குட்டி யானையில் சாமான்களை
ஏற்றிக்கொண்டிருக்கிறேன்.
பெரிய யானையாய் இருக்கிறது
சொந்தவீட்டுக்கனவு..!
-நிலாகண்ணன்
Wednesday 29 December 2021
பத்தாம் பசலி
‘பத்தாம் பசலி’ என்பதற்கு என்ன அர்த்தம்?
‘பசலி’ எ ன்ப து உருது சொ ல். வி ளை நி லம் குறித்த ஆண்டுக் கணக்கு. வருவாய்த் துறையால் பின்பற்றப்படுவது. அதாவது, விளைநிலம் குறித்த அரசு கணக்குகளில் பயன்படுத்தப்படும் நில வருவாய் ஆண்டு. ஆடி மாதம் ஒன்றாம் தேதி தொடங்கியது.
ஆங்கிலேயர் ஆட்சிக் காலத்தில் ஜூலை முதல் ஜூன் வரையிலான காலம் என இது வரையறுக்கப்பட்டது. ஆங்கிலத்தில் பத்து வருடங்களை ‘DECADE’ என்கிறார்கள் அல்லவா? அது போல பத்து ஆண்டுகளை குறிப்பதற்கு ‘பசலி கணக்கு’ என்று பெயர்.
ஆனால், காலத்துக்கு ஏற்ற புதிய கருத்துகளை ஏற்றுக்கொள்ளாமல் பழைய சம்பிரதாயங்களைக் கைவிடாத பழம்போக்கு; பழமைவாதம் இருக்கிறதே! அப்படி தற்காலத்து விஷயங்களைப் புரிந்துகொள்ளாமல் பல ஆண்டுகளுக்கு முந்தைய விஷயங்களை மட்டுமே பிரதானமாக பேசுகிறவர்களுக்கு நடைமுறையில் நம்மால் கொடுக்கப்படும் பட்டம்தான் ‘பத்தாம் பசலி’!
-படித்தது
ஆலிவர் வெண்டல் ஹோம்ஸ்
நம்பிக்கை என்பது எப்போதும் ‘பெரிய’ ஒன்றின் பொருட்டு பல சிறிய விஷயங்களை நம்ப மறுப்பதேயாகும்.
-ஆலிவர் வெண்டல் ஹோம்ஸ்
ஞானக்கூத்தன்
தலைவர்களேங்!
தமிழ்ப் பெருமக்களேங்!
வணக்கொம்!
தொண்ணூறாம் வாட்டாத்தில்
பாசும் வாய்ப்பந்த்தந்தமைக்கு
மகிழ்கின்றேன்!
இன்றாய்த் தினம் கண்ணீரில்
பசித்தொய்ரில் மாக்களெல்லாம் காலங்கும் காட்சியினைக் காண்கின்றோம் நாம்.வண்ணாரப் பேட்ட கிள
சார்பில மால
-ஞானக்கூத்தன்
Saturday 25 December 2021
கல்யாண்ஜி
தானாக
அந்தத் தண்ணீர்க் குவளை சரிந்து
தரையில் பெருகியது நீர்.
நானாக மீண்டும் ஒரு
குவளையைச் சரித்தேன்.
சரிந்த பிறகு அழகாய்ப் பெருக
நீராய் இருக்க வேண்டும்
அதுவும் தரையில்
-கல்யாண்ஜி
Friday 24 December 2021
இவோ ஆண்ட்ரிச்
எது காயப்படுத்தவில்லையோ, அது வாழ்க்கை அல்ல.
எது கடந்துபோகவில்லையோ, அது மகிழ்ச்சியல்ல.
- இவோ ஆண்ட்ரிச்
இறையன்பு
வெற்றி என்பது விமானப் பயணமல்ல;அது கால் கடுக்கும் நடைப்பயணம்.ஏறியவுடன் நினைத்த இடத்தில் இறங்கிவிடும் மாயக் கம்பளமல்ல தலைமைப் பொறுப்பு.அது கையளவு கடந்தால் முழமளவு சறுக்கும் முன்னேற்றப் பாதை.
-இறையன்பு
Thursday 23 December 2021
Monday 20 December 2021
ஹராரி
ஒரு கிராமத்தின் அளவுக்கு சுருங்கிப் போயுள்ள சர்வதேச உலகம் நம்முடைய தனிப்பட்ட நடத்தையின் மீதும் ஒழுக்கத்தின் மீதும் அதிக அளவு அழுத்தத்தை ஏற்படுத்தியுள்ளது.
ஒரு புறம் நம்முடைய ஒவ்வொரு அசைவையும் மட்டுப்படுத்துகின்றன.மறுபுறம்
சின்னஞ்சிறு அசைவை கூட அடுத்தவர்க்கு தெரிவிக்கின்றன
-ஹராரி
ஓஷோ
வாழ்வதன் மூலம் அறிவு வளர்ந்தால் அது விவேகம். வாழ்வதன் மூலம் உன் இருப்பு வளர்ந்தால் அது புரிதல். வாழாமலேயே நீ சேர்த்து வைப்பது அதிகமானால் அது அறிவு
-ஓஷோ
Sunday 19 December 2021
கல்யாண்ஜி
கல்யாணப் பந்தியில்
தலைவாழை இலை அருகே
தண்ணீர் பாட்டில்.
காணாமல் போய்க் கொண்டிருக்கிறது
கல் உப்பும்
கங்கை கொண்டான் நதியும்
-கல்யாண்ஜி
Thursday 16 December 2021
ஓஷோ
பணிவைக் குறிக்கும் Humble எனும் சொல் humus எனும் வார்த்தையிலிருந்து வருவது. humus என்றால் மண்.எந்தப் பகட்டும் இல்லாதது.அந்த வார்த்தையே human,humanity க்கு வேர்ச்சொல்.
பணிவுள்ளவனாகும் போதே மனிதனாகிறாய்.
பகட்டற்றவனாகிறாய்.
-ஓஷோ
லின்யுடங்
தேநீரில்
இயல்பிலேயே
ஏதோ ஒன்று இருக்கிறது
அது -
அமைதியாகச் சிந்திக்கும் உலகத்துக்கு
வாழ்க்கையை அழைத்துச் செல்கிறது.
-லின்யுடங்
இறையன்பு
பேச்சு தங்கத்தைப் போன்றது. அதை அதிகம் பயன்படுத்தும் போது மங்கித் தகரமாகி விடுகிறது
-இறையன்பு
Monday 13 December 2021
ஆபிரகாம் லிங்கன்
சின்னச் சின்ன மாற்றங்கள் செய்யுங்கள்! முதலில் சின்ன சின்ன தவறுகளை சரி செய்யுங்கள்! Compound effect படி நீங்கள் தினமும் செய்யும் சின்ன சின்ன மாற்றம், காலப்போக்கில் ஒரு பெரிய மாற்றம் ஏற்படும் வழி செய்யும்!
-ஆபிரகாம் லிங்கன்
புத்தர்
எவையெல்லாம் உன்னுடையது இல்லையோ, அவற்றையெல்லாம் உன்னிடமிருந்து விடுதலை செய். நீ கொடுக்கின்ற விடுதலை தான் வரப்போகிற காலத்தில் உனது மகிழ்ச்சிக்கான பாதை.
புத்தர்
Sunday 12 December 2021
பாஷோ
எழுதும் போது உனக்கும் உன் கருப்பொருளுக்கும் ஒரு மயிரிழை கூட இடைவெளி இருக்க கூடாது.உள்மனதை நேரடியாகப் பேசு.. எண்ணங்களை கலைய விடாமல் நேராகச் சொல்
-பாஷோ
Wednesday 8 December 2021
தங்கம் மூர்த்தி
கதிரவன் அழகு
நாம் அதனருகே செல்லாதவரை.
மின்னல் அதனினும் அழகு
அது நம்மருகே வராத வரை’
–தங்கம் மூர்த்தி
படித்தது
குளிரில் நடுங்கிக்கொண்டிருக்கிறாயா
தேநீர் உன்னைச் சூடாக்கும்
வெப்பத்தில் தகித்துக்கொண்டிருக்கிறாயா தேநீர் உன்னைக் குளிரச்செய்யும்
பெருங்குழப்பத்தில் இருக்கிறாயா
தேநீர் உன்னை ஆற்றுப்படுத்தும்
படபடப்பாக இருக்கிறாயா
தேநீர்
உனக்குள் அமைதியைப் பாய்ச்சும்.
-படித்தது
Monday 6 December 2021
ஆண்டன் பெனி
மகனுக்கும் எனக்குமான
சதுரங்க விளையாட்டு
இப்படியாக துவங்குகிறது.
அவன் சதுரங்கத்திலும்
நான் அவனிலும் கவனித்திருக்க
ஒருபோதும் தோற்றதில்லை இருவரும்.
-ஆண்டன் பெனி
Saturday 4 December 2021
மார்க் கியூபன்
இந்த யுகத்தில் அறிவு, மற்றும் தகவல் எல்லார்க்கும் சமமாக தான் படைக்கப்பட்டுள்ளது. ஆனால் நாம் அதை தேர்ந்தெடுக்கிறோமா என்றால்? அது தான் இல்லை.
