்ல வழிகாட்டிகள்

டாக்டர் ஜி ராமானுஜம்

book-73

மீசை

-எஸ் ஹரீஸ்

~தமிழில் மோ செந்தில்குமார்

எஸ். ஹரீஷின் மீசை ஒரு சாதாரண கிராமியக் கதையாகத் தொடங்கி, சாதியமைப்பு, சமூக அதிகாரம், அடக்குமுறை, பாலினப் பார்வை, நாட்டுப்புற நம்பிக்கைகள் ஆகியவற்றைக் கேள்விக்குள்ளாக்கும் விரிந்த நாவலாக உருவெடுக்கிறது.

கதையில் பவியான் என்பவன் வழியே நாவல் துவங்குகிறது. அவருடைய மகன் வாவச்சன்.தோணியில் சென்று மீன் பிடிப்பது,புல் அறுத்து வீடுகளுக்கு கொடுப்பது,.எனச் செல்கிறது.காலம் காலமாக தாழ்த்தப்பட்ட சமூகத்தில் அடிமை போல் வாழ்பவர்கள். பவியானின் மூதாதையர் சோவனின் கதையும் சொல்லப்படுகிறது.இக்

கரையிலிருந்து அக்கரைக்கு தோணி ஓட்டுவது வேலை.அச்சமயத்தில் வந்த இருவர் பட்டாளத்தில் சேரும் திட்டத்தை கூறிய போது வாவச்சனின் மனதில் தன்னையும் அறியாமல் ஆசை பிறக்கிறது.

பிள்ளைக்கு கதை சொல்லும் எழுத்தாளனின் கதாபாத்திர அறிமுகமாகிறது.எழுத்தச்சன் எனும் நாடக கலைஞன் அந்த ஊருக்கு தோணியில் வருகிறார். ஊரில் நாடகம் நடப்பதாக செய்தி பரவுகிறது. நடிகர்கள் கிடைக்காமல் வாவச்ச்னை அவர் காவலர் வேடத்தில் நடிக்க வைக்க மீசை வைக்கிறார். அந்த ஊரில் யாரும் இதுவரை மீசை வைத்ததில்லை. வாவச்சனும் இயற்கையாக மீசை வைக்கின்றனர். அவனது நடிப்பு அனைவரையும் பயம் கொள்ள வைக்கிறது.அந்தக் கதாபாத்திரத்திற்கு ஒரு வசனம்கூட இல்லை. ஆனால் அவர் மேடையில் தோன்றும் தருணத்திலேயே பார்வையாளர்கள் அச்சத்தில் நடுங்குகின்றனர்.பிறகு அதே மீசையுடன் இருக்க விரும்புவதாக வாவச்சன் தெரிவிக்கிறார்

நாடகம் முடிந்து அவர்கள் சென்றாலும்

கிருஷ்ணன் தட்டன் ,வாவச்சன் மட்டுமே அதே கதாபாத்திர உணர்வுடன் ஊரில் வலம் வந்தனர். கிருஷ்ணன் மீது எதிர்மறை விமர்சனம் வந்தது. ஆனால் வாவச்சன் மீசை மீது ஆத்திரம் வந்தது. புலையர்களை வெறுத்தனர் அவர்கள் மீசை வைத்தால் இன்னும் சமநீதி அதிகமாகும் என எண்ணுகின்றனர்.ஊர்க்காரர்கள் புலையர்கள் பகலில் நடமாடுவதாக கலவரத்தில் ஈடுபட்டு பவியான் வீட்டை சூறையாடினர். வாவச்சன் இல்லாததால் ஏமாற்றத்துடன் திரும்புகின்றனர்.ஊர் கலவரம் வந்ததால் விசாரணை அதிகாரி அதற்கு காரணம் வாவச்சன் மீது குற்றம் சாட்டுகிறார். இதற்கிடையில் குட்டத்தி எனும் வேசி அறிமுகப்படுத்துகிறாள். அவளுக்கு மீசை வைத்த வாவச்சனை பற்றி அதிகாரியிடம் சொல்ல அதிகாரி இன்னும் மூர்க்கமாகிறார்.

மீசைகுறித்த செய்தி ஊர் முழுவதும் பரவிவிட்டது

“அது இன்னும் அதிகமாக விரிந்து பரவிவிட்டது. இனி வாவச்சன் தனது வாழ்நாள் முழுவதும் அதற்குள்ளேயே ஒளிந்துகொள்ளலாம் என்கிறார் ஆசிரியர்.

பசியில் இருக்கும் வாவச்சன் உணவு தேடி அலைகிறான்.வாழை படத்தில் சிறுவன் ஓடுவது போல.தான் முன்பு அருந்திய உணவு வகைகளை எண்ணி கற்பனையில் பசியை ஆற்றிக் கொள்ளும் இடம் பதைபதைக்க வைக்கிறது.இதற்குள் ஊருக்குள் மீசை வைத்த வாவச்சனை தீவிரவாதி போல் சித்தரிக்கிறார்கள். அவன் மீசையில் மாந்திரிக சக்தி இருக்கிறது என புரளி பரவுகிறது. கேசவன் பிள்ளையும் ஆள் அனுப்பி தேடுகிறார்.. சிக்கவில்லை.

மீசை, பின்னர் அவனது அடையாளமாகவும் சமூக எதிர்ப்பின் குறியீடாகவும் மாறுகிறது.

அவனைச் சுற்றி உருவாகும் கதைகள், நாட்டுப்புறக் கற்பனைகள், புராணத் தன்மை கொண்ட சம்பவங்கள் ஆகியவை அவனை ஒரு சாதாரண மனிதனிடமிருந்து ஒரு வாழும் தொன்மமாக மாற்றுகின்றன.

தன் பரம்பரைக்கே இழுக்கு உண்டாக்கும்படி செய்து  இனி கஞ்சிக்கும் கூழுக்கும் என்ன செய்வதென்ற கோபம் பவியானுக்கு தன் மகன் மீது ஆத்திரம் ஏற்படுகிறது.தன் தாய் குறித்த நினைவுகளை மீட்டெடுத்து நினைத்துப் பார்க்கிறான் வாவச்சன்.

நான் லீனியர் முறையில் கதை நகர்வதால் பல்வேறு கதாபாத்திரங்கள் வருகின்றன. செல்லா, தாணுலிங்கநாடார், தவளை, பாம்பு, முதலை என.திருவாங்கூர் காவலர் ஒருவர் மர்மமான முறையில் இறந்துவிட மீசைக்காரனை விட்டுவிட்டு அந்த விசாரணை பரபரக்கிறது.மீசைக்காரன் வேலனுடன், அவறாச்சனுடன், கடைசி முதலையுடன் உரையாடல் நடைபெறுகிறது

மலாயாவுக்குச் செல்லும் தனது வழியைக் கண்டுபிடிப்பதும், தான் விரும்பும் பெண்ணைச் சந்திப்பதுமே அவனுடைய ஒரே நோக்கங்கள்.மலேயாவுக்குச் சென்றானா?சீதையை கைபிடித்தானா?

இறுதியில் மீசைக்காரன் ஊர்க்கார்களிடம் கிடைத்தானா? என்பதே நாவல். மீசை என்பது தொன்மமாக உருவாகும் நாட்டார் மரபும் சொல்லப்படுகிறது. கதையில் குட்டநாட்டின் நீர்நிலங்கள், வயல்கள், கிராமங்கள், நாட்டுப்புறப் பண்பாடு ஆகியவை நாவலின் பின்னணியாக மட்டுமல்லாமல், கதையின் முக்கியமான ஓர் அங்கமாகவே இயங்குகின்றன. நாட்டுப்புறக் கதைகள், பாடல்கள், நினைவுகள், மாய யதார்த்தக் கூறுகள் ஆகியவற்றை இணைத்து ஹரீஷ் தனித்துவமான கதைசொல்லல் முறையை உருவாக்குகிறார்.மீசையின் கதைகள் வாய்மொழியாக கிழக்கு கரையெல்லாம் பரவுகிறது.

~ரசித்தவை

*“ஒரு மீசை எப்படி ஒரு மனிதனின் அடையாளத்திலிருந்து சமூக எதிர்ப்பின் அடையாளமாகவும், பின்னர் ஒரு தொன்மமாகவும் மாறுகிறது என்பதே ‘மீசை’ நாவலின் தனித்துவமான கதைப் பயணம்.”*

*அர்ஜுனனின் அஸ்திரம் போன்றது நல்ல கதை. எடுக்கும்போது ஒன்று, தொடுக்கும் போது பத்து, மனதில் தைக்கும் போது நூறும் பத்தாயிரமும்

*நாம் பார்ப்பவற்றுக்கும் கேட்பவற்றுக்கும் இன்னொருவர் உடன் இருந்தால் மட்டுமே முக்கியத்துவம் இருக்கும்

*ஒரு புத்தக வெளியீட்டு விழாவில் அழைக்கப்பட்டவர் எதை வேண்டுமானாலும் பேசுவதற்கு லைசென்ஸ் கொடுக்கப்பட்டுள்ளது

*மரணம் ஒன்றுதான் இருக்கிறது என்றாலும் ஒருத்தனுக்குப் பலவிதங்களில் சாவதற்கான சாத்தியதைகள் உண்டு.

*தங்களுடைய இடங்கள் குறைந்தும் கூட முதலைகள் கவலைப்படவில்லை. பலவீனமானவரகளால் என்ன செய்ய முடியும்?

*கண்கள் உண்மை பேசாது என்ற நம்பிக்கை உள்ளதால் மீண்டும் பார்த்தேன்

மீசை வைப்பது என்ற ஒரு வரியைக் கொண்டு முந்நூறுக்கு மேற்பட்ட பக்கங்களில் சுவாரஸ்யமாக்கி, கிளைக்கதைகள் உருவாக்கி.. அக்காலத்திய நிலவுடமை சமுதாயம் உழைக்கும் வர்க்க, ஒடுக்கப்பட்ட வர்க மனிதர்களை கதாபாத்திரங்களாக்கி

நாவல் எழுதப்பட்டுள்ளது.மொழி பெயர்ப்பு என்ற உணர்வே இல்லாமல் எளிமையாக உள்ளது.ஆழமான ஆய்வு நோக்கில் கதை பின்னிப்பட்டுள்ளது

தொடர்ந்து வாசிப்போம்

தோழமையுடன் மணிகண்டபிரபு

book-72

ஆதிமங்கலத்து விசேஷங்கள்

-க.சீ.சிவகுமார்

Ignorance is bliss

-Thomas gray

க.சீ சிவக்குமாரின் மாஸ்டர் பீஸ் என்று இந்த புத்தகத்தை சொல்லலாம்.அறியாமைதான் நகைச்சுவையின் மூலம். அதை இலாவகமாக கையாண்டு புத்தகத்தை முழுவதும் பன்னீர் தெளித்திருப்பார்.கிராமத்து வாழ்க்கையின் எளிய நிகழ்வுகளையும், புதிய தொழில்நுட்பங்கள் கிராம மக்களின் வாழ்க்கைக்குள் நுழைந்தபோது ஏற்பட்ட வியப்புகளையும் நகைச்சுவையும் பகடியும் கலந்த நடையில் பதிவு செய்யும் படைப்பு.

கருத்து என்பது மூக்கு போலவும்,

நகைச்சுவை என்பது மூக்குத்தி போலவும் இருக்க வேண்டும் என படித்த வரி நினைவுக்கு வருகிறது.

க.சீ யின் நகைச்சுவை எழுத்தும் அவ்வாறே. தாராபுரத்துக்கு அருகில் ஆதிமங்கலம் எனும் கற்பனை கிராமத்தில் அறிவியல் சாதனங்கள் நுழையும் போது நடக்கும் விசயங்களை தனக்கே உரிய கொங்குதமிழில் நகைச்சுவை கட்டுரை வாயிலாய் நம்மையும் 1980களுக்கு அழைத்துச் செல்கிறார்.

கிராமத்திற்குள் மின்சாரம், தொலைபேசி, தந்தி போன்ற புதுமைகள் அறிமுகமாகும்போது, அவற்றை மக்கள் எவ்வாறு புரிந்துகொள்கிறார்கள், தங்களுக்குத் தெரிந்த உலகத்தோடு எவ்வாறு ஒப்பிட்டுப் பார்க்கிறார்கள் என்பதையே சிவகுமார் சுவையான சம்பவங்களாக மாற்றுகிறார்

பஸ்ஸில இன்னிக்கும் நடுவில் உட்கார்ந்தால் ஆக்சிடன்ட்ல இருந்து தப்பிச்சிடலாம்னு நினைக்கும் அறிவாளிகள் இன்னும் வாழ்கின்றனர்.முதன்முதலாய் ஆதிமங்கலத்துக்கும் பஸ் வரும்போது அந்த ஸ்டேரிங்கை பார்த்து இதுதான் வண்டிக்கு கயிறுபோலனு ஊரே அதிசயமாய் பார்த்து நம்புகிறது.

கரன்ட் கண்டுபிடித்த அன்று பல்பை விடிய விடிய ஊதி அணைக்க முற்பட்டார்களாம்.அதுபோல ஆதிமங்கலத்தில் வீடு தீப்பிடிச்சுனு நினைச்சு ஊரே ஒரு வீட்டை வேடிக்கை பார்க்கிறது கூட்டம்.பின்பு இரு சக்கர வாகனத்தை எருமைக்கும் பன்னிக்கும் பொறந்தது மாதிரி இருக்கும் மோட்டார் பைக் அறிமுகமாகிறது.ஒருத்தன் உக்காந்து உதைச்சதுல அது வலி தாங்க முடியாம படபடானு கிளம்பி ஓடுதுனு முடிவு செய்யறாங்க.

தபால் ஆபிசு குறித்தும் அதன் சாக்கு பை குறித்தும் விவரித்து அந்த சிவப்பு பெட்டியின் ரகசியம் கொள்ளவும் ஆழங்கான முடியாது என நம்புகிறார்கள்.தந்தியில் வந்த இறப்பு செய்தியில் அம்மா இல்லாமல் நாமில்லை..அப்பத்தா இல்லாமலும் நாம் இல்லைனு பஞ்ச் வைக்கிறார்.

அம்பாசிடர் காரை தொட்டுப் பார்க்காத,பின்னாடியே ஓடாத 80' கிட்ஸ் யாரும் இருக்க முடியாது. ஆதிமங்கலத்தில் இருக்கும் ஒத்த கார் நிற்கும் இடமும் ஸ்டாண்ட் என்றே அழைக்கப்பட்டது.

குளிபட்டி சுப்பிரமணி எங்கிருந்தாலும் உடனடியாக கொறட்டு வாசற்படிக்கு வரவும் என அறிவிக்கும் மைக்செட் வேலுச்சாமி நஷ்டம் அடைந்த கதையும்,லாட்டரி ஏஜென்சீஸ் ஏ.கே.எஸ் கருப்புசாமி வீரவரலாறும் நகைச்சுவையாய் எழுதியிருப்பார்.

ஊருக்குள் ஸ்டவ் அறிமுகமானபோது பாத்திரங்கள் பளபளக்க துலக்குப் பிடியும் அறிமுகமாகிறது.

முதன்முதலில் பேஸ்ட்டில் பல் துலக்கும் மலேசியக்காரரை பார்த்து "ஏதோ பூச்சி கடிச்சிருச்சுபோல வாயில நொரத் தள்ளீருச்சு" என ஊர் மக்கள் பரிதாபப்படுகிறார்கள்.

மதுக்கடை அறிமுகமான ஆதிமங்கலத்தில் "நீ நிம்மதியா குடிப்பேயப்பா குடும்பம் என்றார் குழந்தைவேல்.அந்த குடும்பத்தை மறக்கத்தான் குடிக்கிறேன் என்பார் கண்ணுசாமி.இந்த இந்திக்காரன் ஏன் எல்லா எழுத்து மேலயும் கம்பிய கட்டிவிட்டு ஜாயின்ட் அடிச்சிருக்கான எமகாதனுக எனும் எள்ளல் தொனியும் வெளிப்படுகிறது.

உடல்நலமில்லாத ஊரிலிருந்து வந்த வீராசாமியிடம் அது ஒன்னுமில்ல க்ளைமேட் சேன்ஜ் என்பதை கிலோமீட்டர் சேன்ஜ் என வெகுளியாகவும்,சளீனு சொன்னா ஏன் ஸ்டெதஸ்கோப்பை மூக்கில் வைத்து பார்க்கலனு அறியாமல் மருத்துவரிடம் விவாதம் செய்கின்றனர். ஒரு முறை காய்ச்சலுக்கு மருந்தை குடிச்சேன் என்பதை அந்நாள்வரை விசத்தை குடிப்பதை தான் மருந்தை குடிக்கும் பொருளில் பயன்பட்டதை குறிப்பிட்டு நடக்கும் நிகழ்வை விளக்குகிறார்.

புதிதாய் வந்த ஸ்டூடியோவில் படம் எடுத்த ஈஸ்வரன் கண்ணில் வெளிச்ச புள்ளி விழ..எங்க பரம்பரையில் யாருக்குமே கண்ணுல பூ விழுந்ததில்லனு திட்டி தீர்க்கிறார். டிவி வந்த புதிதில் எல்லோரும் ஒரு வீட்டில் ஒலியும் ஒளியும் பார்க்க வீட்டுக்காரம்மா மட்டும் எப்ப ஒழியும் னு பார்க்கும் யதார்த்த உண்மையையும் பதிவிட்டிருக்கிறார்.பெருசுகள் வாழும்  வீட்டில் டிவியை அணைக்க தெரியாமல் ஊருக்கு போன மகன் வரும்வரை ஒன்றரை நாள் டிவி ஓடுயதையும் நகைச்சுவை மிளிர கூறுகிறார்.

தனியாய் செல்போன் பேசும் சதீசை அவனென்னமோ கிறுக்கெழும்பிப் போய் தனியாப் பேசிக்கிட்டு இருக்கிறானேயா என ஊர்ப்பெருசுகள் விவாதிக்கிறாங்க.

ஒருமுறை தான் தேடியழைந்த காதலியின் எண்ணை சேமித்து வைத்திருக்கிறான்.கைமறதியாய் செல்லை பாத்ரூமில் வைத்துவிட அண்ணன் குளியல் சோப்புக்கு பதில் அதை எடுத்து முகத்தில் தேய்க்க..மரணவிபத்து அடைகிறது செல்போன்.கூடவே செல்'வன் சதீஸின் காதலும்.

ஒரு காலகட்டத்து கிராமத்து மனிதர்களின் வியப்பையும், வெகுளித்தனத்தையும், நகைச்சுவையையும், வாழ்க்கை முறையையும் நம் கண்முன் கொண்டு வரும் சுவையான எழுத்து.”

90 களின் கிராமத்து வாழ்வினை அப்படியே படம் பிடித்துள்ளார்.

படித்துக்கொண்டு போகும்போதே நம் மனதில் விரிவடையும் காட்சிகளும் மனிதர்களும் நிஜமாய் அவர்களின் அருகினில் வாழ்ந்த அனுபவத்தை தருகின்றன.எளிய அனுபவங்கள் என்றாலும் அதனை கடக்கும்வரையோ பழகும்வரையோ இமாலய உயரம் தான் எல்லாருக்கும்.ஒரு குக்கர் அறிமுகமான போது குடும்பமே நின்று மூன்று விசிலை எண்ணியது, கேபிள் டிவி வந்தபோது அந்த கருப்பு ஒயருக்குள் தான் எல்லா சேனலும் ஓடுகிறது என்றும், டிவிஎஸ் 50 ஸ்டார்ட் செய்வதை வீதியே நின்று வேடிக்கை பார்த்திருக்கோம்.அதனை நினைத்து சிரிப்பதுதான் அந்த அறியாமைக்கு செய்யும் இறுதி அஞ்சலி.

நம் அறியாமைகளை அப்படியே திரும்பி பார்ப்பது போல் இருக்கிறது இப்புத்தகம். 

தொடர்ந்து வாசிப்போம்

தோழமையுடன் மணிகண்ட பிரபு

book-70

Book-70

வணக்கம் வள்ளுவ

- ஈரோடு தமிழன்பன்

'வள்ளுவம்' இதழாசிரியர்களின் வேண்டுகோளுக்கிணங்க 'வள்ளுவத்துக்குக் கவிதை' வழங்கும் முயற்சியாக இத்தொடர் கவிதைகள் எழுதத் தொடங்கப்பட்டன

மரபுச் சிறப்புமிக்க திருக்குறளையும் திருவள்ளுவரையும் மையமாகக் கொண்டு, வள்ளுவரோடு உரையாடியும், விவாதித்தும், இன்றைய சமுதாயத்தைச் கூர்மையாக விமர்சிக்கும் நோக்கில் இக்கவிதைகள் படைக்கப்பட்டுள்ளன

இந்நூலில் மொத்தம் 22 புதுக்கவிதைகள் இடம்பெற்றுள்ளன. அவற்றுள் 'வணக்கம் வள்ளுவ!', 'எட்டாவது சீர்...', 'எது வள்ளுவம்?', 'வள்ளுவர் வழங்கும் விடுதலை', 'வள்ளுவர் வீணை வாசிக்கிறார்', 'விலைமாதர்கள் வள்ளுவரிடம் கேட்ட வினாக்கள்' போன்றவை குறிப்பிடத்தக்கவை ஆகும்

"கடவுளையே கோவில்களிலிருந்து விடுதலை செய்தவர்...

செம்பிலிருந்து கல்லிலிருந்தும் கடவுளை விடுதலை செய்தார் என வள்ளுவர் வழங்கும் விடுதலையில் குறிப்பிடுகிறார்.

" காலம் உன் கருத்துகளின் சந்திப்பில்

தனது கோடுகளை கரைத்து விட்டது" எனும் வரி காலத்தையும் சிந்தனையையும் இணைக்கிறது.

"தராசு முள்களை மழுங்கடித்த மனு தர்மத் தட்டுகளில் மனிதச் சதைகளை எடைபோடும் சந்தைக்குள் சந்தேகங்களின் எடை கனத்தது

வழிபாடுகளையும் வரிகளையும் வற்புறுத்திய தெய்வ பிம்பங்களிலிருந்து மன்னர்களை உரித்தெடுத்தாய்"

எனும் வரிகள் வள்ளுவரின் சிந்தனை பாமரனையும் மனுதர்மம், மன்னர்கள் குறித்து சிந்திக்க வைத்தது.

சிலி நாட்டு கவிஞர் பாப்லோ நெருடாவின் கவிதையாக்க நெறி ஆசிரியருக்கு ஒரு தூண்டுதலாக விளங்கியுள்ளது. சமுதாய விமர்சனம், மனிதநேயம், படிமங்கள் மற்றும் முரண்களைப் பயன்படுத்தி வள்ளுவத்திற்கு ஒரு புதிய பரிமாணத்தை இக்கவிதைகள் தருகின்றன

ஏழாவது சுரம் கதவை மூடியதால் ஏமாந்த எட்டாவது சுரம், 'இங்கு இடமில்லை' எனத் தள்ளப்பட்ட எட்டாவது வண்ணம், வாரத்தின் ஏழு நாட்களுக்குப் பின் தோன்றத் துடித்துத் தீக்குளித்த எட்டாவது கிழமை போல, 'எட்டாவது சீர்' என்பதும் வள்ளுவரால் வாசலிலிருந்து விரட்டப்பட்டதா என உருவகமாகக் கேட்கப்படுகிறது

வள்ளுவனுக்கு எண்ணங்களே முக்கியம்; ஆனால் மனிதர்களுக்கோ எண்ணிக்கையே முக்கியம்" என்ற முரணைச் சுட்டிக்காட்டி, பொருளுக்காக அறத்தையும் இன்பத்தையும் அடகு வைக்கும் மனிதர்களின் போலித்தனமான வாழ்க்கையை இக்கவிதை விமர்சிக்கிறது

"பசித்தவன் வயிற்றில் பற்றி எரியும் நெருப்பிடம் படைத்தவன் முகவரியைக் கொடுத்துப் 'பாதகம் இல்லை தாக்கு என்று அனுப்புகிற வள்ளுவம்'"

என எது வள்ளுவம் கவிதை படைத்தவனை கேள்விக்கு உள்ளாக்குகிறார்

"அறிவது அறிவென

நாங்கள் அறிந்தாலும்

அறிவது எப்படியென்று அறிவித்தவன் நீ" 

என வள்ளுவனுக்கு புகழ் மாலை சூட்டுகிறார் 

கருத்துகள் வளர்வதைவிட

கருத்துக்களைப் பற்றிய

கருத்துக்கள்

வேர்கள் இல்லாமலேயே வேகமா

வளர்ந்துவிடுகின்றன

என நவீன கருத்தியவர்களை எளிமையாக சில சொற்களில் உணர்த்திவிடுகிறார்.

திருக்குறளின் தத்துவங்களையும் மனிதநேயத்தையும் இசையோடு உருவகித்து, இன்றைய சமுதாய அவலங்களைச் சுட்டிக்காட்டும் ஒரு மிகச்சிறந்த கவிதையாக வள்ளுவர் வீணை வாசிக்கிறார் கவிதை உள்ளது.

ஒரு மாலை நேரத்தில் வள்ளுவர் வீணை மீட்டும் போது, அந்த இசையின் வெள்ளம் உறங்கிக் கொண்டிருந்த நட்சத்திரங்களை எழுப்புகிறது; பூமியும், காற்றும், வானும் இன்பத்தில் திளைத்துச் சுழல்கின்றன.கடல் அலைகள் இசை அலைகளில் கரைந்து நிற்க, வானவில் வண்ணம் அள்ளுகிறது.

வீணையின் நரம்புகளில் இல்லறத்தின் இனிமை ஒலிக்கிறது. பல்லாயிரம் வீடுகளில் அமைதியும், கைக் குழந்தைகள் கிலுகிலுப்பை அசைக்கும்போதும், முதியவர்கள் வெற்றிலை இடிக்கும்போதும் பின்னணியில் வள்ளுவ இசை மயக்க வலைகளைப் பின்னுகிறது.

ரோமானிய மன்னன் நீரோ நகரம் எரியும்போது கவலையின்றி வீணை வாசித்தான் என்பார்கள்; ஆனால் வள்ளுவரோ மக்களின் துயரங்களையும் சமுதாயப் பிளவுகளையும் கண்டு நெஞ்சம் கொதித்து, அவற்றுக்கு மருந்தாக வீணை மீட்டித் தன் விரல்கள் கொப்பளித்துக் களைப்படைகிறார் 

நானும் உறங்க வேண்டும் வள்ளுவர் போல்..

வள்ளுவர் தூக்கத்திற்குள்

ஒரு கனவு போல் நுழைந்துவிட

நானும் உறங்க வேண்டும்

என தன் கற்பனையில் கூட கவித்துவ ஆசையைக் கூறுகிறார்.

வசப்படுவாயா வள்ளுவ கவிதையில்

ஆயிரம் சாவிகளால் திறக்கப்படும் அதிசயப்பூட்டு, உனது நூல்! திறப்புகளால் நிரப்பி வைத்திருக்கும் உன் பூட்டை உடைக்காத குறை..... ஆள் ஆளுக்கும் அள்ளி வருகிறார்கள் அர்த்தங்களை!

என ஒவ்வொருவருக்கும் அர்த்தங்களை அள்ளித்தெளிக்கும் அமுத சுரபி போல் உள்ள வள்ளுவ கருத்துக்களை கூறுகிறார்.

மனதில் 

கருத்தரிப்பார் வள்ளுவர்

ஏட்டில் 

ஈன்றெடுக்கும் எழுத்தாணி

இரு தாய்க்கும் பிறந்த 

ஒரு சேய் குறள் பனுவல் 

என அழகியலில் உவமையாக கூறுகிறார்.

ஈகை குணம் பற்றித கவிதையில்

மனிதனின் இதயத்தில் ஈரம் இருந்தால், அவனது விரல்களே கிளைகளாகவும், நகங்களே கனிகளாகவும் மாறும்; அவனது உள்ளங்கை ரேகைக் கொடியிலும் ஆயிரம் வாசப்பூக்கள் பூக்கும்.

உண்மையான ஈகையாளன் வெறும் தானம் மட்டும் கொடுப்பதில்லை; தன்னையே கொடுக்கிறான். அவன் "வான மழையின் வயிற்றில் பிறந்தவன்", "கடலின் மூத்த சகோதரன்" என்று உருவகிக்கப்படுகிறான்.வங்கிக் கணக்கை மட்டும் வளர்ப்பவன் வாழ்க்கைக் கணக்கில் விடைதெரியாமலே விடைபெறுகிறான்" என்று பொருளாசை பிடித்தவர்களை விமர்சிக்கிறார்.

உனது

வாய்மைப் பேரரசில்

வார்த்தைகள்

மானுடத்தைக் கொண்டாடுகின்றன....

எண்ணங்களைக்

கொண்டாடுகின்றன...

தங்களையும்

கொண்டாடிக் கொள்கின்றன.....

அர்த்தங்களை மாற்றிவைத்து வார்த்தையை, வாழ்க்கையை அழுக்காக்கி விடுகிறான் மனிதன் திசை மாற்றி வைப்பானோ மனிதன் என்று தினம் தினம் விடியல்கூடத் தடுமாறி விடுகிறது.

வள்ளுவரை போற்றி புகழ்வதோடு அவரின் கருத்துகளை நவீன் மனிதர்களின் சிந்தனைகளோடு ஒப்பிட்டு வள்குவரை உயர்த்தி பிடிப்பதுடன்.. சாமானியர்கள் சிந்தனை வளம் பெறவும் வள்ளுவத்தை நமக்கு எளிய மொழிகளில் போதிக்கிறார். ஒவ்வொரு அத்தியாத்திலும் துவங்கம் முன் ஒரு கவிதை சொல்வது அந்த அத்தியாத்தின் சுவைக்கு ஒரு பதம்

தொடர்ந்து வாசிப்போம்

தோழமையுடன் மணிகண்டபிரபு

70

எந்நாடுடைய இயற்கையே போற்றி

-கோ.நம்மாழ்வார்

'பசுமை விகடன்' இதழில் தொடராக வெளிவந்த கட்டுரைகளின் தொகுப்பாக இந்நூல் உருவாக்கம் பெற்றுள்ளது

செயற்கை உரங்களின் தீமைகளும் இயற்கை விவசாயத்தின் தீர்வும் பெருகிவரும் மக்கள் தொகைக்கு ஏற்ப உணவு உற்பத்தியைப் பெருக்கப் பயன்படுத்தப்படும் யூரியா போன்ற செயற்கை இரசாயன உரங்கள், நச்சுப் பூச்சிக்கொல்லிகள் மற்றும் தவறான தொழில்நுட்பங்களால் நிலம், நீர், காற்று மாசுபடுவதோடு உயிரினப் பன்மயமும் அழிகிறது. மனித சமூகத்திற்குப் பல்வேறு நோய்களை உண்டாக்கும் இச்சிக்கல்களுக்கு, மண் வளத்தைப் பெருக்கிச் சூழலைப் பாதுகாக்கும் .இயற்கை விவசாய முறையே' சரியான தீர்வாகும் என்பதை நூல் விளக்குகிறது.

அறிவியல் பூர்வமான ஆதாரங்கள்: "இயற்கை விவசாயம் சாத்தியமா, அதற்கு அறிவியல் ஆதாரங்கள் உள்ளனவா?" என எழுப்பப்படும் கேள்விகளுக்கு விடையளிக்கும் வகையில், இயற்கை வேளாண்மைக்கான அறிவியல் விளக்கங்களையும் நமது முன்னோர்களின் பாரம்பரிய அனுபவ ஆதாரங்களையும் ஆசிரியர் தெளிவாக முன்வைக்கிறார்

பண்டைய வரலாறும் பண்பாட்டுச் சான்றுகளும்..தமிழகத்தில் பல்லாயிரம் ஆண்டுகளாக நடைமுறையில் இருந்த இயற்கை வேளாண்மை, சோழர் காலம் மற்றும் பண்டைய கல்வெட்டுகள் கூறும் ஏக்கர் மகசூல் விவரங்கள், திருக்குறள் மற்றும் சங்க இலக்கியக் குறிப்புகள் வாயிலாகத் தமிழர்களின் உழவியல் மேன்மையைச் சுட்டிக்காட்டுகிறார்

மண் வளமும் இயற்கைச் சூழலும்: மண்ணில் வாழும் கோடிக்கணக்கான நுண்ணுயிரிகள் (பாக்டீரியா, காளான்கள்), நாட்டு மாடுகள் மற்றும் கால்நடைகளின் பங்கு, பயிர் சுழற்சி முறைகள், தோழிச் செடிகள் (Companion plants) மற்றும் இயற்கைப் பூச்சி/நோய் மேலாண்மை ஆகியவை பற்றி விரிவாக விவரிக்கப்பட்டுள்ளது

உலகளாவிய இயற்கை வேளாண் சிந்தனைகளாக ஜப்பானிய இயற்கை வேளாண் அறிஞர் மசானபு ஃபுகோகாவின் 'ஒற்றை வைக்கோல் புரட்சி' போன்ற சர்வதேச அனுபவங்களையும், அமெரிக்கா மற்றும் பிற நாடுகளின் இயற்கை வேளாண் சோதனைகளையும் இதில் ஒப்பிட்டுக் காட்டுகிறார்

அறிவியல் என்ற பெயரில் நடக்கும் வணிகச் சுரண்டல்களைப் புரிந்து கொண்டு, எந்நாட்டவராக இருந்தாலும் இயற்கையைப் போற்றிப் பாதுகாப்பது அனைவரின் கடமையாகும். இயற்கையிடம் மனதையும் அறிவையும் சரணடையச் செய்யும்போது உண்மையான இயற்கை வளத்தையும் ஆரோக்கியத்தையும் பெற முடியும் என்பதே இந்நூலின் சாராம்சமாகும்

தொடர்ந்து வாசிப்போம்

தோழமையுடன் மணிகண்டபிரபு

book-69

தமிழ்ச் சிறுகதையின் தடங்கள்

-ச தமிழ்ச்செல்வன்

2014 ஆம் ஆண்டு அல்லது 2015 ஆம் ஆண்டு கோவையில் மாநில அளவிலான இலக்கிய பாசறை கூட்டத்தை தமிழ்நாடு முற்போக்கு எழுத்தாளர் கலைஞர்கள் சங்கம் ஏற்பாடு செய்திருந்தது. அன்று முதல் நாள் நிகழ்வில் இரவு தமிழ்ச்செல்வன் அவர்கள் தமிழ் சிறுகதையின் வரலாறு குறித்து ஏறத்தாழ ஒரு இரண்டு மணி நேரம் பவர் பாயிண்ட் பிரசெண்டேஷன் முதன் முதலாக ஒரு இலக்கிய சபையில் கண்டது அப்போதுதான். இரண்டு மணி நேரம் சிறுகதையின் ஆழ அகலங்களை மிக விரைவாகவும், அதன் பின்னணி வரலாற்று குறித்தும், தமிழ் சிறுகதை ஆசிரியர்கள் குறித்தும் அவர்களின் முத்தான கதைகள் குறித்தும் அதில் விரிவாக எடுத்து வைத்திருந்தார். ஒரு சிறுகதை எவ்வாறு ஆரம்பிக்கப்பட வேண்டும்.. ஒரு எடுப்பு தொடுப்பு முடிப்பு என்ற மூன்று விதங்களில் ஒரு சிறுகதை எதையெல்லாம் தொட்டுச் சென்று இருக்க வேண்டும் என்பது பற்றி சொல்லியிருந்தார்.

அதன் பிறகு ஆனந்த விகடன் இணைய இதழில் சிறுகதைகள் குறித்து அவ்வப்போது எழுதி வந்திருந்தார்‌ அதன் தொடர்ச்சியாக நீட்சியாக இந்த புத்தகம் ஒரு ஆய்வு நூல் போல் தமிழ் சிறுகதையாளர்கள் பற்றிய விரிவான கண்ணோட்டத்தை இதில் சொல்லி உள்ளது. முதலாவதாக வ.வேசு ஐயர் முதல் திராவிட இயக்க எழுத்தாளர்கள் வரை 60களின் இறுதிவரை முதல் பகுதியாகவும் இரண்டாம் பகுதியில் எழுபதுகளின் எழுச்சியாக வண்ண நிலவனில் ஆரம்பித்து கந்தர்வன் வரை மொத்தம் 52 எழுத்தாளர்கள் குறித்து கதைகளையும் அவர்கள் கதை சொல்லும் விதம் குறித்தும் இதில் சொல்லி இருக்கிறார்.

பெரும் இதழ்களுக்கு இணையாக சிற்றிதழ்களும் சிறுகதைகளை விதைதூவி மலரச் செய்தனர். ரகுநாதனின் சாந்தி இதழும் விஜயபாஸ்கரனின் சரஸ்வதி பின்னர் தாமரையும் செம்மலரும் மண ஓசையும் வர வேண்டி இருந்தது.புறச்சூழலில் ஏற்பட்ட மாற்றங்களை தமிழ் சிறுகதைகளின்

அகச்சூழலை மாற்றி அமைத்தன. சொல் புதிது என்கிற இதழில் வரும் தலையங்கத்தில் இப்படி அமைந்திருந்தது " ஒரு சமூகத்தின் சிந்தனை போக்குகளை தீர்மானிப்பது அதன் அறிவார்ந்த மையம். தமிழ் சமூகத்தின் அறிவார்ந்த மையம் இன்று வரை மார்க்சிய அணுகுமுறைகளினாலும் நவீன பார்வையினாலும் தீர்மானிக்கப்படும் ஒன்றாகவே இருந்து வந்துள்ளது என்பதை பற்றி தன்னுடைய முன்னுரையில் இதனை தெரிவித்து இருப்பார்.

1912இல் வ.வே.சு ஐயர் வெளியிட்ட சிறுகதை தொகுதியில் வந்த குளத்தங்கரை அரசமரம் கதை முதல் கதையாக பார்க்கப்படுகிறது. ஆனால் இதில் வேறுபட்ட கருத்தாக பாரதியாரின் கதையும் சொல்லப்படுகிறது. சிறுகதைக்கு முன்பாகவே நாவல் வாசிப்பு ஒரு மௌனவாசிப்பாளர்களை உருவாக்கி வைத்திருந்தது. இவர்களில் பெரும்பாலானோர் உயர் ஜாதிகளை சேர்ந்த நடுத்தர வர்க்கத்தினர் என்பதால் கதைகளும் அவர்களை பற்றியதாகவே அன்று வந்தன. தான் சார்ந்த பிராமண குடும்பத்தில் இருந்த சிந்தனைகளை பகடி செய்தவர் மாதவையா. சாஸ்தா பிரீதி என்ற கதையில் அதைச் சொல்லி இருப்பார். தமிழ் சிறுகதை வரலாற்றின் மூவர் வ.வே.சு, மாதவய்யா, பாரதி ஆகிய மூவருமே 1926 ஆம் ஆண்டுக்கு முன்பே மறைந்து விட்டனர். இவர்களின் காலத்தை சிறுகதை வரலாற்றில் முதல் கட்டம் எனக் குறிப்பிடலாம்.

புதுமைப்பித்தன் சிறுகதைகளில் உச்சமான கதையாக சொல்லப்படுவது செல்லம்மாள் ஆகும். ஒரு நாள் கழிந்தது நாசகார கும்பல் என்று மணிக்கொடி காலத்தில் துவங்கி பல்வேறு இதழ்கள் வந்த கதைகளை சிலாகித்து சொல்லுவார். அதன் பிறகு மௌனி கதைகளில் குறைவாகவே எழுதி இருப்பார். குடும்பத்தேர் என்கிற கதை தன் தாயை சமீபத்தில் இழந்திருந்த கிருஷ்ணய்யர் அவர்களை பற்றிய நினைவுகளில் ஆழ்ந்து போய் அவற்றை விவரிப்பது போல் அமைந்தது.