-மார்க் கியூபன்
Wednesday 1 December 2021
இறையன்பு
இலக்கு,நோக்கம் என இரு விஷயங்கள் உள்ளன. 'மருத்துவர் ஆவேன்' என்பது இலக்கு,எளியவர்க்காக பணியாற்றுவேன் என்பது நோக்கம்.
எல்லோரும் இலக்கை நோக்கி பயணிக்கிறார்கள்.ஆனால் யாரெல்லாம் நோக்கத்தை நோக்கி பயணிக்கிறாரோ, அவர்களே இலக்கை நோக்கங்களுக்காக பயன்படுத்திக் கொள்கிறார்கள்
-இறையன்பு
ராமச்சந்திர குஹா
மனிதர்கள் தங்களுக்கு ஏற்பட்டுள்ள பெரும்பசிக்கு இயற்கையை இரையாக்கிக் கொண்டிருக்கிறார்கள்
-ராமச்சந்திர குஹா
Wednesday 24 November 2021
பழமொழி
பிறந்தால் நாயாகப் பிற!
இளையவனாக மட்டும் பிறக்காதே!
கழுதையாகப் பிற!'ஆனால்,
மூத்தவனாக மட்டும் பிறக்காதே
-பழமொழி
மால்கம் எக்ஸ்
உனக்கென்று ஒரு தனித்தன்மையை உருவாக்கிக்கொள். மற்றவர்களிடம் இருந்து சிறிய அளவிலாவது மாறுபடு.நீ செய்யும் ஒவ்வொரு காரியமும் மற்றவர்களை ஆச்சரியப்பட வைக்கவேண்டும். அதிர்ச்சியில் வாயடைக்கப்படவேண்டும். மற்றவர்கள் செய்யாமல் விட்டது எது என்பதை கண்டறிந்து செய்துவிடவேண்டும்.
மால்கம் எக்ஸ்
Saturday 20 November 2021
தங்கம் மூர்த்தி
தேர்வுகளின் கடைசிநாள் கொண்டாட்டத்தில் சட்டைகளில் இங்க் அடித்துக் கொண்டிருந்தவர்கள் இப்போது சந்துகளில்
பீர் அடித்துக் கொண்டிருக்கிறார்கள்.
-தங்கம் மூர்த்தி
Friday 19 November 2021
வெங்கட் தாயுமானவன்
வாழ்வின் தூற்றலில்
காற்றின் திசையில் பயணித்த
உமியாக நான்..
மூட்டைக்குள் அடைபட்ட
நெல்லாக நீ !!
-வெங்கட் தாயுமானவன்
Thursday 18 November 2021
ஜென்
நீ நல்ல நல்ல புத்தகங்களை வாசிப்பேயானால், ஒவ்வொரு கடைசி பக்கங்களிலும் கரைக்கு வந்து விட்டோமே என்ற ஏமாற்றம் இருக்கும்.
-ஜென்
இளங்கோ கிருஷ்ணன்
உதிர்ந்த இலையில்
தன் மரணத்தை
பார்த்துக்கொண்டிருக்கிறது
மரம்
குனிந்து
அந்த மரத்தைப்
பார்த்துக்கொண்டிருக்கிறது
வானம்
-இளங்கோ கிருஷ்ணன்
பேயோன்
மழைக்குப் பிந்தைய வெயில்
உக்கிரமாக இருக்கிறது
விட்ட இடத்திலிருந்து தொடர்வது போல
விட்டதைப் பிடிக்க முயல்வது போல
மறந்துவிடாதே என்று எச்சரிப்பது போல.
-பேயோன்
Tuesday 16 November 2021
பெருந்தேவி
அறியாமையின் பெருவெளி
சிறகடிக்கத் தூண்டியது.
அவநம்பிக்கையின் ஒரு கல்
பறத்தலை ஊர்தலாக்கியது
-பெருந்தேவி
Friday 12 November 2021
பியொதர் தஸ்தயேவ்ஸ்கி
ஒரு மனிதனின் வீழ்ச்சியையும் , அவன் படுகிற அவமானத்தையும் கண்டு மகிழ்வுற எப்போதுமே மனிதர்கள் ஆசை கொள்கிறார்கள்
-பியொதர் தஸ்தயேவ்ஸ்கி
Thursday 11 November 2021
யுகபாரதி
போகும்போது
கூப்பிடக் கூடாதென்று
தயங்கி நிற்கிறாய்
கூப்பிட நினைத்து
மூச்சிரைக்க
ஓடி வருவாயோவெனத்
திரும்பிப் பார்க்கிறது
என் காதல்
-யுகபாரதி
கார்ல் மார்க்ஸ்
ஒரு மாமனிதனுடைய தனிப்பட்ட குணங்களால் வரலாறு கட்டமைக்கப்படுகிறது என்பதற்காக மாமனிதன் என்று அழைக்கப்படுவதில்லை. அவனுடைய குணங்கள் அன்றையச் சமூகத் தேவைகளுக்குப் பாடுபட அவனுக்கு உதவிசெய்கின்றன என்பதற்காகவே அவ்வாறு அழைக்கப்படுகிறான்.
-கார்ல் மார்க்ஸ்
ஜார்ஜ் சந்தாயனா
எந்த சமூகம் சரித்திரத்தின் இறந்தகால அட்டூழியங்களையும்,அதன் காரணங்களையும் மறந்து விடுகிறதோ,அது எதிர்காலத்தில் மீண்டும் அதே இறந்த காலத்தை எதிர் கொள்ள நேரிடும்
-ஜார்ஜ் சந்தாயனா
Monday 8 November 2021
யுகபாரதி
நின்று பார்ப்பதற்குள்
கடந்துவிடுகிறது காலம்
நீ கடந்து போவதற்குள்
நின்றுவிடக்கூடாதா
இந்தக் கடிகாரம்
-யுகபாரதி
Sunday 7 November 2021
மெடிக்கல்
மெடிக்கல் தொழில்- லாபமா, நஷ்டமா?
ஒரு மெடிக்கல் கடை முதலாளி மதிய உணவு அருந்துவதற்காக வீட்டுக்கு கிளம்பினார். அப்பொழுது அவருடைய பத்து வயது பையனை கடையில் உட்கார வைத்துவிட்டு மருந்து ,மாத்திரை எல்லாவற்றிலும் விலைகள் இருக்கிறது. அவற்றை பார்த்து யாரும் கேட்டார்கள் என்றால் விற்று காசு வாங்கி வைத்து இரு, என்று சொல்லிவிட்டு சென்று விட்டார்.
சுமார் இரண்டு மணி நேரம் கழித்து திரும்பி வரும்போது பையன் சந்தோசமாக ஒரு மருந்து பாட்டிலை விற்றேன், 18 ரூபாய்க்கு என்று எழுதி வைத்திருந்தான்.
உடனே கடைக்காரர் கோபத்தில் அவனை அடித்து விட்டார் .அடப்பாவி ,எண்பத்தி ஒரு ரூபாய் மருந்து ,தலை கீழாக பார்த்து 18 ரூபாய்க்கு விற்றிருக்கிறாய் என்றவுடன் பையன் அழ ஆரம்பித்துவிட்டான்.
5 நிமிடம் கழித்து அவனை ஆறுதல் படுத்தினார். சரி, சரி விடு .அதிலும் பத்து ரூபாய் லாபம் இருக்கிறது என்று தட்டிக் கொடுத்தார் .பையன் சமாதானமானன்.
சார் என்ன கேட்டிங்க?
-படித்தது
Saturday 6 November 2021
கல்யாண்ஜி
கைப்பிள்ளையுடன் பேசிக்கொண்டே
கோலம் போடுகிறாள் அந்தப்பெண்.
நிபந்தனையற்ற அன்பில்
நேர்த்தியாகிக் கொண்டிருக்கிறது வாசல்.
குற்றம் பார்க்கின்
சுற்றம் இல்லை.
கோலம் பார்க்கின்
துக்கம் இல்லை
-கல்யாண்ஜி
Monday 1 November 2021
பஹ்லுல்
உடல் அடிபடுவதை விட அதிக உபாதை கொடுக்கக் கூடியது பெயர் அடிபடுவது.உடலின் வலியை விட அதிக இம்சை தருவது மனத்தின் அடி
-பஹ்லுல்
Friday 29 October 2021
Harry Potter
நம்முடைய திறமைகள், நாம் யார் என்று உலகுக்கு காட்டுவதில்லை. நம்முடைய தேர்வுகள் தான் நாம் யார் என்பதை காட்டுகிறது. நீங்கள் எதை தேர்ந்தெடுக்கிறீர்கள் என்பதில் அதிக கவனம் தேவை!
- Harry Potter
சிக்மண்ட் ப்ராய்டு
நீங்கள் ஆயிரம் விஷயங்களை பார்த்தாலும் உங்களுக்கு என்ன தேவையோ அதை மட்டும் தான் உங்கள் மூளை உண்மையில் பார்க்கும்! அந்த விஷயங்களை மட்டும்தான் உங்கள் மூளை பதிவு செய்யும்! வேண்டாத விஷயம் உங்களுக்கு பிடிக்காத விஷயங்கள் உங்கள் காதுகளில் விழாது!