வாழ்க்கை என்னும் பெரும் நதி ஓடிக்கொண்டே இருக்கிறது அதிலிருந்து ஒவ்வொரு எழுத்தாளனும் ஒரு குடத்தை கொண்டு போய் நீர்முண்டு வந்து நமக்கு தருகிறான் என்று அன்னதா சங்கர்ராய் குறிப்பிடுவார். அந்த குடத்தின் அளவையும் தன்மையும் பொறுத்து நமக்கு கிடைக்கும் கதையின் தன்மை அமையும். இப்படிப்பட்ட புகழாரம் சூட்டியிருப்பவர் கு.பா ராஜகோபாலன் அரசு பணியில் இருந்து வருவாய் கண்காணிப்பாளராக பதவி ஏற்பட்ட காலத்தில் இவருடைய கதைகள் மிகவும் பிரபலமாக இருந்தது. இவரின் சிறிது வெளிச்சம் கதை கனகாம்பரம் விடியுமா போன்ற கதைகள் முக்கிய கதைகளாக தமிழ் சூழலில் இருக்கின்றன.

300-க்கும் மேற்பட்ட கதைகள் எழுதியிருந்தாலும் இலக்கிய உலகில் மறக்க பட்ட மனிதராகவே காட்டப்பட்டு இருப்பார் பி எஸ் ராமையா என்று அவரின் வரலாற்றை இதில் சொல்லி இருக்கிறார். பேரறிஞர் என்கிற அடைமொழியுடன் குறிப்பிடப்படும் அறிஞர் அண்ணா திராவிட நாடு இதழிலும் குடியரசு இதழிலும் சிறுகதைகளை எழுதியுள்ளார் 1934 ஆம் ஆண்டு ஆனந்த விகடனில் கொக்கரக்கோ என்ற சிறுகதை வெளியாகியது. வார்த்தையை சிக்கனம் என்பதை விட வாசகருக்கு தன் கருத்து போய் சேர வேண்டும் என்ற அக்கறையே அவருடைய சிறுகதைகளின் அடிநாதமாக இருக்கும். உண்மையான காந்தியவாதியான சி.சு செல்லப்பா இலக்கிய துறையில் தான் சரியான நம்பிக்கை ஒன்றிற்காக எல்லாவற்றையும் செய்தவர் .அவருடைய "மூடி இருந்தது" சிறுகதை சிறை வாழ்க்கையின் கடைசி நாளை நினைவில் பேசுவது போல் இருந்ததாக ஆசிரியர் குறிப்பிடுகிறார்

கல்கிக்கான பெயர் காரணம் கேட்டபோது தான் வெளியிட்ட ஒரு கட்டுரையில் பழமையான சம்பிரதாயங்களையும் அர்த்தமற்ற பழக்கவழக்கங்களையும் விட்டொழித்து புதுமை யுகத்தை மலர செய்ய வேண்டும் என்ற நோக்கில் தான் புதுயுகத்தை சிருஷ்டிக்க போகும் பெருவீரனாக என்னை நினைத்துக் கொண்டு கல்கி என்ற புனைப் பெயரை தேர்ந்தெடுத்ததாகச் சொன்னார். அதே போல் அவரின் சிறுகதையில் கணவன் இறந்தால் மொட்டை போட்டுக் கொண்டு பிராமண வழக்கத்திற்கு எதிராக வாசக மனதில் அழுத்தமான உணர்வை தூண்டுவிடும் கதையாக கேதாரி எனும் கதை இருந்ததாக சொல்கிறார். இதனைத் தொடர்ந்து ராஜாஜி அனித்தமா கிருஷ்ணன் நம்பி லா.ச ராமாமிர்தம் விந்தன் மா அரங்கநாதன் ஜி நாகராஜன் போன்றோரின் படைப்புகளையும் பெண் படைப்பாளிகள் கதைகளை தேர்வு செய்து வை மு உட்பட பல்வேறு பெண் எழுத்தாளர்களை சொல்லி கௌரவப்படுத்தி உள்ளார்

70களில் இலக்கிய பாய்ச்சல் போல் சிறுகதைகளில் ஒரு புதிய பாய்ச்சலாக நல்ல பல எழுத்தாளர்கள் அப்போது தோன்றி எழுதி வந்தனர். அவர்களுக்கு பல்வேறு இலக்கிய இதழ்கள் இடமும் அளித்தனர்.அந்த வகையில் வண்ண நிலவன் ஜெயப்பிரகாசம் பூமணி போன்றோரின் கதைகள் அப்போது பெரிதும் பேசப்பட்டன. அப்போது எழுத்தாளர்களில் மண்வளம் சார்ந்து எழுத கூடியவர்களாக பலர் இருந்தனர் .குறிப்பாக கரிசல் எழுத்தாளர் என அடையாளப்படுத்தியதை கி ராஜநாராயணன் அவர்களும் பூமணி உதயசங்கர் போன்றோரும் சொல்லப்படுகின்றன .ஆனால் பூமணியை தலித் இலக்கியவாதி என்று அவரே தன்னை சொல்லிக் கொள்வார். இன் குலாப் சிறுகதை எழுதி இருக்கிறாரா என்ற வியப்புதான் பாலையில் ஒரு சுனையை பார்த்து மனதில் விழுந்ததாக 1992 இல் வந்த சிறுகதை தொகுப்பை பற்றி நமக்கு பகிர்கிறார்

70களில் துவங்கி 2017 வரை 212 சிறுகதைகளை எழுதியவர் தான் பிரபஞ்சன் பிரச்சார வாசனை சற்றும் இல்லாத எண்ணற்ற முற்போக்கான சிறுகதைகளை படைத்தளித்த படைப்பாளி அவர். சிறுகதைகளில் பீடிகையோ உணர்வு ரீதியான சண்டையோ இல்லாமல் "உன்னை பார்க்க வரும் போது வழியிலே ஒரு சண்டை ...என்பதாக மிகத் தற்செயலாக இந்த வாழ்க்கையின் போக்கில் நடக்கும் நிகழ்வுகளை திருப்பங்களை எவ்வித குரல் உயர்த்தலும் உணர்ச்சி மேலிடலும் இல்லாமல் சொல்லக்கூடியவர் தான் சா. கந்தசாமி.

மராட்டியத்தில் தோழர் பி சாய்நாத்தின் கட்டுரைகளை மட்டுமே பேசிக் கொண்டிருக்கும் மராட்டிய மாநில விவசாயிகளின் தற்கொலைகளை முன்வைத்து "யாம் உண்பேம்" என்ற ஒரு கதையை தமிழில் முதலில் எழுதிய எழுத்தாளர் தான் நாஞ்சில்நாடன். மராட்டிய மாநிலத்தில் பணிபுரிந்த காலத்தில் வாழ்ந்த வாழ்க்கையின் அர்த்தமாகவும் பெருங்கொடையாகவும் கதை இருப்பதாக தமிழ்ச்செல்வன் சொல்கிறார்

கந்தவர்வனின் பெயர் காரணத்தை அவர் சொல்லும் போது தமிழ் எழுத்தாளர் சங்க விமர்சனக் கட்டுரையை கண்ணதாசன் இதழுக்கு அனுப்பிய போது புனைப்பெயர் வைத்துக் கொள்ளும்படி சொன்னார்கள். திருலோ சீதாராமின் கந்தர்வகானம்

படித்துக் கொண்டிருந்தேன். அதில் உள்ள பெயரான கந்தர்வன் எனும் பெயரையே வைக்கலாம் என முடிவு செய்தேன். கந்தர்வன் கதையை பற்றி படிக்கும் போது அவரின் முதல் கதையான சனிப்பிணம் கதை மிகவும் படிப்பதற்கு சுவையானதாக இருக்கும். மேலும் ஜீவன், துண்டு, பாண்டியன் எக்ஸ்பிரஸ் மைதானத்து மரங்கள் போன்ற கதைகளில் இளமையும் எழிலும் கொண்ட நல்லதொரு சிறுகதையை வாசித்த அனுபவம் நிச்சயம் வாய்க்கும். அவருக்கு கி ராஜநாராயணன் எழுதிய கடித வரிகளை படிக்கும் போது கந்தர்வனின் மீது இன்னும் மதிப்பு கூடுகிறது.

*சிறுகதை என்பது தற்காலத்தில் எழுந்த மாநாட்டு சரக்கு .சிறுகதை என்றால் சிறிய கதை கொஞ்ச பக்கங்களில் முடிந்து விடுவது என்பதல்ல ஒரு சிறு சம்பவம் ஒரு மனநிலை என ஒரு பொருள் பற்றி எழுதுவது சிறுகதை என்பது வாழ்க்கை என் சாளரங்கள் என்றார் புதுமைப்பித்தன்

*உட்கார்ந்தா படிச்சு முடிச்சுட்டு தான் எழுந்திருக்க வேண்டும் முதல் வரியிலேயே கதை ஆரம்பம் ஆகிவிடும் ஒரு பொருள் பற்றியதாகவோ ஒரு மனநிலை பற்றியதாகவோ உரிமை கொண்டதாக அமைய வேண்டும் என்கிறார் அமெரிக்க எழுத்தாளர் 

*சொல்லை கொண்டு சொல்லற்ற நிலையை காட்ட முயல்வது தான் இலக்கியம் .அந்த இடத்தில் இலக்கிய உலகின் சிகரமும் ஆன்மீக உலகின் சிகரமும் இணைகின்றன

*சிறுகதை என்று எழுதப்படுகின்ற வாழ்க்கை புரிவது மாதிரி நிஜத்தில் இருக்கும். வாழ்க்கையே புரிபடாமல் இருக்கிறது என்பது இலக்கியச் சரித்திரமாக இருக்கிறது.

சிறுகதை எழுதுபவர்களில் முக்கியமாக தெரிந்து கொள்ள வேண்டிய அல்லது சிறுகதையின் நுட்பத்தை அறிந்து கொள்ள விரும்புவர்கள் இந்த புத்தகத்தை நிச்சயம் வாசிக்க வேண்டும் .ஏனெனில் 54 எழுத்தாளர்களின் எழுத்துக்கள் பற்றியும் அவர்களின் வாழ்வியல் முறைகள் பற்றியும், கதை சொல்லும் விதம் பற்றியும், ஒரு ஆய்வு கட்டுரை போல இந்த நூல் இருக்கிறது. இதில் அவர்கள் பயன்படுத்திய மொழி வளமும் அவர்களின் பின்னால் இருந்த இலக்கிய வாசிப்பும் அவர்களை பற்றிய தெளிவான விளக்கமும் இந்த புத்தகத்தில் சொல்லப்பட்டிருக்கிறது. சிறுகதை குறித்து வாசிக்க வேண்டியவர்கள் வாசிக்க வேண்டிய முக்கியமான புத்தகம் இது 

தொடர்ந்து வாசிப்போம் 

தோழமையுடன் மணிகண்ட பிரபு

வார்த்தைகள் நமக்கு தேவைப்படுவதில்லை.. ஆனால் வார்த்தைகளுக்கு நாம் தேவைப்படுகிறோம்-ஹாருகி முரகாமி

68-ஒற்றை வைக்கோல் புரட்சி

ஒற்றை வைக்கோல் புரட்சி இயற்கை வேளாண்மை (The One-Straw Revolution) -மசானபு ஃபுகுவோகா

ஜப்பானிய இயற்கை விவசாயியும் தத்துவவாதியுமான

 ஃபுகுவோகா  அவர்கள் இளமையில் தாவர நோய்கள் குறித்த நுண்ணுயிரியல் நிபுணராகவும் வேளாண்மை ஆராய்ச்சி விஞ்ஞானியாகவும் பணியாற்றினார். பின்னர் இயற்கை குறித்த ஆழமான தெளிவுக்குப் பிறகு, தன் பணியைத் துறந்து கிராமத்திற்குத் திரும்பி, சுமார் 30 ஆண்டுகளுக்கும் மேலாகத் தனது பண்ணையில் இயற்கை விவசாய முறைகளை நடைமுறைப்படுத்தி ஆராய்ந்தார்.

நவீன விவசாயத்தில் செய்யப்படும் தேவையற்ற கடின உழைப்புகளையும் இரசாயனப் பயன்பாடுகளையும் தவிர்த்து, இயற்கையின் போக்கிலேயே விவசாயம் செய்யும் எளிய தத்துவத்தை இவர் ஒன்றுமே செய்யத் தேவையில்லாத வேளாண்மை"என்று முன்வைக்கிறார்

இயற்கை வேளாண்மையின் நான்கு அடிப்படைகளாக பிரிக்கிறார்.

*உழவு செய்யாமலிருப்பது: நிலத்தை உழுவதோ திருப்புவதோ தேவையில்லை; தாவர வேர்களும் நுண்ணுயிரிகளுமே மண்ணை இயல்பாகப் பதப்படுத்தும்

*செயற்கை உரங்களை தவிர்த்தல்

வேதியியல் உரங்களோ தனியாகத் தயாரிக்கப்படும் தழையுரங்களோ தேவையில்லை

*களைக்கொல்லிகள் தவிர்வு: களைகளை முற்றிலும் அழிக்காமல், வைக்கோல் பரப்புதல் மற்றும் மூடு பயிர்கள் மூலம் அவற்றைக் கட்டுப்படுத்துதல்

*பூச்சிக்கொல்லிகள்  வேதியியல் பூச்சிக்கொல்லிகள் இன்றி, இயற்கைச் சமநிலையின் மூலம் பூச்சிகளைக் கட்டுப்படுத்துதல்

எளிய தொழில்நுட்பங்கள்: விதைகளைக் களிமண் உருண்டைகளாக்கி (seed balls) விதைத்தல், அறுவடைக்குப் பின் வைக்கோலை வயலிலேயே மூடாக்காகப் பரப்புதல் போன்ற முறைகள் மூலம் நவீன இரசாயன விவசாயத்திற்கு நிகரான மகசூலைப் பெற முடியும் என்பதை இவர் நிரூபித்தார்

*வயலில் நேரடியாக விதைகளைத் தூவும்போது எலிகள், பறவைகள், சுவர்க்கோழிகள் மற்றும் நத்தைகள் விதைகளைத் தின்றுவிடுகின்றன. மேலும், மழை பெய்து வயல் சகதியாக இருக்கும்போது நிலத்தில் இறங்கி வேலை செய்ய இயலாது. காரட் போன்ற சில காய்கறி விதைகள் எளிதில் முளைப்பதில்லை. இத்தகைய பிரச்சனைகளில் இருந்து விதைகளைப் பாதுகாத்து, அவை சரியாக முளைப்பதைத் உறுதிசெய்ய ஃபுகுவோகா களிமண் உருண்டை முறையைப் பயன்படுத்தினார்

*நெல் விதைகள் மட்டுமின்றி, பார்லி, கோதுமை, சோயாபீன்ஸ் மற்றும் காரட் போன்ற பல்வேறு தானியங்கள் மற்றும் காய்கறி விதைகளுக்கும் இக்களிமண் உருண்டை முறை பயன்படுத்தப்படுகிறது

*மசானபு ஃபுகுவோகா அவர்களின் இயற்கை வேளாண்மையில் வைக்கோல்  (Straw Mulching) என்பது நிலத்தின் வளத்தைப் பாதுகாக்கவும் உழைப்பைக் குறைக்கவும் பயன்படும் மிக முக்கியமான அடிப்படையாகும்

வைக்கோலை எந்திரங்களைக் கொண்டு துண்டாக்காமல், முழு வைக்கோலாகவே வயலில் பரப்ப வேண்டும். நிலத்திலிருந்து அறுவடை செய்யப்படும் தானியம் தவிர்த்து, எஞ்சிய வைக்கோல் அனைத்தையும் மீண்டும் நிலத்திற்கே திருப்பி அனுப்பிவிட வேண்டும். வைக்கோல் மூடாக்கு மண்ணின் ஈரப்பதத்தை நீண்ட நேரம் தக்கவைத்துக் கொள்வதால், அடிக்கடி நீர்ப்பாசனம் செய்ய வேண்டிய தேவையை நீக்குகிறது

ரசித்தவை

*இயற்கையை ஆக்கிரமித்து மனிதன் அதை 'மேம்படுத்துவது'  நோக்கமல்ல; மாறாக இயற்கையோடு முழுமையாக ஒத்துழைப்பதே அவரது கொள்கையாகும். 

*மனிதன் பகுப்பாய்வு அறிவியலின் மூலம் இயற்கையைத் துண்டு துண்டாகப் புரிந்து கொள்ள முயல்வது ஒரு குறுகிய பார்வை என்றும், அறிவியல் புரிந்து வைத்துள்ள இயற்கை என்பது ஆத்மாவற்ற, நாசம் செய்யப்பட்ட ஒரு எலும்புக் கூடு போன்றது என்றும் அவர் சாடுகிறார்.

*வேளாண்மை என்பது வெறும் பயிர்களையும் உணவையும் உற்பத்தி செய்வது மட்டும் அல்ல; "மனித இனத்தை வளர்த்து முழுமையடையச் செய்வதே அதன் இறுதி லட்சியமாகும்"

வேளாண்மை என்பது வெறும் பயிர்களை வளர்ப்பது மட்டுமல்ல; மனித இனத்தை வளர்த்து முழுமையடையச் செய்வதே அதன் இறுதி லட்சியம் என்று ஃபுகுவோகா வலியுறுத்துகிறார். இயற்கைக்கும் மனிதனுக்கும் இடையிலான பிணைப்பு, ஆரோக்கியமான உணவு முறை மற்றும் மனித மனநிலை குறித்த ஆழமான பார்வைகளை இந்நூல் வழங்குகிறது

தொடர்ந்து வாசிப்போம்

தோழமையுடன் மணிகண்டபிரபு

book-67

கி.மு வில் சோமு

-சிம்புதேவன்

இயக்குநர் மற்றும் சித்திரக்கதை ஓவியரான சிம்புதேவன் (சிம்பு) படைத்த ‘கி.மு.வில் சோமு’ என்பது அறிவியல் கற்பனையும் நகைச்சுவையும் இணைந்த ஒரு சுவாரசியமான சித்திரக் கதையாகும். இக்கதை ஒரு கால இயந்திரத்தைக் (Time Machine) கண்டுபிடித்து, அதன் மூலம் கடந்த காலத்திற்கும் எதிர்காலத்திற்கும் பயணம் செய்யும் கதாநாயகனின் சாகசங்களை அடிப்படையாகக் கொண்டு தொடங்குகிறது.

கதையின் தொடக்கத்தில், கதாநாயகன் சோமுவின் தாத்தா தனது விவசாய நிலத்தில் கிணறு தோண்டும்போது கிடைத்த ஒரு விசித்திரமான பழங்காலப் பலகையைக் கண்டெடுக்கிறார். அப்பலகையில் உள்ள குறியீடுகளின் அர்த்தத்தை அறிய அவர் 12 ஆண்டுகள் தீவிர ஆராய்ச்சி மேற்கொள்கிறார். ஆனால், ஒரு நாள் இரவில் அவரது ஆய்வகத்தில் ஏற்பட்ட எதிர்பாராத வெடிவிபத்தில் அவர் உயிரிழக்கிறார். இறப்பதற்கு முன் அவர் விட்டுச் சென்ற குறிப்புகளையும் சூத்திரத் தாளையும் சோமு பத்திரமாக எடுத்து வைத்துக்கொள்கிறான். பின்னர் சோமு படிப்பிற்காக மெட்ராஸுக்கு அனுப்பி வைக்கப்படுகிறான்

பதினெட்டு ஆண்டுகள் கடக்கின்றன. சோமு வளர்ந்து ஒரு திறமையான அறிவியலாளராக மாறுகிறான். அவனுடைய பால்ய நண்பனான வெங்கி ஒரு பட்டறையில் மெக்கானிக்காகப் பணியாற்றுகிறான். சோமு தன் தாத்தா விட்டுச்சென்ற பாதியில் நின்ற அதிசயக் குறிப்புகளைக் கொண்டு, தன் ஆராய்ச்சியை வெற்றிகரமாக நிறைவு செய்து யுரேகா’ என்று மகிழ்ச்சியடைகிறான்

காக்ஸ்

ஆறு மாதங்களாகச் சிறப்பு மருந்து கொடுத்து வளர்க்கப்பட்ட காகங்களின் உடலிலிருந்து கிடைக்கும் பறக்கும் சக்தியும், தலையில் அணியும் ‘காக்ஸ் தொப்பி’யின் செயல்பாடும் சேர்ந்து இந்த இயந்திரத்தை இயக்குகின்றன

இதன் மூலம் கி.மு., கி.பி. என எந்தவொரு வரலாற்று காலத்திற்கும், எதிர்காலத்திற்கும் எளிதாகப் பறந்து செல்ல முடியும்

சோமு இந்த இரகசியக் கண்டுபிடிப்பைத் தன் நண்பன் வெங்கியிடம் விவரிக்கும்போது, சோமுவின் மாமா மகளான சிறுமி ருக்கு அதை மறைந்திருந்து கேட்டுவிடுகிறாள். அவளும் பயணத்தில் கலந்துகொள்ள வற்புறுத்தவே, சோமு, வெங்கி, ருக்கு ஆகிய மூவரும் ‘காக்ஸ்’ இயந்திரத்தில் ஏறி முதன்முதலாக கி.பி. 1450-ஆம் ஆண்டை நோக்கித் தங்கள் காலப் பயணத்தைத் தொடங்குகிறார்கள்

தாத்தாவின் கனவை நனவாக்கி, காகங்களின் ஆற்றலால் இயங்கும் ‘காக்ஸ்’ கால இயந்திரத்தின் மூலம் சோமுவும் அவனது நண்பர்களும் மேற்கொள்ளும் இந்த பயணத்தின் அறிமுகமே, கதையின் சுவாரசியமான அடுத்தடுத்த சாகசங்களுக்கு வித்திடுகிறது..இறுதியில் அவர்கள் செய்த சாகசம் என்ன? கால இயந்திரம் இருந்தால் என்னென்ன நடக்கும்? என்பதை திரில்லுடன் நகைச்சுவையுடன் சொல்லப்பட்டுள்ளது. 