-சிக்மண்ட் ப்ராய்டு
Wednesday 27 October 2021
கார் Air bag க்கு காற்று எங்கிருந்து வருகிறது ?
கார் Air bag க்கு காற்று எங்கிருந்து வருகிறது ? "
காரில் விபத்து நேரத்தில் air bag திறந்து புஸ்ஸ்ஸ் என ஊதி மனிதர்களை காப்பாற்றுவதை பார்க்கிறோம். சரி என்னைக்காவது இதை யோசித்து இருக்கிறோமா ..? மடித்து வைக்க பட்ட air bag பையிக்குள் வினாடி நேரத்தில்.. (உண்மையில் வினாடிக்கும் குறைவான நேரத்தில் ) திடீரென காற்று எங்கிருந்து வருகிறது ? வாங்க பார்க்கலாம்.
முதலில் ஒன்றை தெரிந்து கொள்ளுங்கள் air bag குள் நிரம்பி இருப்பது காற்று அல்ல அது நைட்ரஜன் வாயு. அது எப்படி எங்கே இருந்து வருகிறது என பார்த்தால்......
காரின் முன் பக்கம் ஒரு சென்சார் வைக்க பட்டு இருக்கும் அதன் பெயர் crash sensor கார் 16 இல் இருந்து 24 கிமி வேகத்தில் போய் கொண்டு இருக்கும் போது திடீரென வேகம் முற்றிலும் தடை பட்டால் அந்த deceleration ஐ அது விபத்து என புரிந்து கொள்கிறது உடனே அதில் உள்ள சிறப்பு மெக்கானிக்கல் அமைப்பு ஒன்று இயங்கி 12 v மின்சாரத்தை inflator system என்ற ஒரு அமைப்பிற்கு அனுப்பி வைக்கிறது.அந்த inflator system க்குள் ஏற்கனவே sodium azide (NaN3) மற்றும் potassium nitrate (KNO3) வைக்க பட்டு இருக்கும். அனுப்பி வைக்க பட்ட 12 v மின்சாரம் அங்கே இக்னேட் பண்ண பட்டு சின்ன பற்ற வைப்பு ஒன்றை நிகழ்த்துகிறது. அதன் விளைவாக அங்கே வைக்க பட்ட sodiam azide மற்றும் potassium nitrate உடனடியாக வினை புரிந்து நைட்ரஜன் வாயுவை உண்டு பண்ணி நைலானால் செய்ய பட்ட bag இல் புஸ்ஸ்ஸ் என நிரம்புகிறது.
விபத்து நடந்து வினாடியில் 10 இல் 3 பங்கு நேரத்துக்குள் இவைகள் நடந்து முடிந்து விடுகின்றன. (இவைகளில் இக்னேட் பண்ண மின்காந்த வகை ஸ்விட்ச் மற்றும் மெக்கானிக்கல் வகை ஸ்விட்ச் மற்றும் பீஸோஎலக்ட்ரிக்கல் வகை ஸ்விட்ச் என பல வகையில் கிடைக்கிறது.)
ஒரு air bag ஒரு முறை மட்டுமே பயன் பட கூடியது அதன் பின் அதை மாற்றியாக வேண்டும்.
-படித்தது
கற்பதுவே பகிர்வதுவே-25*மணி
#ReadingMarathon_2021
RM314
26/100
பக்கங்கள் 138
காந்தி என்கிற காந்தப்புலம்
-முனைவர் அ.பிச்சை
இப்படி ஒரு மனிதர் சதையோடு ரத்தத்தோடும் வாழ்ந்தார் என்பதை வருங்கால மக்கள் நம்ப மறுப்பார்கள்
-காந்தி குறித்து ஐன்ஸ்டீன்
எப்போது பார்த்தாலும் சலிப்படையாதது கடல், விமானம்,ரயில், மழலையின் சிரிப்பு என சொல்லிக் கொண்டே போகலாம்.அதுபோல எப்போது படித்தாலும் ஆச்சர்யமான விஷயங்களை கற்றுக் கொள்வது காந்தியிடமிருந்து தான். தினமணியில் காந்திய அறிஞர் முனைவர் அ.பிச்சை சார் கட்டுரை எனில் முழுக்க படித்துவிட்டுத் தான் நகருவேன். காரணம் காந்தி எனும் ஆளுமையை முன்னிறுத்தும் பாங்கு.வெறுமனே புகழாமல் சம்பவங்களையும் தத்துவங்களையும் அடுக்கி அடுக்கி படிக்கிறவர்களை கருத்துக்களின் முழுமையை உள்வாங்கி புகழ வைப்பார்.இந்த புத்தகத்தில் உள்ள இருபது கட்டுரைகளிலும் ஏதேனும் தெரியாத செய்தி ஒன்றனையேனும் அதில் ஒளித்து வைத்திருப்பார். அறியாததை அறிந்து கொண்ட மகிழ்ச்சியை உள்ளூர ஏற்படுத்துவார்.
தென்னாப்பிரிக்காவில் துவங்கய ஒரு விதை பின்னர் எவ்வாறு விருச்சமானது என்பதை அங்கு நடைபெற்ற வரலாற்று நிகழ்வை பதிவு செய்துள்ளார்.சத்யாகிரகத்தை சோதனை அடிப்படையில் வெற்றி கண்டபின் இந்தியாவிலும் இதனைப் பயன்படுத்தினார்.
கோதுமையில் கல் பொறுக்கினால் சுதந்திரம் வந்துவிடுமா என இந்தியாவில் சத்யாகிரகம் செய்வதை ஐயுற்ற போதிலும் அவர் அதில் உறுதியாய் இருந்தார்.ஒரு இடத்தில் இலா காந்தி குறிப்பிடுகிறார்..இந்தியா சுதந்திரம் பெற்ற நாளில் மகாராஷ்டிரா வில் அகோலா நகரின் பள்ளியில் கொடி ஏற்றிய பெருமை மறவாது என்கிறார்.
காந்தியை புகைப்படம் எடுத்த புகைப்பட கலைஞர் சலீல் அரீப் காத்ரி எனும் ஜெர்மானியர்.அவரை புகைப்படம் எடுத்த தருணங்கள் அற்புதமானது என்றார்.வணிக நோக்கத்திற்கோ, போட்டோவுக்கோ போஸ் கொடுக்க மாட்டேன்.நீயே எடுத்துக் கொள் என்று 700க்கும் மேற்பட்ட புகைப்படங்களை எடுத்துள்ளார்.உப்பு சத்தியாகிரகத்தில் எடுத்த புகைப்படங்களில் உள்ள மக்கள் கூட்டம்தான் அவரை இன்னும் எழுச்சி பெற வைத்தது.மீண்டும் மீண்டும் போராடுவதற்கான உத்வேகம் தந்தது.
இதே போல் கனுகாந்தியும்.பல்வேறு புகைப்படங்களை எடுத்த போதிலும் காந்தி இறக்கும் தருவாயில் நவகாளியில் இருந்ததால் புகைப்படம் எடுக்கமுடியவில்லை. காந்தியை படம் எடுத்த கையால் யாரையும் எடுக்க மாட்டேன் என்பது கேள்விப்படாத செய்தி
கடந்த சிலநாட்களுக்கு முன் அரையாடை மனிதரான நிகழ்வு இருநூறு ஆண்டுகளை நிறைவு செய்த தமிழகத்தில் காந்தியின் வருகை.அன்று இரவு மதுரை மேலமாசி விதியில் 251ம் எண் உள்ள வீட்டில் என்ன நிகழ்ந்தது என்பதையும்,1947ல் அவரின் பிறந்த நாள் கொண்டாட்டத்தில் அவர் மனதுக்கு பிடித்த நிகழ்வு ஒன்று நிகழ்ந்ததையும் அறிந்து மகிழ்ச்சியடைந்தார்.மேலும் காந்தியின் நினைவை கொண்டாடும் வகையில் நினைவிடத்தையும், இத்தாலி ஸ்பக்னா சதுக்கத்தில் இருக்கும் காந்தி சிலை குறித்தும் விவரித்துள்ளார்.
காந்தியின் நோக்கமெல்லாம் தேச விடுதலையைக் காட்டிலும், சமூக மறுமலர்ச்சிக்கும், பொருளாதார வளர்ச்சிக்கும் முன்னுரிமை கொடுத்தார். வந்தேமாதரம் பாடல் வந்த கதையை நான்கு கட்டங்களாக சுவாரஸ்யமாக சொல்லியிருக்கிறார்.
காந்திக்கு மிகவும் பிடித்த பாடல் கவிஞர் நர்சிமேதா எழுதிய "வைஷ்ணவ ஜனதோ" பாடல் தான். அது ஏன் பிடிக்கும், அதன் பொருள் யாவையும் விளக்கியுள்ளார். காந்தி இந்துத்துவா கொள்கை உடையவரா அல்லது சர்வ மத நம்பிக்கை உடையவரா என்பதை புரியாத புதிரா மகாத்மா கட்டுரை விளக்குகிறார்.