கதைகளின் ஜீவனே டைமிங் காமெடிதான்

*சோமுவின் ஆய்வகத்திற்குள் நுழையும் வில்லன் பிச்சு, தான் "பி.எஸ்.ஸி. இயற்பியல் படிச்சு 14 பேப்பர் அரியர்ஸ் வச்சிருக்கேன்" என்று பெருமையாகக் கூறிக்கொண்டே கால இயந்திரத்தின் நுட்பங்களைப் புரிந்து கொள்ள முயற்சிப்பான்

*ரோமாபுரியில் பிடிபடும் வில்லன் கபாலியை ஜூலியஸ் சீசர் மைதானத்தில் கொடூரக் காளையுடன் மோத விடுவார். ஆனால், தான் "அலங்காநல்லூர்காரன்" என்ற கெத்துடன் கபாலி ஜல்லிக்கட்டு பாணியில் அந்த மாட்டை அடக்கி அரசரையே வியப்பில் ஆழ்த்துவான்

தலைப்புகளே அனைத்துமே நகைச்சுவை பாணியில் இருக்கும். ஜூராசிக்கில் சுப்புணி,பிச்சுப் பயலின் பித்தலாட்டம்,காட்டிலே லூட்டி,

வலையில் சிக்கிய வெங்கி, கணவாய் பகுதியில் கபாலி,கேமரூன் கிளைமேக்ஸ்,கில்லாடி கிளியோபாட்ரா என படிக்க சுவாரஸ்யத்தைத் தூண்டும்.

*பணம் மற்றும் புகழ் மீதான பேராசை கண்ணை மறைத்ததால், தவறான வழியில் சென்று கால இயந்திரத்தைக் கைப்பற்ற முயன்றதாக சோமுவின் மாமா ஒப்புக்கொண்டு மனமாற்றம் அடைகிறார். பேராசையும் சுயநலமும் மனிதனைத் தவறான பாதைக்குக் கொண்டு செல்லும் என்பது இதன் மூலம் உணர்த்தப்படுகிறது

எதிர்காலச் சென்னையில் (கி.பி. 2090) தப்பிக்கும் முயற்சியில் பறக்கும் கம்பளம் தீப்பற்றி எரிகிறது. அப்போது ருக்குவை நோக்கிப் பாயும் துப்பாக்கிக் குண்டுக்கு இடையே, குட்டி டினோசரான சுப்புணி' குறுக்கே பாய்ந்து தன் உயிரைக் கொடுத்து ருக்குவைக் காப்பாற்றுகிறது

கபாலி ருக்குவை மீட்டெடுத்து வர, அனைவரும் 'காக்ஸ்' இயந்திரத்தில் ஏறி மீண்டும் நிகழ்காலத்திற்கு (1999 மார்ச் 30) திரும்புகிறார்கள். ஆனால்

ஒரு விபத்து நடந்து எதிர்பாராத இழப்ப்ய் ஏற்படுகிறது 

மறுநாள் ருக்குவின் பிறந்தநாள். தன்னைக் காப்பாற்ற உயிர்நீத்த சுப்புணியை நினைத்து அழுதுகொண்டே உறங்கும் ருக்குவின் கனவில், அவர்கள் காலப் பயணத்தில் சந்தித்த அசோகர், ஜூலியஸ் சீசர், கிளியோபாட்ரா, கொலம்பஸ் ஆகிய வரலாற்றுத் தலைவர்களும் சுப்புணியும் ஒன்றுகூடி ருக்குவிற்குப் பிறந்தநாள் வாழ்த்துத் தெரிவிப்பதுடன் கதை இனிதே நிறைவடைகிறது

நல்லதொரு கார்டூன் சித்திர நாவல்

தொடர்ந்து வாசிப்போம்

தோழமையுடன் மணிகண்டபிரபு

64

மகாநதி

-பிரபஞ்சன்

மகாநதி என்றால் நீண்டதூரம் செல்லும் ஆறு.கிளை நதிகளையும் இணைத்துக் கொண்டு தனது தனித்துவம் இழக்காமல் செல்வது. அது போல் இந்நாவலும் கோவிந்தன் எனும் மைய கதாபாத்திரம் இறுதிவரை தன் கொள்கை பிடிப்புடன் செல்வது போல் இருக்கும்

பாண்டிச்சேரியில் தலை தலைமுறை கள்ளுக்கடை நடத்தி வரும் குடும்பத்தை சேர்ந்தவர் கோவிந்தன்.

ஒரு கை சம்பாத்திதால் நான்கு கைகளில் தான் தருமங்கள் செய்பவர்.

தனது வாழ்நாளில் ஒருவருக்கும் தீங்கின்றி வாழ்வை நடத்துபவர்.தன்னிடம் உதவி என்று கேட்டு வருபவருக்கு இல்லை என்று சொல்லாமல் உதவி செய்பவர்.

உத்ரா, வேதம் எனும் சிறுவர்களும் பாம்புக்கு பயந்து கள்ளுக்கடைக்குள் சென்று விடுகின்றனர். அப்போது கோவிந்தன் இவர்களை பாசத்துடன் நடத்துகிறார்.அதன்பின் வேதம் அவர்களின் குடும்பத்தில் ஒருவன் போல இருக்கிறான். அவனது பார்வையில் தான் நாவல் நகர்கிறது.

 கோவிந்துவின் மனைவி தையல்நாயகி கொள்கை பிடிப்புடன். இருக்கும் கணவனுக்கு ஏற்ற மனைவி. இன்பத்திலும் துன்பத்திலும் உடன் இருப்பவர். இவர்களின் ஒரே மகள் கோகிலா. படிப்பு வராததால் வீட்டிலேயே இருக்கிறார். இவருக்கு வரன் பார்க்கும் நிகழ்வும் நடக்கிறது.

காந்திய கொள்கையில் பிடிப்புள்ளவராக, வள்ளலாரின் கருத்துக்களை மனதில் ஏந்தி வாழும் கோவிந்து ஒரு கட்டத்தில் கள்ளுக்கடையை விற்கிறார். தொழில் நசிவு, வரதுன்னுக்கு ஜாமின் கையெழுத்து போட்டதால் வீடு கைவிட்டுப் போகிதறது.இதன் பின்னும் தன் கொள்கையில் தளர்வு ஏற்பட்டதா? அதன் பின் என்ன ஆனார்? கோவிந்த் என்பதே நாவலின் மீதிப்பயணம்

கோவிந்துவின் குணம் தான் நாவல் முழுக்க சொல்லப்படுகிறது. அவருடைய வீடு பலருக்கு சரணாலயம் போல் இருக்கிறது. ஊரில் பலரும் அவரை மரியாதையுடன் நடத்துகின்றனர். அது முழுக்க முழுக்க அவரின் குணத்திற்காகவே.கணவனின் நிலை அறிந்து அவரின் முடிவை தன் முடிவாகவே எண்ணும் மனைவி தையல் நாயகி இன்னொரு மகாநதி.

மகளின் முடிவால் நிலைகுழையும் அதே வேளையில் அவள்.திரும்பி வந்தவுடன் ஏற்றுக் கொள்கிறார். கடைசி வரை மகளுக்கு உற்ற துணையாக இருந்து வழி நடத்துகிறார்.தன்னை நம்பி வந்த சோமு,பூஞ்சோலை-நடராசன், கட்சிக்காரர்கள் ஆகியோருக்கு மனதார உதவி செய்கிறார்.யாரிடமும் தான் உதவி கேட்டுச்செல்லாத இயல்புடம் இறுதிவரை வாழ்கிறார்.

கதைமாந்தர்களாக

விஸ்வநாதன்-சித்தப்பா-கள்ளுக்கடை எதிர்ப்பு போராளியாக மாமனாருக்கு எதிராகவே போராடுகிறார்.

கொள்ளுத்தாத்தா மூத்தார் பல தர மணம் கட்டி வாழும் அன்றைய சூழலை விவரிக்கிறார்.எப்படி வாழ்நதார்கள் என கேட்டதற்கு பசு மாட்டு கொட்டகையை உதாரணம் சொல்கிறார்.தனது நிலையாமையை டூப்ளக்ஸ் அவர்களின் கதையும், கருணையிடம் வாழ்வதை ஆயி எனும் தேவதாசி கதாபாத்திரம் இறந்த பின்னும் அவர்களின் குளத்து நீர் அவர்களை நினைக்க வைக்கிறது.

"குளம் எதை ஏற்று எதை தள்ளுகிறது. எவரை விரும்புகிறது? எவரை வெறுக்கிறது?பயனாவது அல்லாமல் குளத்தின் ஜனன நியாயம் வேறு என்ன? என்கிறார்

அரசியல் கருத்தில் தலைவனின் நிலையை விளக்குகிறார்..

"மக்கள் தங்கள் தலைவர்களைத் தாங்களே உருவாக்குவார்கள். தலைவர்களுக்கு இல்லாத பொய்ச் சிறப்புகளை இருப்பதாகப் பாவித்து அவர்களின்மேல் ஏற்றுவார்கள். தலைவர்களைத் தங்களினும் மேம்பட்டவர்களாக, மேம்பட்டவராகவே படைக்கப் பட்டவர்களாகத் தாங்களே கருதிக்கொள்வார்கள். தலைவர்களின் | ஒவ்வொரு வார்த்தைக்கும், அங்க அசைவுகளுக்கும் தாங்களே " புதுப்புது அர்த்தம் கற்பித்துக்கொள்வார்கள். தலைவர்களை விமர்சனத்துக்கும் அப்பாற்பட்டவர்களாக நினைப்பார்கள். அவர்களை யாரேனும் விமர்சித்தால், விமர்சிப்பவரைத் தங்கள் எதிரிகளாக கற்பிதம் செய்துகொள்வார்கள்.

அதே போல் தொண்டராய் வாழ்தலில் உள்ள குணங்களாக

"தொண்டராய் வாழ்தல்

தலைவரின் கட்டளை ஏற்றல், காதுகலஈ தீட்டி அவன் வசம் ஒப்புவித்தல்,

சொந்த உடம்பை அவம் காரியஙகளுக்கு ஒப்படைத்தல்

கடலில் தன்னை கரைத்துக் கொள்ளுதல், துளியைக் கடலுக்கு இரையாக கொடுத்தல், தனக்கென அளிக்கப்பட்ட ஒரு பிரத் யோக வாழ்க்கையை வீணே விரயம் செய்திடல்"

#ரசித்தவை

*பாம்பு...-இருக்கிற இடத்தை நிதானிக்க அதற்கும் அவகாக்சம் தேவைப்ப்ட்டது

*யாருக்குதான் மனசுக்குள் ஒரு லட்சியம் இல்லை.எப்படி ஆக விருப்பமோ அப்படியான மனுசனை மனதிற்குள் அடைகாக்காத மனுசன் யார்

*மனதின் மகிழ்ச்சி சம்பளத்தின் அடிப்படையிலா அமைகிறது?

சோற்றால் மட்டும் மனிதன் வாழ்கிறான் அல்ல.மன அமைதி மட்டுமே மனிதனை வாழ வைக்கிறது

*ஆரம்பபள்ளி.ஆசிரியனுக்கு ஒரு தாயின் சகிப்புத்தனமையும் எல்லையற்ற அன்பும் இருக்க வேண்டும்

*திருடரகளை காட்டிலும் மோசமான போலிசார் இருந்துவிட்டால்..?

*ரோசமுள்ள ஜாதிக்கு அடிக்கடி சாட்டையை சொடுக்கிறதே தப்பு. அதுவே மெதுவா போகும்

சாட்டை நிழகே போதும்

*என்னை வழிபடு துதி; என் நாற்காலிக்கு கால்கள் கொடுத்து உதவு.உன் மூளையை மூடி அடைத்துவிடு.உன் மனதை இருட்டாக்கிவிடு

*போராட்டமே வாழ்க்கை. போராடி போராடி தா வாழ்க்கை அங்குலம் அங்குல்மா முன்னேறிகிட்டு இருக்கு

*குளக்கரை படிக்கட்டுகள் சந்தோசமான ஆறுதலன சோகத்தை தருபவை

*குடிவிலக்கு முன்பு கெளரவம்.இப்போது அப்படியல்ல.

நிதனக்குடி சில சமயஙகளிளே சந்தோசத்தைக்கூட கொடுக்க முடியும்.

*ஒவ்வொரு ஊரிலும் காலைகளும்.மாலைகளும் ஒவ்வொரி விதத்தில் இருந்தன. காலஙகளுக்கு விசேசமான வித்தியாசமான மணஙகளும் இருந்தன.

*வெளியூரில் புதிய சூழ்நிலையில் வளர வாழ வாய்பப்பேற்படும் போதுதான் நாம் உண்மையில் வளர ஆரம்பிக்கிறோம்

*வேலாயுதத்தின் கதை நினைக்க மனசுக்கு வருத்தம். நம்மைச்சுற்றி மனிதர்கள் எவ்வளவு துன்பஙகளை சுமந்து கொண்டு வாழ்கிறார்கள்

*தனித்திரு-கூட்டத்துக்குள் கரைத்துக் கொண்டு ஒன்றும் இல்லாமல் ஆகிவிடாதே.

*நான் செண்பகத்தைக் காதலித்தேன். அப்படித்தான் அப் போது நினைத்தேன். அவள் என்னைக் காதலித்தாளா என்பது எனக்குத் தெரியாது. சிரித்தாள். நான் பேசினால் பதில் பேசி னாள். எனவே அது காதலாகத்தானே இருக்க வேண்டும்? அவள் என்னைக் காதலிக்கிறாள் என்று நினைப்பதும் நம்புவதும் ரொம்ப திருப்தியாக இருந்தது. 

*பெருமையைத் தூர நின்று தரிசிக்கும்போதுதான் பெருமை, சிறுமை என்கிற பேதமெல்லாம். பெருமைக்கு உள்ளே, பெருமையே நாமாய், நாமே பெருமையாய் பேதமற்றுக் கலந்துவிட்டால்? பெருமையும் இல்லை; சிறுமையும் இல்லை, 

*நஷ்டப்படாதவங்க யார் இருக்காஙக. இழந்ததை அனுபவமா எடுத்துக்கிட்டா நஷ்டம் என்னிக்கும் உறைக்காது

* வரதன் மகள்கள் பற்றி சொல்லும்போது..

காலத்துக்கு பல்லாயிரம் கைகள்.இருந்தன. அது வீடுதோறும் சென்று ஆளாகியிருக்கும் பெண்களுக்கெல்லாம் அவசர வளர்ச்சியை அள்ளிக்கொடுத்தது

*இறந்தகாலம் இறந்ததாகவே இருக்கட்டும். பழசை பாரமா சுமந்திக்கிட்டு நின்னா நல்ல காலத்தை நோக்கி வேகமா நடைபோட முடியாது.

இறுதியாக வேதம் கடிதம் எழுதுதலில் மனிதர்களின் வாழ்வியலை சொல்லியிருப்பார்..

"வாழ்க்கை, அர்த்தமற்ற, தர்க்கபூர்வமான காரணங்கள் இல்லாத நிகழ்ச்சிப் போக்குகளால் ஆனது என்றுதான் நான் நினைத்து வந்திருக்கிறேன். வாழ்க்கையை முடித்துக்கொண்ட மனிதர்களின் கதையை அணுகிப் பார்க்கும்போதோ, எல்லாமே ஒரு ஒழுங்கில், ஒரு சரடில், தீர்க்கமான முடிவை நோக்கித் தண்டவாளத்திலேயே அவர்கள் நடத்தப்பட்டு வந்திருக்கிறார்கள். . முடிவைக் குறிவைத்து அவர்களின் வாழ்க்கை நிகழ்வுகள் ஒழுங் காக நடைபெற்று வந்திருக்கின்றன. தண்ணீர் இருக்கும் இடத்தைத் தான் அவர்கள் தோண்டியிருக்கிறார்கள்.

தொடர்ந்து வாசிப்போம்

தோழமையுடன் மணிகண்டபிரபு

book-63

Book-63

அறிவியல் அடுத்தது என்ன?

ஆயிஷா இரா நடராசன்

கற்கால மனிதன் சக்கரம் கண்டுபிடித்தது தான் முதல் அறிவியல் கண்டுபிடிப்பாக பார்க்கப்படுகிறது.

அறிவியல் கண்டுபிடிப்புகளை தொழில் துறையோடு இணைக்கும் அமைப்பு மட்டுமே எதிர்காலத்தில் வளர்ச்சி பாதையில் இயங்கும் என விஞ்ஞானி சாந்தி ஸ்வரூப் பட்நாகரின் பொன்மொழியோடு ஏழு அத்தியாங்களில் புத்தகம் விரிகிறது.

இந்திய அறிவியல் வரலாறு, நவீனத் தொழில்நுட்பங்களின் எதிர்காலம், மறக்கப்பட்ட இந்திய விஞ்ஞானிகளின் சாதனைகள், சர்வதேசக் காப்புரிமைச் சூழல் மற்றும் தமிழ் மொழியில் அறிவியல் வளர்ச்சி என 7 முக்கியத் தலைப்புகளில் விரிவாகப் பேசுகிறது. சமுதாயத்தில் அறிவியல் விழிப்புணர்வையும் மூடநம்பிக்கைகளற்ற சிந்தனையையும் வளர்ப்பதை முதன்மை நோக்கமாகக் கொண்டு இந்நூல் இயற்றப்பட்டுள்ளது

நூலின் முதல் அத்தியாயம், இந்திய அறிவியல் மற்றும் தொழில்துறை ஆராய்ச்சி மன்றத்தின் (CSIR) பங்களிப்பை விரிவாக விவரிக்கிறது. 1942-இல் பிரித்தானிய ஆட்சிக்காலத்தில் சாந்தி ஸ்வரூப் பட்னாகர் மற்றும் ஆற்காடு ராமசாமி முதலியார் ஆகியோரின் முயற்சியால் தொடங்கப்பட்ட சி.எஸ்.ஐ.ஆர், விடுதலைக்குப் பின் நாட்டின் சுயசார்புக்கு பெரும் பங்காற்றியது.

தேசிய இயற்பியல் ஆய்வகம் (NPL), தேசிய எரிபொருள் ஆய்வகம் உட்பட 38 ஆய்வகங்களை நிறுவி, 7,000 இளம் விஞ்ஞானிகளை ஒருங்கிணைத்து சி.எஸ்.ஐ.ஆர் நாட்டின் தொழில் வளர்ச்சிக்கு அடித்தளமிட்டது.

1952 பொதுத்தேர்தலுக்காக 'வாக்களிக்கும் அழியா மை' (Silver Nitrate) கண்டுபிடிப்பு, 1955-இல் இந்திய தேசிய நாட்காட்டி உருவாக்கம், சென்னையில் மத்திய தோல் ஆராய்ச்சி நிறுவனம் (CLRI) மூலம் தோல் தொழிலில் உலகளவில் 4-வது இடம் பெற்றது, பசுமைப் புரட்சிக்கான வேளாண் கருவிகள் மற்றும் பூச்சிக்கொல்லிகள் தயாரிப்பு, எருமைப் பாலில் இருந்து பால் பவுடர் தயாரிக்கும் 'அமுல்' (Amul) கூட்டுறவுத் தொழில்நுட்பம்,கருப்பு வெள்ளை தொலைக்காட்சி மற்றும் கோவிட்-19 காலத்தில் 'கோவாக்சின்' தடுப்பூசி தயாரிப்பு எனப் பல அரிய சாதனைகளை இந்நூல் பட்டியலிடுகிறது.

கொரோனா பெருந்தொற்று காலத்தில் நமது அன்றாட வாழ்வின் அங்கமாக மாறிய அகச்சிவப்பு வெப்பமானி (Infrared Temperature Gun) இயங்கும் அறிவியல் தத்துவத்தை நூல் விரிவாக விளக்குகிறது. 1800-இல் வில்லியம் ஹெர்ஷல் அகச்சிவப்பு கதிர்களைக் கண்டுபிடித்ததில் தொடங்கி, 1912 டைட்டானிக் கப்பல் விபத்திற்குப் பின் எல். பெல்லிங்ஹாம் உருவாக்கிய கப்பல் வெப்பமானியே இன்றைய கைக் துப்பாக்கி வடிவ வெப்பமானிக்கு முன்னோடியாகும் என்பதை நூல் பதிவு செய்கிறது.

தொழில் துறை வெப்பமானிக்கும் மருத்துவ அகச்சிவப்பு வெப்பமானிக்கும் உள்ள வேறுபாடுகளை பட்டியலிட்டு காட்டியுள்ளார்.

செயற்கை நுண்ணறிவு & ரோபோக்கள்..எங்கும் நீக்கமற நிறையவிருப்பது தொழில்நுட்பம் தான். சுவிட்சர்லாந்தின் சுவிஸ் பெடரல் இன்ஸ்டிடியூட் உருவாக்கிய மூளை-வாசிப்பு ரோபோக்கள் (Brain-Reading Robots) மற்றும் வீட்டு உபயோக ரோபோக்கள்.எம்.ஆர்.ஐ பாடி ஸ்கேனிங் மூலம் மனித உடலின் டிஜிட்டல் அவதாரத்தை (Digital Twin) உருவாக்குதல், 3D முறையில் எலும்புகளை அச்சிடுதல் (3D Bone Production), மற்றும் நானோ தகனம்.

சுற்றுச்சூழல் மற்றும் கட்டுமானத் தொழில்நுட்பத்தில் காற்றில் உள்ள கார்பன் டை ஆக்சைடை உறிஞ்சி ஆக்சிஜனாக மாற்றும் 'டைரக்ட் ஏர் கேப்சர்' (Direct Air Capture) தொழில்நுட்பம், சூரிய ஒளியை மின்சாரமாக மாற்றும் 'திறன்-செங்கல்கள்' (Smart Bricks), மற்றும் விரிசல்களைத் தானே குணப்படுத்தும் 'பயோ-காங்கிரீட்' (Self-Healing Concrete).

போக்குவரத்தில் மணிக்கு நூற்றுக்கணக்கான கிலோமீட்டர் வேகத்தில் செல்லும் 'ஹைப்பர் லூப்' ரயில்கள், ஹைட்ரஜன் எரிபொருள் மற்றும் வைஃபைக்குப் பதிலாக ஒளியின் வேகத்தில் தகவல் கடத்தும் 'லைஃபை' (LiFi) தொழில்நுட்பம்.

ஸ்மார்ட் போனுக்கு பதில் மெட்டா என நான்காம் தொழில் நுட்ப புரட்சி ஏற்படவுள்ளது.

இந்திய விஞ்ஞானிகள் பகுதியில் நாம் அறிய வேண்டிய

இந்தியாவின் முதல் பெண் தாவரவியல் முனைவரான இடவல்லத் கக்காடு ஜானகியம்மாள் அவர்களை அறிமுகம் செய்துள்ளார், கோவையின் இம்பீரியல் கரும்பு ஆய்வகத்தில் 18 வகை கரும்பு மாதிரிகளை ஆய்வு செய்து அதிக இனிப்புத் தரும் 3 புதிய கலப்பினக் கரும்புகளை உருவாக்கி இந்தியாவில் 'இனிப்புப் புரட்சிக்கு' வித்திட்டார். லண்டனில் இவரது பெயரில் 'மக்னாலியா காபுஸ் ஜானகி அம்மாள்' என்ற மலர் பெயரிடப்பட்டுள்ளது. மேலும், அமைதிப் பள்ளத்தாக்கு (Silent Valley) காடுகளைப் பாதுகாக்கப் போராடிய சுற்றுச்சூழல் ஆர்வலராகவும் திகழ்ந்தார்.அவரது வழிகாட்டுதலில் இந்தியாவில் 12, தேசிய தாவரவியல் பூங்காக்கள் நிறுவப்பட்டன.

இஸ்ரோ விஞ்ஞானி நம்பி நாராயணன் பற்றிய 'ராக்கெட்ட்ரி' 

பார்த்திருப்போம்.அதன் பின் உள்ள திரவ எரிபொருள் தொழில்நுட்பம், வைக்கிங் ராக்கெட் என்ஜின் விகாஷ் (Vikas) இன்ஜின்,பி.எஸ்.எல்.வி உருவாக்கம்,திரவ எரிபொருள் உருவாக்கத்தில் சதீஷ் தவாண், ஏ.இ. முத்துநாயகம் போன்ற கூட்டு குழுவின் சாதனைகளை விடுத்து தனிநபர் வழிபாடாகவும் அறிவியல் பிழைகளுடனும் ராக்கெட்ரி படம் சித்தரிக்கப்பட்டதை விமர்சிக்கிறது.

சர்வதேச கண்டுபிடிப்பாளர் இண்டெக்ச்ஸ்  (GII) இந்தியா 81-வது இடத்தில் இருந்து 40-வது இடத்திற்கு முன்னேறியுள்ளது.புதியது கண்டுபிடிப்பு invention, புதுமை புகுத்தல் innovation,improving முன்னேறுதல் என் மூன்று பகுதியை உள்ளடக்கியது ஆகும். அதே வேளையில், இந்தியாவில் காப்புரிமை (Patents) பெறுவதில் உள்ள நடைமுறைச் சிக்கல்களையும்  நூல் தோலுரிக்கிறது. இந்தியாவில் காப்புரிமை கோரி விண்ணப்பிப்பவர்களில் வெறும் 4.2% பேருக்கு மட்டுமே காப்புரிமை கிடைக்கிறது என்ற அதிர்ச்சி தரும் புள்ளிவிவரத்தையும், கல்வி நிறுவனங்களில் பதவி உயர்வுக்காக மட்டுமே விண்ணப்பிக்கும் போக்கையும் விமர்சிக்கிறது.

சங்க இலக்கியப் பாடல்கள் (பட்டினப்பாலை), கணக்கதிகாரம் போன்றவற்றிலேயே அறிவியல் செய்திகள் பின்னிப் பிணைந்து இருந்தன.1870-இல் வந்த 'ஜன விநோதினி', 1903-இல் 'விவேக பானு', 1917-இல் 'கல்பதரு' போன்ற இதழ்களும், மகாகவி பாரதியாரின் 'பால பாரதி', 'விஜயா' இதழ்களும் தமிழ் அறிவியல் எழுத்துக்கு வித்திட்டன.

ம. சிங்காரவேலர் எளிய தமிழில் மூன்றே பத்திகளில் டார்வினின் கொள்கைகள் உட்பட 600-க்கும் மேற்பட்ட அறிவியல் கட்டுரைகளை ஒரு பைசா தமிழன், விடுதலை இதழ்களில் எழுதினார். பெ.நா. அப்புசாமி, கல்கி கோபாலகிருஷ்ணன், சுஜாதா (ரங்கராஜன்) ,ஏ.என் சிவராமன், தனிநாயகம் அடிகள் ஆகியோர் வெகுஜன மக்களிடம் அறிவியலைக் கொண்டு சேர்த்தனர்.

1981-இல் தொடங்கப்பட்ட தமிழ்நாடு அறிவியல் இயக்கத்தின் 'துளிர்' இதழ், மனவை முஸ்தபாவின் அறிவியல் கலைச்சொல்லாக்க அகராதிகள், மற்றும் விஞ்ஞான் பிரச்சார் அமைப்பின் 'அறிவியல் பலகை' இணைய இதழ் ஆகியவை தமிழ் அறிவியல் வளர்ச்சியை அடுத்த கட்டத்திற்கு எடுத்துச் சென்றன.

தற்காலத்தில் அறிவியல் கருத்துக்களை கட்டுரைகளை வெளியிடும் அனைத்து இதழ்களையும் குறிப்பிட்டுள்ளார்.

அறிவியல் என்பது வெறும் ஏட்டுச் சுரைக்காய் அன்று; அது மானுட வாழ்வை மேம்படுத்தும் சக்தி என்பதைப் பறைசாற்றுகிறது. கடந்த கால இந்திய அறிவியல் சாதனைகளைப் பெருமையுடன் நினைவுகூர்வதோடு நிறுத்திவிடாமல், எதிர்காலத் தொழிற்புரட்சிக்கு இந்தியச் சமூகம் எவ்வாறு ஆயத்தமாக வேண்டும் என்பதையும், தமிழில் அறிவியல் கலைச்சொற்களும் இலக்கியங்களும் பெருக வேண்டியதன் அவசியத்தையும் தெளிவுபடுத்தும் ஒரு வழிகாட்டி நூலாக இது திகழ்கிறது.

தொடர்ந்து வாசிப்போம்

தோழமையுடன் மணிகண்டபிரபு

manipmp நற்காலை

1912ஆம் ஆண்டு கவிஞர் ரவீந்திரநாத் தாகூர் லண்டனுக்குச் சென்றிருந்தார். எழுத்தாளர் எட்வர்ட் கார்பெண்டர் அவரிடம், “இந்தப் பெருநகரத்தில் உங்களை மிகவும் கவர்ந்தது என்ன?” என்று கேட்டார்.

தாகூர்,

“எல்லோரும் இடைவிடாமல், அமைதியின்றி அலைந்து கொண்டிருப்பதுதான்,” என்றார்.

அதற்கு கார்பெண்டர்,

“ஆம். எல்லோரும் எதையோ தேடிக்கொண்டு அவசரமாக ஓடிக்கொண்டிருப்பது போலத் தெரிகிறது,” என்றார்.

தாகூர் பதிலளித்தார்:

“ஒவ்வொருவருக்குள்ளும் இருக்கும் மகத்தான பொக்கிஷத்தை அவர்களே அறியாததால்தான்.”

தாகூர் கண்டறிந்த அந்த உண்மை இன்றும் மாறவில்லை.

நாமும் இன்னும் ஓடிக்கொண்டிருக்கிறோம்.

இன்னும் தேடிக்கொண்டிருக்கிறோம்.

லாவோட்சு கூறுகிறார்..மனிதன் ஞானத்தைத் தேடி வெளியில் ஓடாமல், தன்னுள்ளே திரும்பிச் செல்ல வேண்டும்.

சேறும் தெளிந்த நீரும் என்ற உவமையின் மூலம் விளக்குகிறார்.

“சேறு அடங்கி, நீர் தெளிவாகும் வரை காத்திருக்கும் பொறுமை உனக்கு இருக்கிறதா?

சரியான செயல் தானாகவே தோன்றும் வரை அசைவின்றி இருக்க உன்னால் முடியுமா?”

நீங்கள் மன அழுத்தத்தில் இருக்கும்போதும், பதற்றமாக இருக்கும்போதும், குழப்பமாகவோ கோபமாகவோ இருக்கும்போதும் உங்கள் எண்ணங்கள் கலங்கிய நீரில் எழும் சேற்றைப் போன்றவை.

தெளிவைப் பெற வேண்டும் என்று அவசரப்பட்டு முயற்சிக்கும்போதெல்லாம், அந்த நீரை இன்னும் அதிகமாகக் கலக்கிறீர்கள்.

பிரச்சினையைத் தொடர்ந்து கிளறிக்கொண்டே இருந்தால், அதற்குள் இருக்கும் தெளிவை உங்களால் பார்க்க முடியாது.

சில நேரங்களில் மனதை வலுக்கட்டாயமாகச் சரிசெய்ய வேண்டியதில்லை.

நற்காலை

தோழமையுடன் மணிகண்டபிரபு

book-62

இரண்டு உலகங்கள்

-வண்ணநிலவன் சிறுகதைகள்

தொகுத்தவர்-கே.என் செந்தில்

எழுபதுகளின் துவக்கத்தில் வண்ணநிலவன் எழுத ஆரம்பித்தார். அந்த காலக்கட்டத்தில் இருந்த வாழ்வினையும் தம் கதைகளின் வாயிலாக வரித்துக் கொண்டார்.

வாழ்க்கையின் விளிம்பில் நிற்கும் எளிய மனிதர்களின் துயரத்தையும், அவர்களுக்குள் எஞ்சியிருக்கும் அன்பையும் மனிதநேயத்தையும் கண்டடையும் சிறுகதைகளின் தொகுப்பே ‘இரண்டு உலகங்கள்’.”

வெளி உலகம் ஒன்றே, உள்ளுலகம் இன்னொன்று..அந்த இரண்டின் இடையே மனிதன் வாழ்கிறான்.

ஆரவாரமில்லாத, இயல்பான கதைமொழி.சாதாரண மனிதர்களையே கதையின் மையமாக்கி..மனிதர்களின் அக உணர்வுகளை நுட்பமாகச் சித்தரித்தல்.வறுமை, சமூகச் சூழல் போன்றவற்றால் ஏற்படும் வாழ்க்கைச் சிக்கல்களைப் பதிவு செய்தல்.

மிகக் குறைவாகச் சொல்லி வாசகனுக்குள் அதிகமான சிந்தனைகளை உருவாக்குதல்.

மனிதர்களின் இயல்புகள்  அவ்வளவு ஒன்றும் பிரகாசமானவை அல்ல. இருள் படிந்தவைதாம். ஆனால் இந்த இருளை மட்டுமே காட்டுவதல்ல; அதை மட்டுமே காட்டுவதல்ல. அதை  மீறும் வெளிச்சத்தைப் பற்றிப் பேசுவதே அவர் எழுத்து என்று பார்க்கிறேன் என்கிறார் சுகுமாரன்

இந்த தொகுப்பில் முன்னுரை எழுதிய கே.என் செந்திலின் அறிமுகம் இன்னும் புத்தகத்தை நுட்பமாக வாசிக்க தூண்டுகிறது. இத்தொகுப்பில்  தேர்ந்தெடுக்கப்பட்ட 34 கதைகள் உள்ளன.

வறுமையின் கொடுமையில் பிள்ளைக்கு பால் வாங்க கூடாத நிலையில் இருக்கும் சந்திரா தன் கணவனின் இயலாமையை நினைத்தும் கடந்த காலத்தில் தவறவிட்ட வாழ்க்கையை சிறையாக உணர்ந்தும் நினைத்தும் பீறிடுகிறாள் அயொத்தி கதையில்..இக்கட்டான சூழலில் சாரதாவுக்கு உதவும் இன்னொரு பெண் கடவுளாக தெரிகிறாள். பலாப்பழ வாடை சம்பள வாங்காத சீனிவாசனின் குடும்ப இயல்பை நம்மை கனக்க வைக்கிறது.

காலையில் அப்பாவை எழுப்புவது கூட கவித்துவமாக எழுதியிருப்பார்

/அவர் எழுந்துருக்க வெகுநேரம் வரை கூப்பிட வேண்டும்.அது சலனம்தான். அவர்களுக்கு நம்பிக்கை தரும் சலனம். நான்கைந்து அழைப்புகளில் அவர் எழுந்திருக்க வேண்டியதற்கான சிறு ஆயத்தம் மூச்சாக வெளிவரும். வேற்று ஆள் அறிந்து கொள்ள முடியாத நுட்பமான சிறு சீறல். அப்போது அவர் அவர்களுக்கு மெச்சத் தகுந்தவர்.அந்தச் சீறல் அடையாளம் அந்த நிகழ்ச்சியில் ரொம்பவும் முக்கியமானது. மீண்டும் அயர்ந்துபோகாமல், அவரை அழைக்க நல்ல தருணம் அப்போதுதான் ஆரம்பமாகும். ஒவ்வொருவரும் காய்ந்துபோன உதடுகளில் மலர்ச்சியைத் தருவித்துப் பார்த்துக் கொள்வார்கள். எல்லாம் தினமும் செய்யும் காரியம்/

‘எஸ்தர்’ என்பது ஒரு பெண்ணின் கதையாக மட்டும் இல்லாமல், வறுமையோடும் பற்றாக்குறையோடும் போராடும் ஒரு குடும்பத்தின் வாழ்க்கைச் சித்திரம். எதையும் பெரிதுபடுத்தாமல், சாதாரண மனிதர்களின் சாதாரண வாழ்க்கைக்குள் இருக்கும் பெரும் வலியை வண்ணநிலவன் மிக நுட்பமாக வெளிப்படுத்தியுள்ளார்.

வாழ்ந்து கெட்ட குடும்பங்களுக்கு இணையானது வாய்ப்பு கைவிட்டுப் போன நடிகர்கள். பாபு வும் அப்படித்தான். ஓஹோனு நடித்த நடிகன் வாய்ப்பின்றி குடிப்பழக்கத்திற்கு அடிமையான வாழ்வை தத்ரூபமாக வெள்ளித்திரையில் சொல்லியிருப்ப்பார்.கரையும் உருவங்கள் கதை அக்காவுக்கும் வேலை இல்லா தம்பிக்கான உணர்வு பூர்வ உரையாடல்.அதற்கு இணையான கதை தம்பியின் அக்கா பாசத்தை சரஸ்வதி கதையில் கொண்டு வந்திருப்பார்

*பொதுவாகவே வாழ்வு, கடந்தகால நினைவுகளிலும் நிகழ்கால சம்பவங்களிலும் அல்லாடிக் கொண்டிருக்கிறது.நினைவிலும் நிஜத்திலும் நாட்கள் கழிகின்றன. நிஜம் நினைவுச் சருகாகி மனத்தை நிறைக்கிறது. இது மனத்தின் அவஸ்தையா, வாழ்வின் அவஸ்தையா என்பதே புரிவதில்லை. சம்பவங்களின் தொகுப்பு நாளாவட்டத்தில் நினைவுகளாய்ச் செமித்து, நிகழ்காலத்தில் மனம் ஒன்றவிடாமல் சஞ்சலப்படுத்துகின்றன. இச்சலனமே இல்லாமல் காலமும் சம்பவங்களும் உறைந்து போகக் கூடாதா என்று மனம் ஏங்கிற்று. நிகழ்காலமும் நடப்புலகும் உறைந்து, உலகு பனிச்சிற்பம் போல் ஆகிவிடக் கூடாதா? மனச்சிற்பங்கள் கதையில் வார்த்தைகளை சிற்பியைப் போல் செதுக்கியிருப்பார்.

/யாருடைய மனத்தில் எப்போது அன்பு சுரக்கும் என்று எப்படிச் சொல்ல முடியும்/உயர்வைப்போலவே தாழ்வும்

வெகு வேகமாகத்தான் வருகிறது/மெஹருன்னிசாவின் கதையுடன் வரும் வாசகம் காட்சியோடு ஒன்ற வைக்கிறது.

பெரும்பாலான கதை மாந்தர்கள் வறுமையில் உழல்பவர்களாக, தந்தை இல்லாதவராக,மனித மனங்களின் நம்பகமற்ற தன்மையை விளக்குவதாக இருக்கிறது. வண்ணநிலவனின் கதைகளில் உயர்ந்த சமூகப் பின்னணியைக் கொண்டவர்களைவிட சாதாரண மக்கள் முக்கிய இடம் பெறுகின்றனர்.