சர்தார் வல்லபாய் படேல் காந்தியின் மீது கொண்ட அன்பின் நிகழ்ச்சியையும், மரணத்தை எதிர்கொண்டபோது அவரின் மனநிலையும்,சர்ச்சிலும் காந்தியும் சந்திக்கவில்லை ஏன் அப்படி என்பதை ஒரு இடத்தில் விளக்கியுள்ளார்.ஒவ்வொரு கட்டுரையிலும் அறியாத ஒரு செய்தியையாவது அறியும் வாய்பை கொடுத்த கட்டுரையாளருக்கு நன்றிகள். ஜெயகாந்தன் கூறியது போல ஒவ்வொரு ஊரிலும் ஒரு காந்தி இருப்பார்.காந்தியம் இந்த மண்ணில் விதை போலக் கலந்திருக்கிறது.எங்கெல்லாம் சிறு முயற்சியில் ஈரம் படிகிறதோ, அங்கெல்லாம் காந்தியம் முளைத்தெழும் என்பார்
என்றென்றும் நினைவுக் கூற வேண்டியவர் காந்தி
தொடர்ந்து வாசிப்போம்
தோழமையுடன் மணிகண்டபிரபு
கல்யாண்ஜி
இத்தனை காலம்
சவரக் கத்தியைத்
தீட்டி மகிழ்ந்தவன்
பசிக்கு பயந்து
மல்லிகைப் பூ விற்கையில்,
எனக்கு மட்டும்
தெரிகிறது.
கத்தித் துரு
ஒவ்வொரு பூவிலும்.
-கல்யாண்ஜி
Tuesday 26 October 2021
கற்பதுவே பகிர்வதுவே-24*மணி
கற்பதுவே பகிர்வதுவே-24
*மணி
#Reading_marathon_2021
RM314
25/100
Pages 788
#இன்றைய இந்தியா
-ரஜினி பாமிதத்
எந்த நொடியில் கலகம் தோன்றும் என்கிற அச்சம் தோன்றுகிறதோ-அது வெறும் கலகமாக இருக்காது, தேசிய இனமெங்கும் பரவியுள்ள உணர்ச்சிகளின் வெளிப்பாடாக இருக்கும்.அந்த நொடியே நம் சாம்ராஜ்ஜியத்தை காப்பாற்ற முடியும் என்ற நம்பிக்கையும் ஆசையும் ஒரு முடிவு கட்டாயம் இருப்பது போல் முடிவு பெறும்
-ஜெ ஆர்.ஸீலி(1883)
போட்டித் தேர்வுக்கு படிப்பவர்களும், வரலாற்று ஆய்வியல் மாணவர்களுக்கும் அடிக்கடி உச்சரிக்கும் பெயர் தான் ரஜினி பாமிதத்.பிபின் சந்திரா, டி.டி கோஸாம்பி,இர்ஃபான் ஹாபீப், ரொமிலா தர்பார்,ரமேஷ் சந்திர மஜூம்தார், ராமச்சந்திர குஹா,என பல்வேறு வரலாற்று ஆசிரியர்கள் நினைவிலிருப்பர்.சுதந்திரம் என்பது காந்தி தலைமையிலான போராட்டம் மட்டுமே சுதந்திரம் பெற்று தந்தது என எண்ணாமல் அசோக சக்கரத்தின் நான்காவது சிங்கம் போல நம் கண்ணுக்கு தெரியாத கவனிக்கப்படாத காரணிகளும் காரணமாக உள்ளன என்பதை இது போன்ற வரலாற்று நூல்களை படிக்கும் போது அறியலாம்.
#இன்றைய இந்தியா
1936-39ம் ஆண்டிலேயே இப்புத்தகத்தின் கைப்பிரதி எழுதப்பட்டு 1940ல் ஆங்கிலத்தில் இந்தியா டுடே என வெளியானது.முதல் உலகப்போரின் காலகட்டத்திலேயே 1919-22 வரை நடைபெற்ற போராட்டங்கள இந்தியாவை உலுக்கின.இரண்டாம் உலகப்போர் முடிவில் ஐநா நாடுகளின் உரிமையைப் பற்றி பேசியது.இப்போது போல் உலக வங்கி கடன் எல்லாம் அப்போது கிடையாது.அந்த நாட்டில் உற்பத்தியாகும் வளங்களை வைத்தே நிர்வாகம் செய்து வந்தனர். போருக்குப் பின் பிரிட்டிஷாரின் மார்க்கெட் நிலவரம் தள்ளாடியது. பெருகி வரும் மக்கள் தொகை வளர்ச்சிக்கு தடையாய் இருந்ததாக கூறபட்டது ஆனால் அதன் பின் உள்ள காரணிகள் பற்றி விரிவாய் ஆய்வில் சொல்லியுள்ளார்.
இந்தியாவின் செல்வம்..அதனை சுரண்டி இங்கிலாந்து வளமையானது எவ்வாறு,இந்தியாவின் கிராமப்புறத்தில் நிலவிய வறுமையும் அதற்கான காரணத்தையும் விளக்குகிறது. ஏகாதிபத்திய ஆக்கிரமிப்பில் இந்தியாவின் தொழில் சிதைவு எவ்வாறு நிகழ்ந்தது.. உதாரணத்துக்கு இந்தியாவின் பருத்தி,பட்டு ஆடைகள் இங்கிலாந்தின் ஆடைகளை காட்டிலும் லாபகரமாய் விற்கப்பட்டது.பல வரிகள் விதித்து இங்கிலாந்து தொழில்கள் இந்தியாவை பலியிட்டே உருவாக்கப்பட்டன.
இந்தியாவை தொழில் மயமாகுதலில் உள்ள பிரச்சனையும் காரணங்களும் எடுத்துரைக்கப்பட்டுள்ளது.தொழில் புரட்சியை நவீனபடுத்தாமல் விட்டது பின்னடவிற்கு காரணம்.இதற்கு அடுத்து முக்கியமான ஒன்று விவசாய பிரச்சனை. 1926ல் அமைக்கப்பட்ட ராயல் கமிஷன் 1928ல் 800 பக்க அறிக்கை அளித்தது. இன்றைய விவசாயிகளின் போராட்டத்தைப் போல அப்போதும் அரசு கண்டுகொள்ளாமல் விட்டது. விவசாயத்தை சார்ந்தோர் எண்ணிக்கை அதிகம் இருந்ததும், அப்போதைய காலகட்டத்தில் நில ஏகபோகம், அதில் மாற்றம் கொண்டு வந்தது, உழவர்களின் சுமையை அதிகப்படுத்தியது.இதனை சைமன் கமிஷன் அறிக்கையிலும் குறிப்பிடப்பட்டிருந்தது.
இதன் காரணமாய் விவசாயிகளின் மத்தியில் கொந்தளிப்பு ஏற்பட்டது. அது புரட்சியை நோக்கித் தள்ளியது. 1936ல் அனைத்திந்திய உழவர் மன்றம் உதயமானது.1938 மாநாட்டில் 5,50,000 உறுப்பினர்கள் கலந்து கொண்டனர்.போராட்டத்திலும் ஈடுபட்டனர்.ஒவ்வொரு ஆண்டும் இதன் வளர்ச்சி கூடியது. ஆந்திராவில் ஆயிரம் ஏக்கர் தரிசு நிலத்தை பயிர் நிலமாக்கியது, அணைக்கட்டு கட்டியது என அதிகம் பேசப்படாத புரட்சிகளை செய்துள்ளனர். 1945ல் 8,29,686 உறுப்பினர்கள் இருந்துள்ளனர். இப்படியாக பிரிட்டிசார் வெளியேறுவதற்கு விவசாயிகளும் போராட்டங்களும் முக்கிய பங்காற்றி உள்ளன.
இந்தியாவில் தேசிய இயக்கத்தின் தோற்றமும் வளர்ச்சியும் கூறுகிறது.தேசிய போராட்டத்தின் முதல் அலை 1905-1910 வரை உள்ள காலகட்டத்தில் கிளர்ச்சிக்கான ஆரம்ப புள்ளி வைக்கப்பட்டது. இரண்டாவது அலை 1919-1922 வரை. முதல் உலகப் போர், ரஷ்யப் புரட்சி, ஜாலியன் வாலாபாக் படுகொலை, கிலாபாத் இயக்கம், ஒத்துழையாமை இயக்கம், ஆகியவை ஏற்பட்டது. அஹிம்சையா வன்முறையா என்பது பிரச்சனையல்ல.. மக்கள் இயக்கத்திற்கு பகையான வர்க்க நலன் பற்றிய பிரச்சனையால் 1922 தேசிய கிளர்ச்சி சிதைந்ததாக தெரிவிக்கிறார்.
மூன்றாவது பேரலை 1930-35 வரை. காங்கிரசில் ஏற்பட்ட உட்கட்சி கருத்து வேறுபாட்டினால் சுயராஜ்ய கட்சி புதிய அலைகளை ஏற்படுத்தியது. உப்பு சத்தியாகிரகம் மக்கள் மத்தியில் தாக்கத்தை ஏற்படுத்தியது. இதன்பின் தொழிலாளர் இயக்க வளர்ச்சி, அதன் அமைப்புகள் உருவாக்கிய போராட்டங்கள்.. தொடர்ந்து இந்தியா முழுவதும் தொழிலாளர் இயக்க தலைவர்கள் டாங்கே,கோஷ் உள்ளிட்ட தொழிற்சங்கத் தலைவர்கள் கைது செய்யப்பட்டு மீரட் எனும் நகரில் வைத்து விசாரணை செய்யப்பட்டது. 1933ல் தண்டனைகளும் வழங்கப்பட்டன.