வறுமையை வெறும் சமூகப் பிரச்சினையாக மட்டும் காட்டாமல், அது மனிதர்களின் உறவுகளையும் மனநிலையையும் எவ்வாறு பாதிக்கிறது என்பதை சித்தரிக்கிறார்.

எளிமைக்குள் ஆழமும், சாதாரண வாழ்க்கைக்குள் அசாதாரணமான மனித உணர்வுகளையும் காட்டுவதே வண்ணநிலவனின் சிறுகதைகளின் தனிச்சிறப்பு.

தொடர்ந்து வாசிப்போம்

தோழமையுடன் மணிகண்டபிரபு

61

Book-61

அண்ணா தன் வரலாறு

-டாக்டர் அண்ணா பரிமளம்

தமிழக அரசியல் மற்றும் சமூக வரலாற்றில் அழியாத தடம் பதித்த பேரறிஞர் அண்ணாவின் வாழ்க்கையையும் சிந்தனைகளையும் அறிந்துகொள்ள உதவும் முக்கியமான நூல்.அண்ணா அவர்களே தன் வாழ்க்கை வரலாற்றை எழுதியது போல் டாக்டர் அண்ணா பரிமளம் எழுதிய இந்நூல் அமைந்துள்ளது.

தன் வரலாறு என தனியாக எழுதவில்லை.அவரின் சொற்பொழிவுகள், கடிதங்கள், ஆகியவற்றை ஆய்வு செய்து எழுதியுள்ளார்.

நான் நெசவாளி குடும்பத்தைச் சேர்ந்தவன் என்ற முறையில் சொல்லிக் கொள்வேன். நெசவாளியாய்ப் பிறந்தவர் யாரும் பொறுமையாக இருப்பதைத் தவிர, வேறு வழியில்லை. எத்தனை தடவை அறுந்த நூலை இணைத்துப் பார்க்கிறோம். எத்தனைக் சிக்கல்களைப் பிரித்திருக்கிறோம். ஆகவே நெசவாளிக் குடும்பத்தில் பிறந்தவர்கள், நெசவாளியாக இல்லாவிட்டாலும் நெசவாளிக் குடும்பத்திற்கு இயல்பான 'பொறுமை 'க் குணத்தைப் பெற்றிருப்பார்கள்!என சட்டசபை பேச்சில் குறிப்பிட்டதை நுழைவுப்பகுதியாக உள்ளது சிறப்பு.

தாயார் பங்காரம்மாவைவிட சிறிய தாயார் ராசாமணி அம்மையாரிடமே (தொத்தா) பயம் கலந்த பக்தியோடு இருந்ததை குறிப்பிடுகிறார். பின்னாளில் தொத்தாவின் இறப்பு குறித்த நீண்ட்ச் பதிவினை பாசப்பிணைப்போடு எழுதியுள்ளார்

நாடக நடிப்பு, படிப்பும்.கல்லூரி வாழ்க்கையும் அரசியல் ஈடுபாட்டினையும் கூறியிருப்பார்.தான் கல்லூரியில் படிக்கும் போது குறிப்பு எடுக்காமல்.படித்ததை அறிந்து ஆசிரியர் கோபித்துக் கொண்டார். ஆனால் தேர்வில் முதல் மதிப்பெண் எடுத்ததைப் பாராட்டினார்.தன்னால் பொருளாதாரம் படிக்க இயலுமா என சந்தேகத்தை போக்கி கல்லூரி படிப்பை வெற்றிகரமாக முடித்தார்.

அண்ணாவின் இளமைக்காலம், கல்வி, எழுத்துப் பணி, பேச்சாற்றல், நாடகத் துறை மீதான ஈடுபாடு, பத்திரிகைப் பணி, அரசியல் பயணம் என அவரது வாழ்க்கையின் பல்வேறு நிலைகளை கூறுகிறது.பெரியாரின் சுயமரியாதை இயக்கத்தால் ஈர்க்கப்பட்ட அண்ணா, சமூகத்தில் நிலவிய சாதி வேறுபாடு, மூடநம்பிக்கை, சமூக ஏற்றத்தாழ்வு ஆகியவற்றை எதிர்த்து தனது எழுத்தையும் பேச்சையும் ஒரு சமூக மாற்றத்திற்கான கருவியாகப் பயன்படுத்தினார்.

பிரதாப முதலியார் சரித்திரம், கலிங்கத்துப்பரணி, சிலப்பதிகாரம், ரோம் சாம்ராஜ்ய எழுச்சியும் வீழ்ச்சியும்,கரிபால்டி உள்ளிட்ட பல அயல்நாட்டு வீரர்களின் கதைகள், திருவிக, அக்கிரகாரத்து அதிசயப்பிறவி, வ ராமசாமி புத்தகம் தன்னை கவர்ந்தவைகளாக குறிப்பிடுகிறார்

அண்ணாமலை பல்கலை மாண்வர்களான அன்பழகன் படிப்பு முடிந்ததும் இயக்கத்தில் சேர்வாரென இருந்தேன்.நெடுஞ்செழியன் தமிழ் புலமைக்கு அவர் தமிழறிஞராக மிளிர்வார் என எண்ணினேன். ஆனால்.திராவிட சிந்தனை அவரையும் இயக்கத்தின் பால் இணைத்தது என்றும் கே.பி.பி சாமி, சம்பத்,கலைஞர்,சங்கரலிங்கனார் பற்றிய அறிமுகங்களை சொல்லியிருக்கிறார்.

மாநாடு,  திராவிட நாடு இதழ், சிறைவாழ்க்கை,தமிழ்நாடு என பெயர்சூட்டிய வரலாறு,பயணங்கள், நாடக வாழ்க்கை, இயக்கத் தேர்தலும் கட்டமைப்பும்,தேர்தல் தோல்வி,சீர்திருத்தத் திருமணம் போன்றவை பற்றி எழுதியுள்ளார்.சிந்தனை திறன் படைத்தவருக்கு தனிமை என்பது வரம்.அவ்வாறு சிறையில் இருந்த காலகட்டம் ஓவியம் வரைவது புத்தகம் படிப்பது, வரலாற்றை பகிர்வது, இந்தி மொழிக்கு எதிரான கருத்தியல் உருவாக்கும் களத்தினை அண்ணா அவர்கள் சிறையில் கட்டமைத்துள்ளார்.1964ம் ஆண்டு ஒவ்வொரு நாளும் என்ன நடந்தது என தேதியுடன் நாட்குறிப்பு தந்துள்ளனர்.

நேருவுக்கு செல்வாக்கு அதிகமா? அண்ணாதுரைக்கு அதிகமா? என்று அமைச்சர் (பக்வத்சலம்) மக்களைக் கேட்கிறார். அமைச்சர் அவ்வளவு கஷ்டப்படாமல் என்னையே கேட்டால் நானே சொல்லுவேன். என்னை விட நேரு அவர்களுக்கு செல்வாக்கு நிரம்ப இருக்கிறது. ஆனால் நான் பக்வத்சலம் அவர்களுக்கு ஒன்று சொல்லுவேன். நேருவினுடைய செல்வாக்கு வளரவேண்டிய அளவுக்கு வளர்ந்தாகி விட்டது. அண்ணாத் துரையின் செல்வாக்கு வளர ஆரம்பித்திருக்கிறது என நயம்பட சொல்லியிருப்பார்.

உடல்நலமின்றி இருந்தகால கட்டங்கள் சொல்லொனா துயரை அனுபவித்தாலும் ஒவ்வொருவரையும்

நன்றியோடு நினைவு கூர்ந்துள்ளார்.

அதே போன்று சிறை வாழ்க்கை அனுபவங்களை டைரி குறிப்பு போல் ஒவ்வொரு நாள் நிகழ்வுகள், வாசித்த புத்தகங்கள், சந்தித்த நபர்கள் தலைவர்கள் பற்றியும் எடுத்துரைத்துள்ளார்.

பெரியாருடனான உறவு பற்றி, ஹரித்துவார் பயணத்தில் அவரை பெரிய சாமியார் என்றும் அண்ணாவை சின்ன சாமியார் என்றும் கூறிய சம்பவங்களை நினைவு கூர்கிறார்.நான் இருக்கும்.இடத்தில் பெரியாரின் கருத்துகள் இருக்கும்.அமெரிக்காவில் சிகிச்சையில் இருந்த காலக்கட்டத்தில் பெரியாருக்கு, அண்ணா அனுப்பிய மின்னஞ்சல் பகிரப்பட்டுள்ளது.கலைவாணர் சிலை திறப்புவிழா தான் அண்ணா அவர்கள் கலந்து கொண்ட கடைசி நிகழ்ச்சி.

 

*எவனொருவன் இந்திரியங்கள் எனும் துட்டக் குதிரைகளுக்கு அறிவெனும் கடிவாளமிட்டு அடக்கி, நன்னெறி எனும் பாதையிலே செலுத்துகிறானோ, அவனே அரனடி எனும் திருத்தலத்தை அடைவான். இடையே இச்சை எனும் நச்சுக்கொடி கிடக்கும்; பச்சென்று இருக்கிறதே என்று பார்த்தாலோ சிக்கினோரைச் சீரழிக்கும். அதற்கு நிராசை எனும் சாட்டை கொண்டு குதிரையைத் தட்டவேண்டும்

*பகல் பொழுதைக் கழிப்பதைவிட, இரவுகள்தான் அதிகமாகத் தொல்லை தருகின்றன. செங்காய்களைப் பறித்து வந்து, அவை கனிவதற்காக, வைக்கோற் போரில் போட்டு ஓர் அறையில் போட்டு மூடிவைப்பார்கள், நன்கு கனிவதற்காக. இரவு, அறைகளிலே உள்ள நிலைமை இதுபோல். காற்று துளியும் கிடையாது.(சிறைச்சாலையில்)

அண்ணா கண்ட கனவாக குறிப்பிடப்படுவது தமிழகம் வளம் கொழிக்கும் இடமாக இருக்க வேண்டும்.மாநிலங்கள் அதிக அளவிலான அதிகாரங்களை பெறுதல் வேண்டும் அதற்கு இந்திய அரசியல் அமைப்பு சட்டம் மாற்றியமைக்கப்பட வேண்டும். தான் உடல் நலம் குன்றிய நிலையிலும் தம்பிக்கு கடிதம் எழுதாமல் இருந்ததில்லை. அண்ணா அவர்கள் நூற்றாண்டு கண்ட தலைவர் என்பது நிதர்சன உண்மையாகும்

தொடர்ந்து வாசிப்ப்போம்

தோழமையுடன் மணிகண்டபிரபு

மாற்றத்தை எதிர்க்காதேஉன் வாழ்வில் எதிர்பாராமல் வரும் மாற்றங்களை எதிர்த்து நிற்காதே.அதற்குப் பதிலாக, வாழ்க்கை உன் வழியாக தன்னை வாழ அனுமதி.உன் வாழ்க்கை தலைகீழாக மாறிக்கொண்டிருக்கிறது என்று கவலைப்படாதே.நீ இதுவரை பழகியிருந்த வாழ்க்கைமுறைதான், இனி வரப்போகும் வாழ்க்கையைவிடச் சிறந்தது என்று உனக்கு எப்படித் தெரியும்?சில நேரங்களில், நாம் இழப்பு என்று நினைக்கும் மாற்றமேநமக்கான புதிய தொடக்கமாக இருக்கலாம்.வாழ்க்கை திரும்பும் திசையை எப்போதும் நாம் புரிந்துகொள்ள வேண்டியதில்லை;அது எங்கே அழைத்துச் செல்கிறது என்பதை நம்பி நடப்பதே போதும்.-படித்தது

book-60

நவபாரத சிற்பிகள்

பி.ஆர்.அம்பேத்கர்

-டபிள்யு.என்.குபேர்

“கல்வி என்பது தனிமனித முன்னேற்றத்திற்கான கருவி மட்டுமல்ல; சமூக மாற்றத்திற்கான சக்தியும் ஆகும்.”

நிகழ்கால வருங்கால சந்ததியினர் பயன்பெறும் வகையில் இந்த நவபாரத சிற்பிகள்.புத்தகம் மத்திய தகவல் ஒலிபரப்பு அமைச்சகம்

 வெளியிட்டுள்ளது.15 அத்தியாங்களாக விரியும் இந்நூல் அம்பேத்கரின் முகங்களை பதிவு செய்கிறது.சமூகத்தின் அடித்தளத்தில் பிறந்த ஒருவராக, தனது வாழ்க்கையில் எதிர்கொண்ட தீண்டாமை, சாதிப் பாகுபாடு, சமூக அவமதிப்பு போன்ற தடைகளை கல்வி மற்றும் அறிவின் துணையுடன் எதிர்கொண்டு உயர்ந்த அம்பேத்கரின் பயணத்தை நூல் எடுத்துரைக்கிறது.

சமூக கட்டமைப்பு பகுதிக்குள் சாதியின் தோற்றுவாய் உருவான வரலாற்றையும் அதன் தொடர்ச்சியாக தீண்டாமை பின் விளைவாய் அமைந்தது.புத்தர்,கிறிஸ்தவ, பிரிட்டிஷ் ஆட்சியிலும் தொடர்ந்தது. இந்திய தாழ்த்தப்பட்ட வர்க்கங்களின் சேவை சங்கம் 1917ல் மாநாடு கூடி தீண்டத்தகாதவர்களின் கோரிக்கையை அன்றைய காங்கிரஸ் மாநாட்டில் தீர்மானமாகவும் நிறைவேற்றப்பட்டது.

அம்பேத்கரின் வாழ்க்கையை வெறுமனே ஒரு தனிமனிதரின் வெற்றிக்கதையாக ஆசிரியர் அணுகவில்லை. சமூக சமத்துவம், கல்வி, மனித உரிமை, பெண்களின் உரிமை, பொருளாதார நீதி, அரசியல் பிரதிநிதித்துவம் போன்ற பல்வேறு தளங்களில் அவர் முன்வைத்த சிந்தனைகளையும் பதிவு செய்கிறார்.

'இந்தியாவிற்கான தேசியப் பங்கீடு: வரலாறு பூர்வமான பகுப்பாய்வு எனும் ஆய்வுக்கட்டுரையை 1916 சமர்ப்பிக்கிறார்.அதில் பிரிட்டிஷாரின் தொழில் கொள்கை, உற்பத்தியாளர் நலன்,சமூக ஒடுக்குமுறைகள் அதில் பேசப்பட்டுள்ளது.

பரோடா மன்னரின் நிதி அமைச்சராக நியமிக்கப்பட்டும் அவமானஙகளை சந்தித்தார்.அதனபின் தீண்டாமை ஒழிப்பு மாநாடு, மூக்நாயக் இதழ், லண்டனில் பொருளாதார  படிப்பு, என செல்கிறது. அவர் தனது ஆசான்களாக கபீர், ஜோதிபாபூலே, புத்தர் ஆகியோரைக் கொண்டிருந்தார்.1927ல் மனு ஸ்மிரிதி எரிப்பு போராட்டம், அர்ச்சகர் தொழில் ஜனநாயக்கப்படுத்தல், சத்தியாகிரகம்

கோவில் நுழைவு போராட்டங்கள், போன்ற சமூகப் போராடஙகளை விரிவாக எடுத்துரைத்துள்ளனர்.

தனி வாக்காளர் தொகுதிகளும், தனி இட ஒதுக்கீடும் தீண்டாமையை ஒழிப்பதற்கான வழிகள் அல்ல என்றார் காந்தி.

தனி வாக்காளர் தொகுத்திக்கான வரலாற்று ரீதியிலான போராட்டங்கள், சீக்கியர்கள், முஸ்லீம்கள் அப்படியே தொடரலாம் எனில் தீண்டத்தகாதவர்கள் அவ்வறே தொடரலாமா என அண்ணல் கேள்வி எழுப்பினார்.அதற்குபின்வருமாறு உறிதி அளித்தார்.

காந்திஜி, "ஐந்தாண்டுகள் அல்லது என் வாழ்நாளுக்குள்" என்று தம் இறுதி முடிவாகக் கூறினார்.  ஆனாலும் காந்திஜி பத்தாண்டுகளுக்குத் தம் ஒப்புதலைக் கொடுத்தார். இந்தத் தீர்ப்பாணையின் மூலம் தனியே தேர்தலை நடத்துவதற்குப் பதிலாக, தாழ்த்தப்பட்ட வகுப்பினரின் தலைவர்கள் இரு கட்டங்களில் தேர்தல்களை நடத்திட ஒப்புக்கொண்டார்கள். நான்கு வேட்பாளர்கள், தனித் தாழ்த்தப்பட்ட வகுப்பு வாக்காளர்களிலிருந்து தேர்ந் தெடுக்கப்பட வேண்டும் என்றும், பின்னர் அவ்வாறு தேர்ந்தெடுக்கப்பட்ட நால்வரில் ஒருவரை, பொது வாக்காளர்கள் தேர்ந்தெடுக்க வேண்டும் என்பதே அவர்கள் முன்வைத்த ஒப்பந்தமாகும். பின்னர் இந்த ஒப்பந்தம் 1932 செப்டம்பர் 24 சனிக்கிழமையன்று 5 மணியளவில் கையொப்பமிடப்பட்டது. இதுவே வரலாற்றில் பூனா ஒப்பந்தம் எனப் பதிவு செய்யப்பட்டது. இந்தப் பூனா ஒப்பந்தம் பிரிட்டிஷ் அரசாங்கத்தால் ஏற்றுக்கொள்ளப்பட்டது. 1935ம் ஆண்டு ஏற்றுக் கொள்ளப்பட்டது.

பின்னர் பூனா ஒப்பந்தம் மாற்றாக 1944 செப் 23ல் தாழ்த்தப்பட்டவர்களுக்கு தனி வாக்காளர் தொகுதி கோரி தீர்மானம் கொண்டு வந்தார்.சிறுபான்மையின அடிப்படை உரிமைகளை பெற்றிட வேண்டுமென தம்மாலான அனைத்து முயற்சிகளையும் மேற்கொண்டார்.

ஹரிஜன இயக்கம், இந்து மதத்திலிருந்து வெளியேறும் போராட்டம்,இரட்டை வாக்குரினை அதிருப்தியை வைஸ்ராயிடம் கூறினார். உலகப்போர் வந்ததால் வைஸ்ராய் போர் முடிந்தவுடன் சரிசெய்வதாக கூறி,எக்ஸிக்யூட்டிவ் கவுன்சிலில் தொழிலாளர் உறுப்பினராக நியமிக்கபப்ட்டார். அப்போது வந்த வெள்ளையனே வெளியே இயக்கத்தை பற்றி அதிருப்தியை வெளியிட்டதால் விமர்சிக்கப்பட்டார்.இந்து முஸ்லீம் மட்டுமல்லாது தாழ்த்தப்பட்ட வகுப்பினரிடையேயும் முத்தரப்பு ஒப்பந்தம் அவசியம் என கூறினார்.

மேலும் பிரிட்டிசார் சென்றாலும் தாழ்த்தப்பட்டவர்க்கு அரசியலைப்பு சட்டத்தில் பாதுகாப்பு வழஙகிட வேண்டுமெனவும் வலியுறுத்தினார்.

இந்திய அரசியலமைப்புச் சட்டத்தை உருவாக்குவதில் அம்பேத்கரின் பங்களிப்பு நூலின் முக்கியமான பகுதியாக அமைகிறது. சட்டத்தின் முன் அனைவரும் சமம், ஒவ்வொரு குடிமகனுக்கும் அடிப்படை உரிமைகள் வேண்டும், சமூக நீதியின்றி உண்மையான ஜனநாயகம் சாத்தியமில்லை எனக்கூறுகிறார். அரசியலைப்பு சட்டத்தை வெற்றிக்கரமாக.முடித்த அரசியல் சூழல் காரணமாக 1951 செப் 27ல் அமைச்சரவையிலிரிந்து ராஜினாமா செய்கிறார்.1952 தேர்தலில் தோற்கடிக்கப்படுகிறார்.காஷ்மீர் பிரிவினையை நியாயப்படுத்தியது, பம்பாய் முஸ்லீம்களுக்கு தனித்தொகுதி கோரியது, கட்சியின் ஸ்தாபன பலவீனமும் தோல்விக்கு காரண்மாகின.1954 இடைத்தேர்தலிலும் தோற்கடிக்கப்பட்டார்.