1939ல் அரசியல் கண்டன வேலை நிறுத்தம் செய்வதாய் அறிவித்து 90,000 தொழிலாளர்கள் முன்னேறி தாக்கவும் செய்தனர்.பல ஏகாதிபத்திய எதிர்ப்புக்கு முன்னோடி இதுதான் என்கின்றனர்.தொடர்ந்து 1940ல் 3,50,000 வேலை நிறுத்தம் செய்தனர்.காந்தியின் கொள்கையை ஏற்காதவர்கள் எனக்கூறி காங்கிரசிலிருந்து இவர்களை வெளியேற்றினர்.போர் நடைபெற்ற காரணத்தினால் நாட்டு மக்களின் நலனை கருத்தில் கொண்டு தொழிலாளர்கள் பின்வாங்கும் படி ஆகியது.
மன்னர்கள், சுதேச சமஸ்தானங்கள, வகுப்பு வாத பிரிவு, பிரிவினைவாதம், போன்றவை அரசுக்கு தலைவலியாய் அமைந்தன.1935ம் ஆண்டு அரசியல் திட்டமும், அதைத் தொடர்ந்து மாகாண ஆட்சியில் பங்கெடுத்தலும் இந்தியர்கள் அடுத்த நிலைக்குச் சென்றனர்.1945ல் இந்தியாவுக்கு வந்த தூதுக்குழு விபரங்களும் நடைபெற்ற சம்பவங்களும் சொல்லப்பட்டுள்ளன. எதிர்கால இந்தியா குறித்த சித்திரமும் சொல்லப்பட்டுள்ளது.
#ரசித்தது
*இந்தியாவைப் பற்றி மிக மலைப்பூட்டும் உண்மை அதன் மண் வளமுடையது மக்கள் ஏழைகள்.ஏழை நாடல்ல ஏழைகள் வாழும் நாடு.
*ரயில் பாதை அமைத்ததில் பிரிட்டிஷ் கடன் சுமை பெருகியது.ஒரு மைலுக்கு 16,000டாலர் வரை.1900 வரை 22.6 கோடி செலவிடப்பட்டது. லாபம் கிடைக்கவில்லை.
*1874-79 வரை இந்திய இறக்குமதி82%. அதுவே 1909-14 63% ஆக வீழ்ந்தது.
*காங்கிரஸ் வீழ்ச்சி நோக்கி தடுமாறிக் கொண்டிருக்கிறது.நான் இந்தியாவில் இருக்கும் போதே அது அமைதியாக மரணம் அடைவதற்கு உதவ வேண்டும் என்றார் கர்சன் பிரபு.
*நாம் நம் படகுகளை எரித்துவிட்டோம்.திரும்பி போக முடியாது.-நேரு காங்கிரஸ் மாநாட்டில்
இந்தியா என்றவுடன் காந்திய போராட்டம், வழக்கமான கருத்துகளை சொல்லி 1947க்கு வராமல், காந்தியும் காங்கிரஸ் மட்டுமே விடுதலைக்கு காரணமல்ல, அதற்கு முன்நடைபெற்ற சமூக பொருளாதார போராட்டங்களும், பல்வேறு தொழில் சங்க, விவசாயிகளின் போராட்டங்களும் காரணமாக இருக்கின்றன என்பது தெரிகிறது.பொருளாதாரச் சுமையும் ஆங்கிலேயர்கள் செல்ல காரணமாய் சொல்கிறது.இது போன்ற மறைக்கப்பட்ட வரலாறுகளை இப்புத்தகம் எடுத்துரைக்கிறது. சுதந்திரப் போராட்டத்தின் இன்னொரு பரிணாமத்தை அறிய முடிகிறது. சுதந்திர தினத்துக்கு உரையாற்றும் போது ஒத்துழையாமை,உப்பு சத்தியாகிரகம், வெள்ளையனே வெளியேறு இயக்கம் மட்டும் சொல்லாமல் விவசாயம், தொழில் துறை போராட்டம் குறித்தும் பேசுவோம்
தொடர்ந்து வாசிப்போம்
தோழமையுடன் மணிகண்டபிரபு
Sunday 24 October 2021
BABL
BABL என்றால் Bachelor of Arts & Bachelor of Laws. ஐந்தாண்டு சட்டப்படிப்பு. சட்டப்படிப்புடன் கலைப்படிப்பும்(arts subject) படிக்கலாம்.
LLB(Legum Baccalaureus) மூன்றாண்டு சட்டப்படிப்பு மட்டும். கலைப்படிப்பு சேர்ந்தது இல்லை
#info
காந்தி
உலகளாவிய அளவில் சிந்தியுங்கள்;ஊரளவில் உங்கள் செயல்பாட்டைத் தொடங்குங்கள்
(Think Globally;But act Locally)
-காந்தி
பிரான்சிஸ் கிருபா
தேநீர் நிறத்து மணலில்
யாருடையதெனத் தெரியாமல்
தன்னைத்தானே பிடித்துக்கொண்டு
நிற்கிறது குடை
தனிமைத் துயரம் நீட்டிய நிழலை
என்னிடம் நீட்டச் சரிகிறது சூரியன்
-பிரான்சிஸ் கிருபா
Saturday 23 October 2021
பிடிவாரண்ட்
பிடிவாரண்ட்
குற்றம் சாட்டப்பட்ட நபர், குறிப்பிட்ட நாளில் கோர்ட்டில் ஆஜர் ஆகவில்லை என்றால் அவரைக் கைது செய்ய நீதிபதி ‘பி.டி. வாரண்ட்’ பிறப்பிப்பார். இதற்கு ஆங்கிலத்தில் PRISONER’S TRANSIT WARRANT என்று பெயர்.
*முதலில் பிணையில் விடத்தக்க பிடியாணை (Bailable Warrant)அனுப்பப்படும்
நீதிமன்றத்திற்கு வராமல் டிமிக்கி கொடுத்தால் மட்டுமே பிணையில் விடமுடியாத பிடியாணை (Non-bailable Warrant).
#info
காந்தி
ஒவ்வொருவரும் மிக எளிமையாக வாழுங்கள்; அப்பொழுதுதான் மற்றவர்கள் வாழ்வது எளிதாக இருக்கும்.
-காந்தி
Thursday 21 October 2021
ஜெயமோகன்
ஓர் இடத்தை 'இனி இங்கே வரப்போவதில்லை' என்ற எண்ணத்துடன் கவனமாகக் கூர்ந்து பார்ப்பது மிகவும் முக்கியமானது.அந்த உணர்வு இருக்குமென்றால் நாம் ஒரு காட்சியைக் கூட தவறவிடமாட்டோம்
-பயணம் குறித்து ஜெயமோகன்
சுகபோதானந்தா
ஒரு விஷயத்தைத் திறந்த மனதோடு அணுகுபவர்களிடம், புரிந்துகொள்ள எத்தனிப்பவர்களிடம் விவாதம் செய்யலாம்.ஆனால் தன் கருத்தைத் தாண்டி வேறெதையும் ஏற்றுக் கொள்ளாதவர்களிடம் விவாதிப்பது நேர விரயம்
-சுகபோதானந்தா
Wednesday 20 October 2021
அருணகிரிநாதர்
உருவாய் அருவாய் உளதாய் இலதாய்
மருவாய் மலராய் மணியாய் ஒளியாய்
கருவாய் உயிராய் கதியாய் விதியாய்
குருவாய் வருவாய் அருள்வாய் குகனே
முருகா நீ என்னை ஆட்கொள்ள வரும்போது தாய்,தந்தை, சகோதரன்,உறவினராய் வருவதைக் காட்டிலும் குருவாக வந்து என்னை ஏற்றுக்கொள்
-அருணகிரிநாதர்
படித்தது
கணிதத்தில் அடைப்புக்குறி மூன்று வகைப்படும்
(Parantheses or round Brackets) - வட்ட அடைப்புக்குறி,
(Brackets or Square Brackets) - சதுர அடைப்புக்குறி,
(Braces or Curly Brackets) - சுருள் அடைப்புக்குறி.
( ) - வட்ட அடைப்புக்குறிக்கே முதலிடம், அவை எளிதாக வளைந்து கொடுக்கும் குழந்தையை போல
[ ] - சதுர அடைப்புக்குறிக்கு இரண்டாம் இடம், அவை திடமான வளைந்து கொடுக்காத நடுத்தர வயது மனிதனை போல
{ } - சுருள் அடைப்புக்குறிக்கு மூன்றாம் இடம், அவை கூன் விழுந்த நம் முப்பாட்டன் போல
இவை மூன்றும் பயன்படுத்தப்படும் போது அவை கூட்டு அடைப்புக்குறிகள் (Nested Parantheses) என்று அழைக்கப்படுகின்றன. – {[( )]}
-படித்தது
Monday 18 October 2021
.நாகராஜன்
மனித குணங்களை மனிதர்கள்
சிலாகித்துப் பேசுவதைவிட
கேலிக்கூத்து கிடையாது.
ஏனெனில், சிந்திக்கும் நாய்கள் நாய் குணங்களையே
உயர்வாகக் கருதுகின்றன.
-ஜி.நாகராஜன்
படித்தது
சுயமரியாதை என்றால் என்ன?
தம் உடம்பில் இருந்து வழியும் வியர்வையில் குடும்பத்துக்கான உணவைத் தேடுவதற்குப் பெயர்தான் சுயமரியாதை
-படித்தது
Sunday 17 October 2021
சூஃபி
சூஃபி துறவியிடம் ஒரு நபர் 1000 பொற்காசுகள் கொண்ட பையை நீட்டி," எனக்கு சந்தோஷமாக எப்படி இருப்பது சொல்லுங்க,இந்த பையை உங்களுக்கு தருகிறேன் என்று சொன்னான்
துறவி எதுவும பேசாமல் அந்த பையை அவனிடம் பிடுங்கிக்கொண்டு ஓட ஆரம்பித்தார்,
அவன் பதட்டமாக பின்னாடியே ஓடினான்
சிறிது தூரம் சென்ற பிறகு துறவி நின்று,அந்த பையை அவரிடமே கொடுத்தார்,"இது தான் சந்தோஷத்தை அடையும் வழி" என்று கூறினார்.
அவனுக்கு ஒன்றும் புரியல, துறவி விளக்க ஆரம்பித்தார்,
"இந்த பை உன்னிடம் தான் ஏற்கனவே இருந்தது,ஆனால் அப்போது நீ சந்தோஷமாக இல்லை,இப்போ சிறிது நேரம் உன்னிடம் இருந்து பறித்து கொண்டு மறுபடி கொடுத்தேன்,மீண்டும் சந்தோஷம் வந்து விட்டது,அப்போ என்ன அர்த்தம்?,
இது கிடைத்தால் தான் சந்தோஷம் என்று நீ ஒரு வரையறை வைக்கிறாய்- பணம் வீடு வேலை என்று அது கிடைக்கும் வரை நீ சந்தோஷமாக இருப்பதே இல்லை,அந்த வரையறை என்பது நீயாக உனக்கு விதித்து கொண்டவை தானே?"
"ஒரு இலக்கை அடையும் பொருட்டு பாதை எங்கும் நீ சந்தோஷத்தை புறக்கணித்து செல்கிறாய்,அது தேவை தானா?"
"மொத்தத்தில் அந்த பை,(சந்தோஷம) என்பது இயல்பாகவே உன்னிடம் இருப்பது தான்",என்று கூறி முடித்தார்.
Saturday 16 October 2021
info
நமது பார்வைக்கு புலப்படும் அதிகபட்ச தொலைவு 4-4.5 கிலோமீட்டர். பூமி வட்ட வடிவில் இருப்பதால் அதற்கு மேல் உள்ள தொலைவு நமது பார்வையில் இருந்து மறைக்கப்படும். ஆனால் ஒரு 5-10 அடுக்கு மாடி கட்டிடத்தில் இருந்து பார்த்தால் அதிக தொலைவினை காண முடியும்
#info
Friday 15 October 2021
ஜே.கிருஷ்ணமூர்த்தி
நாம் அனைவருமே பிரபலமாக விரும்புகிறோம். ஏதோ ஒன்றை அடைய விரும்பும் அந்த கணமே நம் சுதந்திரத்தை இழந்து விடுகிறோம்.
-ஜே.கிருஷ்ணமூர்த்தி
Thursday 14 October 2021
வெண்ணிலா
உள்ளுக்குள் ஊறுகின்றன
ஓராயிரம் வார்த்தைகள்
தோன்றுமிடமும் முடியுமிடமும் தெரியாமல் தோன்றிய கணத்தில் மறைகின்றன
உச்சரிக்கும் சொல்லிலிருந்து கிளைக்கிறது
வாழ்வின் அமுதமும் நஞ்சும்
-அ.வெண்ணிலா
Wednesday 13 October 2021
விநோதய சித்தம் விமர்சனம்*மணி
விநோதய சித்தம் விமர்சனம்
*மணி
விநோதய சித்தம் பேரை பார்த்ததும் எதோ டப்பிங் படம் போலத்தான் தோனுச்சு.ஆனால் படம் பார்க்க ஆரம்பிக்க கதையோடு நாமும் பயணப்படுவது போல் தோன்றியது. மலையாளத்தில் மட்டுமே வந்து கொண்டிருந்த இது போல் ஸ்டார் வேல்யூ, கமர்சியம் அம்சமின்றி வருவது தமிழிலும் முன்னெடுத்து நல்ல படத்தை கொடுத்துள்ளனர்.
டால்ஸ்டாயின் சிறுவயதில் அவருடைய ஆசிரியர்..ஒரு முறை அவனை கண்ணை மூட வைத்து.. இப்போது நீ இறந்துவிட்டாய் இப்போது நீ என்ன உணர்கிறாய் என கேட்பார்.அவர் சொன்னதை அப்படியே அவரின் மனசாட்சியாக ஒரு வெள்ளைத்தாளில் அனைத்தையும் எழுதுவார். பின் கண் திறந்தால் டால்ஸ்டாய்க்கே புதிய உலகை கண்டது போல் திருப்தி வரும். இப்படத்தை பார்க்கும் போது இக்கதை நினைவுக்கு வந்தது. ஆனால் இப்படம் இதிலிருந்து மாறுபட்டது.20 வருடத்திற்கு முன்பு தான் பார்த்த ஒரு மேடை நாடகத்தை தற்போது திரைப்படமாக உருவாகி உள்ளதாக இயக்குநர் கூறினார்.
#கதை
சென்னையில் ஒரு பெரிய நிறுவனத்தில் உயர் பொறுப்பில் இருப்பவர் தம்பி ராமையை.பிரஸ்டீஜ் பத்மநாபன் மாதிரி.கடமை, நேரந்தவறாமை என குடும்பத்தைக் கூட கவனிக்காமல் அலுவலகமே கதி என்று இருக்கிறார். விரைவில் general manager promotion ஐ எதிர்பார்த்து காத்திருக்கிறார்.
மறுநாள் 25ம் ஆண்டு திருமண கொண்டாட்டத்தை கூட பொருட்படுத்தாமல் விமானத்தில் கோவை சென்று காரில் திரும்புகிறார்.வரும் வழியில் கோர விபத்தில் தம்பி ராமையா உயிரிழக்கிறார்.அவரின் ஆன்மா கதறுகிறது.அப்போது அங்கு தோன்றும் காலமான சமுத்திரக்கனி 90 நாள் உயிர் பிச்சை கொடுக்கிறார். தானும் உடன் இருப்பதாக நிபந்தனையுடன்.
இந்த மூன்று மாதங்களில் தம்பி ராமையாவின் வாழ்வில் குடும்பத்தில் ஏற்படும் மாற்றங்கள் நமக்கும் மிஸ்ட் கால் வந்தது போல் உணர வைப்பதுடன் நெகிழ்ச்சியாக முடிகிறது
#ப்ளஸ்
*படத்தின் இயக்குநர் சமுத்திரக்கனி என்று சொன்னால் தான் தெரியுமளவிற்கு total different.சூப்பர் சார்
*பாடல்கள் இல்லாமல் பின்னணி இசையில் சத்யாவும், ரம்மியமான ஒளிப்பதிவில் ஈர்க்கிறார் என்.கே ஏகாம்பரம்
*ஹீரோ தம்பி ராமையா தான். ஆங்காங்கே பழைய மாடுலேசன் எட்டிப் பார்த்தாலும் ரசிக்க வைக்கிறார்.
*சம்பவங்கள் நடத்தப்படுகிறது,
சி.எம் ஆவதெல்லாம் ஆசை இல்ல வியாதி,
இருக்கிறவனுக்கு இருக்கிறதெல்லாம் பிரச்சனை
இல்லாதவனுக்கு இல்லைனு மட்டும் தான் பிரச்சனை,
கடவுளை வேண்டிக்க..
அப்ப உங்க உழைப்பு மேல நம்பிக்கையில்ல.
கிடைக்கலனா விதி
கிடைச்சா அதிர்ஷ்டம் என வசனங்கள் பெரும் பலம்.
வாழ்க்கையில எனக்கு இதுவரை எதுவுமே நல்லது நடக்கல, நான் இல்லனா எதுவுமே நடக்காது,
இந்த குடும்பமே என்ன நம்பித்தான் இருக்குது, இந்த ஆபிசில செங்கலுக்கு அடுத்து நான் தான் தாங்கி நிற்கிறேன் என நான் நான் என நினைக்கும் ஒவ்வொருத்தருக்கும் காலம் செவுல்லயே அப்பி இதானாடா நீனு சொல்லும் மாயக்கண்ணாடி இந்தப்படம்.