தான் புத்த மதத்திற்கு மாறியதற்கான காரணத்தை எடுத்துரைக்கும் பகுதி சுருக்கமாகவும் ஆழமாகவும் தரப்பட்டுள்ளது.தலாய்லாமா விழாவை முடித்துக்கொண்டு டிசம்பர் 4 ல் மாநிலங்களவையில் பங்கேற்று டிச்மபர் 6 அன்று உறக்கத்திலேயே இறந்துவிட்டதை அவர் மனைவி அறிந்தார்.சர்க்கரை நரம்பு மண்டல நோயின் விளைவாக அவர் இறந்தார். விமானம் மூலம் பம்பாயில் அவர் இல்லத்திற்கு எடுத்துச் செல்லப்படுகிறது.இரங்கல் கூட்டத்தில் அவரது மகன் மறைவு குறித்து விசாரணை நடத்த முறையீடு செய்கிறார்.1957 நவம்பர் 26 மக்களவையில் நேரு அம்பேத்கர் இயற்கையாகவே மரணம் அடைந்ததாக குறிப்பிடுகிறார்.

*7மொழிகள் அறிந்திருந்தார். ராஜ்கிரிகா எனும் தனது பங்களாவை நல்ல நூலகமாக கட்டினார்.அங்கேயே தங்கி உறஙகுவார்.

*உஸ்மானியா, கொலம்பியா பல்கலைக்கழகங்கள் முனைவர் பட்டம் வழங்கி சிறப்பித்தது.

*தீண்டாமை எப்படி உருவானது என்பது குறித்து அவர் கூறுவதாவது: கி.பி. 200 வரை தீண்டாமை உருவாக வில்லை. பின்னர் அது கி.பி. 600 வாக்கில்தான் உருவாகத் தொடங்கியது. கி.பி. நான்காம் நூற்றாண்டு வாக்கில் பசுக்களைக் கொல்லுதல் மாபெரும் குற்றமாகக் கருதப்பட்டது. எனவே, தீண்டாமை என்பது கி.பி. 400 வாக்கில் வந்திருக்கலாம் என்கிற முடிவுக்கு அவர் வந்தார். புத்தமதத்திற்கும் பிராமணீயத்திற்கும் இடையிலான போராட்டத்திலேயே தீண்டாமை பிறந்தது என்கிறார். 

*அம்பேத்கதால் உருவாக்கப்பட்ட இந்திய குடியரசுக்கட்சி 1969ல் இரண்டாக பிளவுண்டது.1974ல் ஒன்றிணைந்தது.1975 மாநாட்டில் கவாய் தலைவராக தேர்ந்தெடுக்கப்பட்டார்.

அம்பேத்கர் குறித்து அறிந்து கொள்ள உதவும் நூல்

தொடர்ந்து வாசிப்போம்

தோழமையுடன் மணிகண்டபிரபு

book-59

Book-59

என் பல்வண்ணக்காட்சிக் கருவி

-இறையன்பு

இறையன்பு அவர்களின் பரந்துபட்ட வாசிப்பில் அமைந்த 50 கட்டுரைகளின் தொகுப்பு நூல் இது. சங்க இலக்கியம், மருத்துவம், கவிதை, ஆய்வுநூல் என அவரின் வாசிப்பில் மூலம் தான் பெற்ற அனுபவத்தை வாசகருக்கு அர்ப்பணிக்கிறார் இறையன்பு.

ஒரு பொருளை ஒரே கோணத்தில் பார்த்தால் அதன் முழுமையான பரிமாணத்தைப் புரிந்துகொள்ள முடியாது. பல வண்ணங்களைக் காட்டும் காட்சி கருவியைப் போல, வாழ்க்கையையும் பல்வேறு கோணங்களில் அணுக வேண்டும் என்ற சிந்தனையை மையமாகக் கொண்டு அமைந்த நூலாக பல் வண்ணக்காட்சி கருவி விளங்குகிறது

இறையன்புவின் எழுத்தில் வழக்கமாகக் காணப்படும் எளிமை, ஆழமான சிந்தனை, வாழ்க்கை அனுபவங்கள், உளவியல் பார்வை, சமூகக் கவனிப்பு ஆகியவை இந்நூலிலும் வெளிப்படுகின்றன. அன்றாட வாழ்க்கையில் நாம் சாதாரணமாகக் கடந்து செல்லும் நிகழ்வுகள், மனிதர்களின் குணங்கள், உறவுகள், வெற்றி–தோல்விகள் போன்றவற்றை வேறுபட்ட பார்வையில் சிந்திக்கத் தூண்டுகிறார்.

மனிதம் தழைத்தோங்க  வன்மத்தை விட்டொழிக்க வலியுறுத்துகிறார். பூனையின் மகிமைகளை அடுக்கிப்பேசி..சேலத்தில்.காந்தி ஐயர் என்பவர் தீண்டாமை ஒழிப்பில் இணைத்துக்கொண்டு தனது உணவகத்தில் தாழ்த்தபப்ட்ட சமூகத்தினரும் உட்கார்ந்து சாப்பிட அனுமதித்ததால் ஊரில் யாரும் சாப்பிட வரவில்லை.ஆனாலும் கொள்கையில் விடாபிடியாய் இருந்து தொடர்ந்து நடத்தி வெற்றி பெற்றார் எனும் அறியாத தகவலையும் பகிர்ந்திருப்பார்.

சாலை என்பது கற்களால் போடப்படுவது.பாதை என்பது சொற்களால் அமைக்கப்படுவது என அகநோக்கில் சொல்லியிருப்பார். மனதளர்ச்சி,சீனத்தில் மதக்கலவரமே நடந்ததில்லை என்பது கண்ணில் ஒற்றிக்கொள்ள வேண்டிய செய்தி எனக்கூறி கன்பூசியஸ், லாவொட்ஸ் குறித்த சிந்தனைகள் பகிர்கிறார்.

*ஜோசப் பிரௌதான் என்கிற பொருளாதார நிபுணர் வறுமையின் தத்துவம் என்கிற நூலை எழுதினார். அதிலிருந்த கருத்துகளுக்குச் சவாலாக மார்க்ஸ் எழுதிய நூல்தான் தத்துவத்தின் வறுமை. பிரௌதானுடைய தத்துவம் சத்தானது அல்ல என்பதே மார்க்சின் வாதம்.

தொ.ப வின் நூல்களை திறனாய்வு செய்வதுடன், அதில் தான் படித்து வியந்த செய்திகளை பகிர்கிறார். சாதிய ஆதிக்கத்தால் கொல்லப்பட்ட ஒருவனை தெய்வமாக்கப்பட்டால் அவன் இரண்டு சாதியாராலும் வணங்கப்படுவான் அவனை கொன்ற ஆதிக்க சாதி ஆவி அச்சம் காரணமாகவும், கொலை செய்யப்பட்டவர் சாதி பாதுகாப்பு கருதியும் வணங்குவதை சுட்டிக்காட்டுகிறார்.

மண்ணுக்கு மருதாணி எனும் அத்தியாத்தில் விவசாயம் சம்பந்தமான தகவலகளையும் புத்தகங்களையும்.அறுமுகம் செய்கிறார்.பெரும்பாலும் நாம் அறியாத தகவல்களே உள்ளன.

காற்றே பாதுகாப்பு வேலிக்கு சவுக்கு மரங்களை வாழை மரத்தோப்பிற்கு ஓரமாக நட்டால் சாய்க்காமல் பாதுக்காக்கும்.அதன் நிழல் பயிரை பாதிக்காது என்கிறார்.ஒவ்வொரு கட்டுரையிலும் இடம்பெற்ற துணுக்குச் செய்தி கட்டுரைகளை சுவாரஸ்யமாக்குகிறது.

அலப்பரை' என்கிற தமிழ்ச் சொல் எப்படி வந்தது என்று முத்துநிலவன் கூறும் செய்தி சுவையானது. 'பறை' என்பது ஊரறியச் சொல்வது. 'அலர்' என்றால் மலர்ந்த பூ என்று பொருள். தமக்குள் மறைவாகப் பேசிக்கொள்வது பலரும் அறியப் பகிரப்பட்டால் அது 'அலர்' ஆகி விடும். அப்படி அனைவருக்கும் தகவலைப் போட்டு உடைப்பது 'அலர்ப்பறை' அதுவே 'அலப்பர' என்னும் மதுரைத் தமிழாகி 'அலப்பரை' என்கிற சென்னைத் தமிழானது.மேலும் அடமானம்,ஆய்த எழுத்து எனும்  வார்த்தைகளை மேற்கோளாய் சொல்லியிருப்பார்.

நகைச்சுவையோடு இருப்பதற்கு வாசிப்பு அவசியம் என்று சொல்லி அதற்கு காரணம் வாசிப்பவர்க்கு மூளையின் ஒரு பகுதி துடிப்பாக இருப்பதுதான் காரணம் என்கிறார். முடிவெடுப்பது எவ்வாறு என்று கேள்விப்பட்டிருப்போம் ஆனால் மேலாண்மையில் முடிவெடுப்பதை தவிர்ப்பது எவ்வாறு என்று கூறிகிறார்.பாரதிதாசன் திருபுவனையில் ஆசிரியராகப் பணியாற்றும்போது பிரஞ்சு அரசுக்கு எதிராக செயல்பட்டாரென சிறையில் அடைக்கப்பட்டு பணி நீக்கம் செய்யப்பட்டு..மீண்டும் வழக்கு தொடுத்து ஆசிரயரானார், மணியாச்சி சம்பவத்தில் மாடசாமிக்கு பாவேந்தர் அடைக்கலம் கொடுத்துள்ளார்..என்பது புதிய செய்தியாக இருந்தது.

நேர்மை குறித்த பார்வையில் நிதர்சனத்தை சொல்லியிருப்பார்..

நேர்மைக்கு நம் மக்கள் தருகிற வினோதமான விளக்கங்களை நினைத்து நான் வியந்திருக்கிறேன். 'அவராகக் கேட்கமாட்டார், கொடுத்ததை வாங்கிக் கொள்வார். மிகவும் நல்லமனிதர்' என்றுபாராட்டுவார்கள். 'பணம் வாங்கினால் அவசியம் செய்து கொடுப்பார், நேர்மையான மனிதர்' என்று சிலாகிப்பார்கள். 'காரியம் முடியவில்லை என்றால் பணத்தைத் திருப்பிக் கொடுத்து விடுவார்' என்று புளகாங்கிதம் அடைவார்கள்.

மகத்தான பணிகளை மெளனமாக ஆற்றுபவர்கள் போல முக்கிய உறுப்புகள் கண்ணுக்கு தெரியாமல் இருப்பதை சிலாகிக்கிறார்.ஓஷோ, கலீல்ஜிப்ரான், கிருஷ்ணமூர்த்தியின் தத்துவங்களை பல நூல்களில் மேற்கோளாக சொல்லுவார்.

/நான் போன நேரம்

ரூமி செருப்பில்

ஆணி அடித்துக் கொண்டிருந்தார்

வலிக்காதா? என்றேன்

ஆணிக்கும் தான் வலிக்கும்

சுத்திக்கும் தான் வலிக்கும்

கைக்கும் தான் வலிக்கும்

வலியில்லாமல்

என்னதான் நடக்கும்

என்றார் ரூமி/

கண்ணாடியில் உள்ள களங்கம் எப்போது நீங்கும் என்று கேட்டதும்

ரூமி சொன்னார்

'கண்ணாடி முன் நீ முகம் காட்டாதபோது'

என்கிறார் ஈரோடு தமிழன்பன்

இக்கவிதைகள் ஏற்கனவே படித்திருந்தாலும் மேலும் சுவையூட்டுகிறது.

மழைப்பாதை வெண்மேகஙகள், வாபிசாபி,சராசரி என்கிற எதிரி,Tongue of the slip,Reasons to stay alive,The golden road, தெய்வம் என்பதோர்,யுகபாரதியின் மேல் கணக்கு, நேர்மைபடும் பாடு, லோகோபைலட்டின் வாழ்க்கை, திருநெல்வேலி எழுச்சியும் வ உ.சியும், முத்துநிலவன் புத்தகம்,நெஞ்சறுப்பு, ஆங்கில புத்தகங்கள் உள்ளிட்ட பல்வேறு புத்தகங்களை அறிமுகம் செய்கிறார் ஒவ்வொரு அத்தியாத்திலும்.

கட்டுரை எழுதுவது சாதாரண காரியமன்று. அதிகம் வாசித்திருக்க வேண்டும். தகுந்த மேற்கோள் சொல்ல வேண்டும்.தன் சுய அனுபவத்தை எந்தவித மிகையுமல்லாமல் சொல்லும்போது ஒரு கட்டுரை என்று நினைவு கூரப்படும் பொக்கிஷ்மாக மிளிரும்.

முதுமுனைவர் இறையன்புவின் கலைடாஸ்காப்பும் அவ்வித பொக்கிஷமே

தொடர்ந்து வாசிப்போம்

தோழமையுடன் மணிகண்டபிரபு

கடந்த காலம் என்பது வருத்தப்படுவதற்காக அல்ல..கற்றுக் கொள்வதற்காக-படித்தது

அலப்பரை' . 'பறை' என்பது ஊரறியச் சொல்வது. 'அலர்' என்றால் மலர்ந்த பூ என்று பொருள். தமக்குள் மறைவாகப் பேசிக்கொள்வது பலரும் அறியப் பகிரப்பட்டால் அது 'அலர்' ஆகி விடும். அப்படி அனைவருக்கும் தகவலைப் போட்டு உடைப்பது 'அலர்ப்பறை' அதுவே 'அலப்பர' என்னும் மதுரைத் தமிழாகி 'அலப்பரை' என்கிற சென்னைத் தமிழானது-நா.முத்துநிலவன்

அகழ்வாரைத் தாங்கும்நிலமல்லஇதுபுகழ்வாரைத் தாங்கும்நிலம்-தங்கம் மூர்த்தி

ஆங்கிலத்தில் ஒழுங்கை discipline என்று சொல்லுகிறோம்.அதன் பொருள் கற்றுக்கொள்ளுதல்.அந்த வார்த்தையில் இருந்துdisciple என்ற வார்த்தை வந்தது. அது ஆங்கிலத்தில் சீடனைக் குறிக்கும் சொல்.சீடன் என்பவன் கற்றுக் கொள்ளத் தயாராக இருப்பவன்-ஓஷோ

இரவு மணி பத்துக்கு மேல் ஆகிவிட்டதால் தெருவில் நடமாட்டம் இல்லை.நிலவு பால் போல் காய்ந்து கொண்டிருந்தது.உடற்பிணியும் மனப்பிணியும் உள்ளவர்களைத் தவிர மற்ற எல்லாரும் உறங்கியாகிவிட்டது..~நாடகத்தின் முடிவு கதையின் துவக்கத்தில்-அசோகமித்திரன்

book-58

Book-58

வெட்டுப்புலி’

- தமிழ்மகன் 

வருத்தப்படாத வாலிபர் சங்கத்தில் திடீர்னு ஒரு கொலை நடக்கும். அதன் பின்னணியில் இருக்கும் மர்மம் வெளிப்படுவது போல் திடீரென பார்த்த வெட்டுப்புலி தீப்பெட்டி அட்டையில், ஒருவர் சிறுத்தைப்புலியை எதிர்கொள்வது போன்ற படம் இடம்பெற்றிருக்கும்.

அது என் கொள்ளுத்தாத்தா என சொல்ல போதையில் உள்ள பிரபாஸூம் பெர்னாண்டஸூம் ஆச்சர்யப்பட்டு..அந்தப் படத்தில் இருக்கும் உண்மையான மனிதரைத் தேடி கிராமத்துக்கு செல்கின்றனர்.

ஒரு சிறிய சம்பவத்தின் வழியாகப் பெரிய வரலாற்றைச் சொல்லும் முயற்சி 

தமிழ்ச்செல்வன் தனது நண்பர்களுடன் அந்தப் படத்தின் பின்னணியைத் தேடிச் செல்கிறான். அந்தத் தேடல், ஒரு வீரனின் வாழ்க்கையை மட்டும் வெளிப்படுத்தாமல், ஒரு நூற்றாண்டு காலத் தமிழக சமூக, அரசியல், பண்பாட்டு மாற்றங்களுக்குள் வாசகனை அழைத்துச்செல்கிறது.

அங்கு உறவினர்கள சொல்லும் கதை 1930களில் பயணப்படுகிறது. நள்ளிரவில் ஆங்கிலேயரின் குதிரைகளை எடுத்துக்கொண்டு செல்லும் லட்சுமணன்.. விடியலில் வீட்டுக்கு வந்ததும் ஊர் முழுக்கச்செய்தி வாழை தோட்டத்தில் பெரிய நைனாவின் அருகில் செத்துப் போன சிறுத்தையுடன் பார்த்த மக்கள் வெட்டுப்புலி எனவே நைனாவை அழைக்கத்தொடங்கினர்.லட்சுமணன் எடுத்து வந்த குதிரை யை திருடியதாக ஆங்கிலேயர் லட்சுமணனை விசாரிக்க ஒரு கலகம் ஆரம்பிக்கிறது.

ஆங்கிலேயரின் தண்டனையின்றி சமாதானம் அடைந்து தந்தை தசரத ரெட்டி மகன் லட்சுமணனை வேறு ஊருக்கு அனுப்பி வைக்க அங்கு அவர் காதலில் விழுகிறார்.அந்த காதல் தோல்வியுற..மீண்டும் ஊர் திரும்பும்போது சாதிய எதிர்பாளராக மாறி ஊருக்கு முற்போக்கு எண்ணங்களை விதைக்கும் நாவல்அதன் பின் ஒவ்வொரு பத்து ஆண்டுகளாக கதை நகர்கிறது.

காலவெள்ளத்தில் நிகழ்காலத்தில்.லட்சுமணன் பேரன் அவர் சென்ற பாதையிலேயே சிறுத்தை சண்டை நடைபெற்ற ரங்காவரம் பகுதிக்குச் செல்கிறான். லட்சுமணன் பிறந்ததை தசரத ரெட்டி கொண்டாடுகிறார்.சுதந்திர போராட்ட காலக்கட்டம் என்பதால்.. அந்த போராட்டங்கள் விடுதலை முயற்சி போன்றவை சொல்லப்படுகிறது.  ஆறுமுக முதலி என்பவர் அந்த காலக்கட்டத்தில் சென்னையில் படம் எடுக்க வருகிறார்.தசரத ரெட்டியின் சகலைக்கு அண்ணனான சின்னா ரெட்டியை தோப்பில்.இருக்கச் சொல்லிவிட்டு போனபோதுதான் சிறுத்தை வரும் காட்சி சொல்லப்படுகிறது.அதன் பின் சின்னாரெட்டியின் பின்னணி போன்றவை சொல்லப்படுகிறது.

அந்த சிறுத்தை கொல்லப்பட்ட இடத்தில் நின்று அவர்களின் பேரன்களும் நண்பர்களும் உணர்ச்சி பொங்க பார்க்கின்றனர்.

அதன் பின் கதை தொடர்சியாக தமிழகத்தில் நடைபெற்ற இந்தி எதிரப்பு, திராவிட அரசயல் என வரலாற்றை பதிவு செய்கிறது. சிறுத்தையை கொன்றவர் கதையை மையமாக க்கொண்டு அப்போதிருந்து  தற்போது வரையிலான தமிழகத்தின் மாற்றங்களை பதிவு செய்கிறது.  சென்னை மற்றும் அதைச் சுற்றியுள்ள பகுதிகளின் மக்களின் வாழ்க்கை, பழக்கவழக்கங்கள், அரசியல் மாற்றங்கள், சமூக உறவுகள், ஆசைகள், ஏமாற்றங்கள் போன்றவை நாவலில் இடம் பெறுகின்றன. சென்னை, செங்கல்பட்டு பகுதிகளில் திராவிட இயக்க குடும்பங்களின் வரலாறு சொல்லப்படுகிறது.