பாட்டு, காமெடி, ஹீரோயிசம் எதுவும் இல்லாமல் படம் ஆரம்பித்த ஏழாவது நொடியே கதைக்குள் நுழைந்து வேறு உலகத்துக்கு போய் இங்கு வந்து வாழ்ந்த ஃபீல்.சினிமாத்தனம் இருக்காது.ஒன்றரை மணி நேரம் ஒரு மாறுபட்ட அனுபவத்தை பொழுது போக்காய் பார்க்க நினைப்போர் பார்க்கலாம்.
-மணிகண்டபிரபு
Tuesday 12 October 2021
கற்பதுவே பகிர்வதுவே-24*மணி
அதிர்வுகள் -இன்குலாப் பற்றிய கட்டுரைகள்
-பா செயபிரகாசம்
#RM314
12/100
Pages-464
"வாழ்வது இனிமையானது
போராட்டங்களோடும் புன்னகையோடும்.
இறப்பது நிறைவானது-நம்பிக்கையோடு"
இன்குலாப் என்றால் புரட்சி என்று அர்த்தம்.இன்குலாப் ஜிந்தாபாத் என்றால் புரட்சி ஓங்குக என்று அர்த்தம்.இறுதிவரை புரட்சியாளராக விளங்கிய ஒருவர்தான் கவிஞர் இன்குலாப்.எழுத்தாளராக, மார்க்சியவாதியாக, மார்க்சிய் லெனினியவாதியாக, ஈழ தமிழர் ஆதரவாளராக, பேராசிரியராக பல்வேறு முகங்களை கொண்டவர் இன்குலாப்.
இன்குலாப்பின் மறைவிற்கு பின் அவர் குறித்து பிரபலங்கள் பகிர்ந்த கட்டுரைகள் மற்றும் அனுபவங்களை நூல் முழுவதும் ஆவணப்படுத்தியுள்ளனர். பொதுவாக இன்குலாப் என்றவுடன் மனுசங்கடா கவிதையும் இன்ன பிற நறுக்குகளையும் கூறி சென்றுவிடுவோம்.ஆனால் அவரின் வாழ்வு ஆதிக்கத்துக்கு எதிரான போராட்டமும் இலட்சியத்தை அடைவதற்கான போராளியாகவும் இறுதிவரை இருந்துள்ளார். "மார்க்சிஸ்டாக வாழ்ந்த மார்க்சிஸ்ட்" என்று ஒரு திருமாவேலன் கூறுவார்.
இருபது வயதில் ஒருவன் இடதுசாரியாக மாறாவிட்டால் அவனுக்கு இதயம் இருக்கிறதா கேளுங்கள் என்பது தமிழறிஞர் ஒருவரின் கருத்து. துவக்கத்தில் இன்குலாபும் இடதுசாரி கருத்தியலில் துவங்கினார்.எந்த ஊருக்குப் பயணம் மேற்கொண்டாலும் சுற்றிப் பார்ப்பது அந்த ஊரின் நினைவுச் சின்னங்களையும் போர்குணமிக்க மக்களையும் தான்.பாப்லோ நெருடாவின் 'காண்டோ ஜெனரல்' எப்போதும் பெரும் செல்வமாய் பாதுகாத்து வந்தார் என்பது குறிப்பிடத்தக்கது.தங்கள் மகளிடமும் கருத்தியல் ரீதியாக வார்த்தெடுத்த அனுபவத்தை மகள் ஆமினா பகிர்ந்துள்ளார்
மொழிப் போர் போராட்டத்தில் இன்குலாப் கலந்து கொண்டதையும்
மார்க்சியவாதியாக, ஈழ விடுதலை வேண்டிய போராளியாக பரிணமித்ததை அவரின் நண்பர் எடுத்துக்கூறுகிறார்.1979ல் தன் இரண்டாவது மகனுக்கு சூட்டிய இன்குலாப் எனும் பெயரை புனைப்பெயராக வரித்துக் கொண்டார்.80களில் நக்சலைட் இயக்கத்திற்கு ஆதரவாய் குரல் கொடுத்தவர்களில் இவரும் ஒருவர்.
தனியார் கல்லூரியில் பேராசிரியர் பணியிலிருந்து ஓய்வு பெற்றாலும் யார் தயவுமின்றி இருந்தவர்.
கவியரங்க நிகழ்வில் இன்குலாப்புடன் பயணித்த அனுபவித்தை விளக்கும் ஈரோடு தமிழன்பன்..அவரை சிறையிலிருந்து வெளியே கொண்டுவந்த அனுபவத்தையும் சுவைபட சொல்லியுள்ளார்.அரியலூர் குளப்பாடி ஊரின் கிணற்றில் மின்சாரம் பாய்ச்சி உயிரிழந்த மழலைகளுக்கு சொல்லும் இரங்கற்பாவில் 'மனுசங்கடா' கவிதை உருவானதையும்
ஈழ விடுதலைப் போராட்டங்களில் அவரின் பங்களிப்பை கூறியதுடன் மணிமேகலையை இன்குலாப் எழுதியதைப் போல தமிழகத்தில் யாரும் எழுதவில்லை என பட்டயம் தருகிறார் வை.கோ
இன்குலாபின் புரட்சி கவி நயத்தை அ.மார்க்ஸ்,மு.மேத்தா, கூறியதுடன் சிம்சன் தொழிற்சங்க போராட்டத்தில் கவி பாடியது குறத்தும் பாடல்கள் குறித்தும் பெ.மணியரசன் பதிவு செய்துள்ளார்.திராவிட இயக்க சிந்தனையில் துவங்கி, கீழ் வெண்மணிக்குப் பிறகு தீவிர கம்யூனிஸ்டு ஆனார். போராட்ட குணமுள்ள அவருக்கு அது ஏற்ற களமாகவும் இருந்தது.
பாரதி தன் தீப்பந்தங்களை தந்தது இருவரிடம் ஒருவர் பாரதிதாசன் மற்றவர் இன்குலாப் என்பார் நூலாசிரியர்.போலித்தனங்கள், ஜாதி ஒலிப்பு,பெண்களை, சமூக அவலங்களை தன் பாடு பொருளாக்கினார்.'உலகம்/பிணங்கள் உறங்கும்/கல்லறை அல்ல/புரட்சி துடிக்கும் கருவறை' என்று பாடினார்.ஒரு முறை காவல் துறையினரிடம் வாக்குவாதம் செய்து வெளியேறும் போது "இனி என்ன செய்வீர்கள்? என்று ஏளனம் பொங்க கேட்ட போது சொன்னார் 'இதுவரை செய்ததை இனிமேல் இரண்டு மடங்காகச் செய்வேன்! என்று. அந்தத் துணிவு தான் அவர்.
" செருப்பணிந்து கொண்டு தெருவில் வராதே என்று
சொல்லுகின்றவனின் தோலை உரித்தே
செருப்பாக்கி மாட்டித் திமிர் நடை போடுவோர் என அந்நாளைய ஆதிக்க சக்திகளுக்கு எதிராய் குரல் கொடுத்தவர்."நான் பாடாவிட்டாலும் என் பாடலின் பொருளை என் தோழர்கள் புரிந்து கொள்வார்கள் என்று தோழர்களின் நாடித்துடிப்பையும் அறிந்தவர். புரட்சிகர பயணம் போராட்ட வாழ்க்கை ஒரு கட்டத்தில் சலிப்புத் தட்டிவிடும். ஆனால் ஒரு சிலர்க்கு மட்டுமே போராட்ட குணம் வற்றவே வற்றாது. அந்த ஊற்றுக்கண் அமைந்த ஒருவர் தான் இன்குலாப்
#ரசித்தது
*விளம்பர வெளிச்சத்தில் விட்டில் பூச்சிகளை கவர்ந்திழுப்பது கடினமானது அன்று.ஆட்சி மாற்றம் குறித்து
*எனது நிறத்திலும் மணத்திலும் நான் பூத்துக் கொண்டிருக்கின்றேன். இந்த மண்ணின் ஏதோ ஒரு மூலையில் நான் கருகும் வரை பூப்பேன்
*நியாய சூட்டால் சிவந்த கண்கள், உரிமை கேட்டுத்துடிக்கும் உதடுகள், கொடுமைகளுக்கு எதிராக உணரும் கைகள்-இவையே எனது பேனாவை இயக்கும் சக்திகள்
*சமயம் கடந்து மானுடம் கூடும்
சுவரில்லாத சமவெளி தோறும்
குறிகளில்லாத முகங்களில் விழிப்பேன் இசைப்பேன்!
*நெருக்கடி நிலை காலத்தில் குரல்கள் எனும் நாடகம் அப்போது பல்வேறு அதிர்வலைகளை ஏற்படுத்தியது.
*அதிகாரவர்க்கம் எதையெல்லாம் எதிர்க்கிறதோ அதை எல்லாம் ஒன்றிணைத்து செயல்பட வேண்டும்
*இன்குலாப்பின் கடைசி கவிதை 'கண்ணாமூச்சு' உகரன் இதழில் வெளிவந்தது.