சிறுத்தையை வெட்டிய குடும்பத்தினர் அடுத்தடுத்த தலைமுறையினர் அரசியலில் ஈடுபாடுடனும் ஆர்வத்துடன் இருப்பது சொல்லப்படுகிறது. அரசியலும் சிறுத்தையை போல அடக்கியாள வேண்டுமா என குறியீடு புலப்படுகிறது.

நான்லீனியர் முறையில் நாவல் சுவாரஸ்யமாக பயணிக்கிறது. தமிழக அரசியலில் திராவிட இயக்கங்களின் தாக்கம்,மிசா, சென்னையின் வரலாறு அண்ணாவின் அரசியல் வருகையும் எழுச்சியும், இந்தி எதிர்ப்பு,இலங்கை தமிழர் பிரச்சனை, அன்றைய காலகட்ட சினிமாக்கள் என்ன காலப்பயணம் பயனிக்கிறது.வரலாறும் புனைவும் இணைந்து பயணிக்கிறது.லட்சுமண ரெட்டி கதாபாத்திரம் நாவல் முழுதும் வரும் முக்கிய கதாபாத்திரம்.

1930 களில் துவங்கி 2009சமகாலம் வரை பயணிக்கிறது.அன்றைய அரசியல் காலகட்டங்களை, சினிமாவின் வரலாற்றையும் கூறுவதுடன் கால ஓட்டத்தில் இவ்விரண்டு மாற்றங்களையும் கூறுகிறது.சினிமாவில் சாதிக்க நினைத்த சிவகுருவும், அரசியலில் கோலோச்ச நினைத்த தியாகராசன் வீழ்ச்சியும் சொல்லியுள்ளார்.

*கண்டுகொள்ளாமல்.இருப்பதும் சும்மா இருப்பதும் வாழ்வின் ஒரு தரிசனம் போல

மனிதர்கள் ஏற்படுத்தும் தடயங்களை காலம் அரித்து நிர்மூலமாக்கும் அழகிய விளையாட்டை நினைத்துக் கொண்டேன் என முடிகிறது நாவல்

தொடர்ந்து வாசிப்போம்

தோழமையுடன் மணிகண்டபிரபு

56

கல்விக்கதைகள்

-ச தமிழ்ச்செல்வன்

‘கல்விக்கதைகள்’ கல்வியைப் பற்றிய வழக்கமான அறிவுரைகளைச் சொல்வதற்குப் பதிலாக, குழந்தைகள், பள்ளி, ஆசிரியர், வகுப்பறை, கல்விமுறை ஆகியவற்றை கதைகளின் வழியாகச் சிந்திக்க வைக்கும் ஒரு சிறப்பான சிறுகதைத் தொகுப்பு. 2023-ஆம் ஆண்டு எஸ்.ஆர்.வி. தமிழ்ப் பதிப்பகம் வெளியிட்ட இந்நூல் 311 பக்கங்களைக் கொண்டது.

ஒவ்வொரு கதையும் ஒரு திறப்புதான்.ஒவ்வொரு கதையும் அவ்வகையில் ஒரு சுரங்கம் தான். கல்வி குறித்த மாணவர் குறித்த பள்ளி வயது பாலியம் குறித்த 21 கதைகள் இத்தொகுப்பில் உள்ளன.

தமிழின் முக்கியமான படைப்பாளிகள் கல்வி மற்றும் குழந்தைகள் சார்ந்து எழுதிய கதைகள் இத்தொகுப்பில் இடம்பெற்றுள்ளன

‘கல்வி’ என்ற சொல்லைக் கேட்டவுடன் நமக்கு பள்ளி, ஆசிரியர், பாடப்புத்தகம், தேர்வு, மதிப்பெண் போன்றவைதான் முதலில் நினைவுக்கு வருகின்றன. ஆனால் கல்வி என்பது இவற்றைத் தாண்டி, ஒரு மனிதனைச் சிந்திக்கவும் கேள்வி கேட்கவும் சமூகத்தைப் புரிந்துகொள்ளவும் உருவாக்கும் ஒரு நீண்ட பயணம். இந்தப் பரந்த பார்வையை முன்வைக்கும் நூலாக ச. தமிழ்ச்செல்வன் தொகுத்த ‘கல்விக்கதைகள்’ அமைந்துள்ளது.

ஆரம்ப காலத்தில் படித்த நிகும்பலை கதை எனக்கு அப்போதே உந்துசக்தியாக இருந்தது. கல்லூரியில் பரிட்சைக்கு படிக்கும் மாணவர்களின் செயல்களும் தேர்வறைக்கு சென்று புறமுதுகிட்டு வரும் வீரர்களின் கதையை சுவாரஸ்யமாக சொல்லியிருப்பார். ஒரு அன்பளிப்பு குழந்தைகளின் வாழ்வில் எத்தகைய மாற்றமெல்லாம் தரும் என இக்கதை கூறுகிறது. அழகிரிசாமி எழுதிய இக்கதையை க்ளாசிக் என்றே சொல்லலாம். இன்றும் நான் குழந்தைகளுக்கு அன்பளிப்பு கொடுக்க காரணமாக இருந்தது இக்கதைதான்.

பள்ளிக்கூடமும் கல்வியும் இயற்கையாய் ஆடு மாடுகளை மேய்த்துக் கொண்டிரிந்த ராமசாமிக்கு எவ்வளவு அழுத்தத்தை கொடுத்தது என கி.ரா வின் ஜெயில் கதை உணர்த்துகிறது.

புதிதாய் வந்த எலிசபெத். டீச்சருக்கும்

மண்டை ஓட்டை கழட்டி பாடங்களை உள்ளே வைத்து மூடி விடுவதில் சாமர்த்தியசாலி.சீனியரான பத்மாவதி டீச்சருக்கும்.இடையில் நடக்கும் தொழில்முனை போட்டியில் யார் வென்றார் என்பதே எங்கள் டீச்சர் கதை.மற்றொரு கதையான கால்பந்து விளையாட்டில் கோப்பை வாங்க வைத்த ஏகாம்பரம் சார் அன்று மாணவர்களுக்கு கடவுள். திறமைகளை வெளிக் கொண்டு வந்த அவருக்கு ஒரு சோதனை வருகிறது அது என்பதுதான் நாடார் சார் கதை.

மரி என்ற பெண்ணுக்கு ஏன் டி.சி கொடுக்க கூடாது என பேச்சை ஆரம்பிக்கும் தலைமையாசிரியரிடம் அவள் பற்றிய விபரங்கள் தெரிந்து கொள்ளும்.ஆசிரியர் அவள் வீட்டுக்கு செல்கிறார். அவளின் அணுகுமுறையில் ஆசிரியரின் குணத்தினால மாற்றமடைவதுதான் மரி என்ற ஆட்டுக்குட்டியின் கதை.சுதந்திர தினம் வருவதை ஒட்டி பள்ளியும் மாணவர்களும் கலெக்டர் வருகைக்கு காத்திருக்கிறார்கள். அவர் வந்து சென்ற பின் முத்தையாவும் பள்ளியும் புது பொலிவு பெறுகிறார்கள்.

கணக்கில் எத்தனை பூஜ்யம் நான் சம்பாதித்திருக்கேன். பூஜ்யம் எனது நண்பர்கள்.என போகும் கதை.. கண்க்கு வாத்தியாருக்கும் மாணவனுக்கும்.நடக்கும்.கதை. பொதுவாக கணக்கு பலருக்கு வேப்பங்காய். அதை தேன் போல் மாற்றுவது ஆசிரியர் செயல்பாடுதான். அதுபோன்ற கதைதான் கிருஷ்ணன் நம்பி எழுதியிருப்பார்.

ஆசிரியருக்கு காசு கொடுக்க நினைக்கும் புவனுவின் குடும்ப சூழல் பயம் ஆகியவை இறுதியில் பனிபோல் விலகுகிறது ராசேந்திர சோழனின் கதையில்.இரு குழந்தைகளின் உலகத்தை சிலிர்ப்பு கதையில் காட்டியிருப்பார் தி.ஜா.

இன்பச் சுற்றுலா செல்வதற்கு தயாராய் இருந்த சோலை அதற்கு செல்லமுடியாத சூழல் அமைகிறது. அது அவனை மட்டும் பாதிக்கவில்லை படிக்கும் நம்மை உலுக்கிறது. அவன் தந்தையைப் போல தேற்றுவதற்கு நமக்கு வார்த்தைகளின்றி தவிக்கிறோம்.இன்பச்சுற்றுலா என்றவுடன் வண்ணதாசன் எழுதிய குற்றால அருவி கதையும் நினைவுக்கு வருகிறது.

இமையத்தின் அரசாங்க பள்ளிக்கூடம் கதை ஒரு மேல்நிலைப்பள்ளி தலைமயாசிரின் பணிகளை சொல்கிறது. பணிகள் என்றால் கோப்புகளை கவனிப்பதோ, வகுப்பறை மேற்பார்வையோ அல்ல. மாணவர் பிரச்சினை தீர்ப்பது, புள்ளி விபரங்களை கொடுப்பது என கழிகிறது அந்த நேரத்தில் மாணவி ஷாலினியின் பிரச்சனையை  வகுப்பாசிரியர் தலைமை ஆசிரியரிடம் கொண்டு வருகிறார்.இப்பிரச்சினை என்ன என்பதை இயல்பான நடையில் யதார்த்த உண்மைகளை வெளிச்சமிட்டு காட்டுகிறார்.

சமகால நெருக்கடியையும் சமூகத்தின் முகத்தையும் சுட்டிக்காட்டுகிறது.

அ.வெண்ணிலா எழுதிய வெளியே கதை படிக்கும் போதே நெஞ்சம் கனக்கும். 90களில்.கழிவறை இல்லா காலங்களில். வீட்டிலும் பள்ளியிலும் கழிவறை இல்லாமல் காட்டிற்கு தான் செல்லவேண்டும். அப்படி செல்லும் சிறுமி யின் கதை தான். நாம் எப்படிப்பட்ட கஷ்டகாலத்தை கடந்து வந்திருக்கிறோம் என்பதை உணரமுடிந்தது.

இக்கதைகள் அனைத்தும் குழந்தைகளின் மன உலகையும், பள்ளிக்கூட அனுபவங்களையும் விவரிக்கிறது.இக்கதைகள் அனைத்தும் தனித்தன்மையானவை.

கல்வி என்பது தேர்வில் வெற்றி பெறுவதற்கான கருவி மட்டுமல்ல; அது மனிதனை மனிதனாக உருவாக்கும் செயல்முறை என்பதை இந்நூல் வலியுறுத்துகிறது. கிராமப்புற விளிம்பு நிலை மக்கள் கல்வியை அணுகும் விதம், கிராமிய சூழல், மனிதம், ஆசிரியர் மாணவர் உறவு ஆகியவை ஒவ்வொரு கதைகளின் அடி நாதமாக இருக்கிறது.இன்றைய பள்ளி மாணவ மாணவியர் இக்கதைகளை வாசித்தால் மனதில் பெரும் மாற்றம் வரும்.

தொடர்ந்து வாசிப்போம்

தோழமையுடன் மணிகண்டபிரபு

55

பாரதி ஒரு பார்வை

-வலம்புரி ஜான்

பாரதி- மின்னலை விழுங்கி, மின்சாரத்தைக் கொப்பளித்தவன்

ஆதிக்க வெள்ளத்தின் அடியில் கிடந்தாலும்-பாதிக்கப்படாத பாஸ்பரஸ் அவன்

வலம்புரி ஜான் பாரதி குறித்து எழுதிய வரிகள்

பாரதி குறித்து வரும் புத்தகங்கள் பாரதி குறித்த மதிப்பினை இன்னும் உயர்த்துவதாகும். அதிலும் இப்புத்தகம் இன்னும் ஒரு படி மேல். பாரதியை வெறுமனே சிலாகிக்காமல் தன் மொழித்திறத்தால் கற்பனை திறத்தால் அவன் தொட்ட உச்சத்தை படிக்கும் போது ஏன் அவரை சிலாகிக்க வேண்டும் எனும் உண்மையும் உரைத்துள்ளது.

சாதிக்கு எதிரான பார்வை பாரதியின் பாடலில் உள்ளது போல் அவரின் வாழ்விலும் அதை கடைபிடித்தாரா? எவ்வாறு என்பதை ஆய்வு செய்கிறது.

விடுதலை ஒன்றே குறிக்கோள்.எனும் நோக்கில் காந்தி திலகர் வரிசையில் பாரதியும் செயல்பட்டுள்ளார்.

பாரதியின் எழுத்துக்களில் உள்ள முரண்களை பற்றி பேசுகிறார். அச்சம்தவிர் எனில் ஏன் பாண்டிச்சேரியில் இருக்க வேண்டும், பெரிதினும் பெரிது கேள் எனில் ஏன் காணி நிலம் கேட்கிறார். எழுத்துக்கும் வாழ்க்கைக்கும் இடையில் இடைவெளி கூடாது என விவரித்து ஏன் என்பதற்கு சரியான காரணத்தையும் அடுக்குகிறார். பாரதியின் தீர்க்கதரிசன நினைவு எவ்வளவு நுட்பமானது என்பதை உணரவைக்கிறார் வலம்புரியார்.

பெண்களை எத்தனையோ கவிஞர்கள் புகழ்ந்துள்ளனர். தள்ளியும் உள்ளனர். பாரதி மட்டுமே பெண் விடுதலை குறித்தும் பெண் அடிமைப்பட்டுள்ளார் எனும் நெருப்பு விதைகளை ஊன்றியன். சிந்தித்தவன்.

'பெண்டாட்டி தனியடிமைப் படுத்த வேண்டிப்

பெண்குலத்தை முழுதடிமைப் படுத்தலாமோ?

எனும் வரியில் பெண்டாட்டி அடிமையாக நினைக்கலாம் அவன் பிள்ளை மனைவி மகள்,மருமகள் என அத்தனி பேரும் அடிமைப்படுத்த பட்டிருப்பதாக தெரிவிக்கிறார். சந்திரிக்கையின் கதையில் விதவையின் மறுமணம் பற்றி எழுதுகிறார்.

எங்கிருந்து பார்த்தாலும் வானம் ஒன்றுதான் என்பது வைரமுத்து அடிக்கடி பயன்படுத்தும் வார்த்தை. வல்ம்புரியாரும் எல்லா சமயங்களும் அன்பை போதிப்பதாக ஒரு கட்டுரைக்கு இத்தலைப்பில் தான் கருத்து சொல்லியிருப்பார். உண்மையைத் தேட முயற்சிக்கிறவன் எங்கிருந்தும் தேடட்டும்.இந்தப்வழி ஒன்றே சரியானது என்கிற முரட்டுத்தனமான மூடத்தனத்திலிருந்து மாத்திரம் தன்னை விடுவித்துக் கொண்டால் போதுமானது இல்லையெனில் மண்டைக்காடுகளே உலகமெஙகிலும் தொடர்கதைகளாகும்.

இன்றில்லாமல் போகலாம் நாளை மறுநாள்.. என்றாவது ஒரு நாள்..இந்த என்றாவது ஒரு நாள் இருக்கிறதே அதுதான் வாழ்க்கை என்கிறார். இப்படித்தான் பாரதி ஆடுவோமே பாடலை எழுதுகிறார்.'பொழுது புலர்ந்தது யாம் செய்த தவத்தால்.. என நம்பிக்கையூட்டியவர்.கடுகளவு விசுவாசம் உனக்கு இருந்தால், இந்த மலையை நோக்கி, நீ நகர்ந்து சென்று கடலிலேவிழு என்றால் விழுந்துவிடும் என்பதாக நம்பிக்கை ஊட்டும் கருத்துகளை பல்வேறு இடங்களில் மேற்கோளாக கூறுகிறார்.

கவிதை என்பது ஒரு Impulsive rebellion against the already existed scheme of ideas

என கவிதை உருவாக காரணம் என்ன என அலசுகிறார்.தன்னில் முரண்படுபவன் எழுதுகிறான்.சமாதானத்துடன் இருப்பவர் சத்தமில்லாமல் இருக்கிறார்.தண்ணீர் விடாத செடியில் முதலாக பட்டுப்போவது தளிர்தான் அந்த தளிரே கவிஞன். புதுக்கவிதை என்பது வசந்தத்தின் வரவு.வரலாற்றின் விளைச்சல். காலத்தின் கட்டாயம். என நவீன கவிதை குறித்தும் பாரதியின் கவிதை குறித்தும் பாரதிக்கு பின்னால் வந்த கவிஞர்களின் கவிதை குறித்தும் பேசியுள்ளார்.

கரும்புத் தோட்டத்திலே உழைத்து உழைத்து ஓடாகிப் போகிற பாரத மாதர்களுக்காக அவன் அழுகிறான். அதைச் சொல்லுகிறபோது, 'விம்மி விம்மி விம்மி விம்மி அழும் குரல் கேள் காற்றே' என்று நான்கு தடவை சொல்லுகிறான். குசேல பாக்யானத்தில் வரும் குசேலரை அழைப்பான் கண்ணன். 'வம்மின் வம்மின் வம்மின்' என்று அழைப்பான். நான்காவது முறை அவர் அப்படிச் சொல்லமாட்டார். காரணம் தமிழ் அப்படிச் சொல்ல விடவில்லையாம். மூன்று முறை அழைத்ததும் கேட்டதால் வந்தார். அவல் தந்தார்; ஆவலை நிறைவேற்றிக் கொண்டார். குசேலர் பிழைத்தார்.ஆனால் பாரதி நான்கு முறை சொல்லுகிற ஆறுதல் பிறக்காத என தேறுதல் குறித்து. பாரதியின் எழுத்தை நுட்பமாக ஆராய்கிறார்.

வந்தே மாதரம் என்பது இந்திச் சொல் அல்ல வங்க சொல்..அதன் அர்த்தம்.மாநிலத்தாயை வணஙகுவது. Textம்  notes ம் போடுகிற வழக்கத்தை ஆரம்ப்பித்தது பாரதியே.

வயிற்றுக்கு சோறிட வேண்டும் என்கிறான். சாப்பிட்டேன் என்று எப்போது சொல்வோம்.வயிறு ஆரச் சாப்பிட்டால் தானே.வருந்துகின்ற பசி ஆறச் சோறிட வேண்டும் என பொறுமையாக புரிந்து கொண்டால் அர்த்தம் புதிது.

ஒளவையின் பாடலையும்.மேற்கோள் சொல்கிறார் ஓதாமல் ஒருநாளும் என் வரும். படிக்காமல், வாசிக்காமல் என இருந்திருக்கலாம்.“எந்த நாளும் கல்வி கற்காமல் இருக்கக் கூடாது. கற்காமல் என்பது நாம் புதிதாக ஒன்றை கற்றுக் கொள்ள வேண்டும். வெறுமனே வாசித்தால்.மட்டும் போதாது எனும் பொருளும் உண்டு

அன்றாடம் படி புதிதாக உரக்க படி என்கிறார்.

பாரதி திலகர் பிரிவை சார்ந்தவராய் இருந்தாலும் காந்தியை பழித்தவர் அல்ல.அடிமைத்தனம் போக்கப்பட வேண்டும் என்பதில் ஆசை கொண்டவர்.அதனால் தான் அவர் பாடாதது தாலாட்டுப்பாடல் மட்டுமே.

விடுதலை தாகத்தை அனைவருக்கும் தம் எழுத்தின் மூலம் பறைசாற்றியவர்.அதோடு தமிழ் மக்கள்.அறிந்து கொள்ள வேண்டிய முற்போக்கு விசயங்களை தம் எழுத்தில் வடித்தார்.இது போன்ற ஆய்வுக்கட்டுரைகளை எழுதுவதற்கு பாரதியை முழுமையாக படித்தால் மட்டும் போதாது அதே சிந்தனையில் இருக்கும் மற்ற இலக்கியங்களையும் அறிந்து தக்க இடத்தில் மேற்கோள் காட்ட வேண்டும். சங்க இலக்கியம், உலக இலக்கியம், பைபிள்,  சிவ புராணம், ஆழ்வார் பாசுரம் என அனைத்தும் தக்க இடத்தில் தந்து அனைத்து கட்டுரைகளையும் திறன்பட திறனாய்வு செய்துள்ளார் வலம்புரி ஜான்

தொடர்ந்து வாசிப்போம்

தோழமையுடன் மணிகண்டபிரபு