*வெள்ளையாய்த் தோன்றும்
எந்தச் சொல்லும் வெள்ளையாய்
இல்லாததால்
இல்லை எனது சொல்லும்
வெள்ளையாய்
*தனிமை எனக்குப் பிடிக்கும். ஆனால் இது திணிக்கப்பட்ட தனிமை
*போயும் போயும்
அட்டைகளிடம் அல்லவா
கேட்டோம் ரத்ததானம்
பெரியாருக்கு பின் வந்த திராவிட இயக்கங்களின் மீது விமர்சனம் இருந்தது.இறுதியாக இறக்கும் தருவாயில் கூட என்னை முழுமையாக மக்களுக்கு உரித்தாக்க விரும்பினேன்.ஆனால் நேர்ந்த வாழ்க்கை அதற்கான முழு வாய்ப்பை தரவில்லை என்றார்.
இறுதிவரை இலட்சிய பாதையிலேயே தன் பயணத்தை முடித்துக் கொண்டார்.திருமாவேலன் கூறியது போல் அவரை ப்போல எழுதலாம். அவரைவிட வேகமாக எழுதலாம். ஆனால் அவரைப் போல 'கொஞ்சமாகக் கூட' வாழ முடியாது.
தொடர்ந்து வாசிப்போம்
தோழமையுடன் மணிகண்டபிரபு
info
தொழிலாளர்களுக்கு பேட்டா என்பது புழக்கத்தில் அதிகம் கேட்ட வார்த்தை.Boarding allowance (B.A),Travelling Allowance (T.A).என்பதன் சுருக்கமே பேட்டா ஆகும்
#info
கற்பதுவே பகிர்வதுவே-23*மணி
ஓநாய் குலச் சின்னம்
-ஜியாங் ரோங்
11/100
Pages-670
#Reading_marathon
#RM314
சுமார் ஐந்து ஆண்டுகளுக்கு முன் வாசித்தது..ஆனால் தற்போது முழுப் புத்தகத்தை வாசிக்கும் போது இன்னும் கவனமாய் படிக்க முடிந்தது.
இயற்கைக்கு எதிராக மனிதன் நிகழ்த்தும் செய்கையில் இயற்கையிடமும் உயிரிகளிடமும் தோற்றுப் போகிறான்.நாகரிக வளர்ச்சியில் அழிக்கப்பட்ட நகரங்களில் பூர்வ குடிகளின் இழப்பு தெரிகிறது.மங்கோலியர்கள் எவ்வாறு சீனர்களை வெற்றிக் கொண்டனர் என்பதையும் அறிய முடிகிறது.
மேய்ச்சல் நிலம் என்பது பரந்துபட்ட பரப்பு.பெரிய உயிர்களை சார்ந்து வாழும் சிறிய உயிர்களின் நெருக்கடிகள்,இவற்றில் ஏதேனும் ஒன்றை இழந்தால் உணவுச்சங்கிலியில் ஏற்படும் பாதிப்பு ஆகியவற்றை விளக்குகிறது.
மாவோவின் கட்டளைக்கு கீழ்படிந்து மலைப்பகுதி கிராமங்களுக்கு சென்று அங்குள்ள மக்களோடு வாழ்கின்றனர் இளைஞர்கள்.இதில் நான்கு பேர் மேய்ச்சல் நிலத்தினால் ஈர்க்கப்பட்டு அங்கு சென்று வாழ்கின்றனர்.அதில் ஒருவனான ஜென் சென் ஓநாய்களின் வாழ்வியலை அறிய விரும்புகிறான்.
அவனுக்கு முதியவரான பில்ஜியின் வழிகாட்டுதல் கிடைக்கிறது. இவரிடம் கேட்காமலேயே ஓநாயின் குகையிலிருந்து ஓநாய் குட்டியை எடுத்து வளர்க்கிறான்.அந்தக் குட்டியை எடுக்கப்போகும் இடம் செம த்ரில்.
ஓநாய்களை வணங்கும் மனிதர்களின் மனமாற்றமும், மனிதர்களை வேட்டையாட நினைக்கும் ஓநாய்களின் மனநிலையும் அருகிலிருந்து பார்ப்பது போல் வடிவமைக்கப்பட்டுள்ளன.இறுதியில் வென்றது ஓநாய்களா, மனிதர்களா, இயற்கையா என்பதே இந்நாவல்
ஓநாய்களின் வேட்டையை ஒரு இடத்தில் தத் ரூபமாய் விளக்கியிருப்பார்.
"ஒரு ஓநாய் பகல் வெளிச்சத்தில் தனித்திருக்கும் ஒரு மான்மீது தன் தன் கவனத்தைக் குவிக்கும்.ஆனால் இரவு கவிழும் வரை எதுவும் செய்யாது.உறங்கும் போதும் தாக்காது.ஏனெனில் தூங்கும் போதும் உஷாராய் இருக்கும்
ஓநாய் இரவு முழுதும் அருகிலேயே காத்திருக்கும்.சூரிய உதயத்தின் போது,சிறுநீர்ப்பை முழுவதும் நிறைந்திருக்க மான் விழித்தெழும். அப்போது ஓநாய் பாயத் தயாராயிருக்கும்.ஒரு மானால் ஓடிக் கொண்டிருக்கும் போது சிறுநீர் கழிக்க முடியாது.ஆக,அதிகதூரம் ஓட முடியாமல் சிறுநீர் முட்டத் தொடங்கியதும் நின்றுவிடும்.
ஒரு மான் காற்றைப் போல எல்லா நேரமும் ஓட முடியாத போது,
தனித்திருக்கும் ஒன்றை எப்போது வீழ்த்துவது என்பதை ஓநாய்கள் நன்கு அறியும் என்று படித்த முடித்தவுடன் ஒரு ஓநாய் வேட்டையாடுவதை நேரடியாய் பார்த்தது போல் இருந்தது. இந்த ஆன்மாதான் இந்த புத்தகம் முழுவதும் கையைப் பிடித்து இழுத்து செல்லும்.ஓநாய்கள் மனிதர்கள் அளவுக்குத் தீயவை அல்ல”என்ற வரி நாவலின் ஒட்டுமொத்த சாராம்சத்தையும் விளக்கும் வரி. கதையினூடே வரும் இதுபோன்ற தத்துவங்கள் புத்தகத்தை இறுதுவரை பற்றிக் கொண்டு செல்ல உதவுகிறது.
மனிதர்களின் பேராசைக்கும் இயற்கைக்கும் நடக்கும் யுத்தத்தில் பின்விளைவுகளை இயற்கை நின்று ஏற்படுத்துகிறது.
காட்டிற்கே ராஜாபோல் திரிந்த ஓநாய்
"நிலவுலகின் கூரையென வானம் பூமியை மூடியிருக்கிறது/வானம் இருண்டு விரிந்திருக்கிறது/ காற்றடிக்கும் போது புல் சாய்கிறது/ ஒரு ஓநாயும் கண்ணில் படவில்லை." எனும் வரியை படிக்கும் போது மனம் வலிக்கிறது.
#ரசித்தது
*ஓநாய்கள் உண்மையான வர்க்க எதிரிகள்.உலகெங்கும் பரவியிருக்கிற பிற்போக்குவாதிகள் அனைவருமே பேராசை கொண்ட ஓநாய்கள்தான்
*மேய்ச்சல் நிலத்தில் இன்னும் சிலகாலம் இருந்தால் நாமும் ஓநாய்களாக மாறிவிடுவோம்
*புல்லை எரிப்பது சொர்க்கத்தின் விதிகளை மீறும் செயல்
*மக்கள் ஒவ்வொருவரும் ஒவ்வொரு மாதிரி.ஆனால் ஓநாய்கள் எல்லாமே ஒரே மாதிரி
*யுத்த களத்தில் ஒரு முட்டாள் குதிரையால் வெல்ல முடியாததுதான்.ஆனால் குதிரைகள் முட்டாள்தனமாக இருப்பதற்கு முக்கிய காரணம், மக்கள் முட்டாள்களாக இருப்பதுதான்
*ஒரு மனிதன் அல்லது இனம், சரணடைவதற்கு முன்பாக மரணத்தை தேர்வு செய்யும் ஆன்ம பலத்தைக் கொண்டிருக்காவிட்டால், அடிமையாவதுதான் தவிர்க்க முடியாத விளைவாக இருக்கும்
*யுத்தம் பொறுமைக் கோருகிறது.மனிதனாக இருந்தாலும் சரி,மிருகமாக இருந்தாலும் சரி,சந்தர்ப்பங்கள் தம்மை முன்னிறுத்தும்போது பொறுமைசாலிகளே அத்தகைய சந்தர்ப்பங்களை சாதகமாக்கிக் கொள்கிறார்கள்
*அளவுக்கு மீறிய
மக்கள் தொகை கொண்ட
ஒர் இனத்தின்
மிக முக்கிய பிரச்சினை ...
உயிர் வாழ்ந்திருப்பது
மட்டும் தான் ."
*மேய்ச்சல் நிலத்தில் நேரம்தான் உணவு.ஒரு ஓநாய் ஆற அமர சாப்பிடுவதாக இருந்தால்,அது பசியிலேயே செத்துவிடும்.
*புல்லைத் தின்னும் ஜீவன்கள் இறைச்சி உண்ணும் ஜீவன்களை விட மோசமானவை. உன்னைப் பொறுத்தவரை, மான்கள்மீது இரக்கம் காட்ட வேண்டும். புல்மீது இரக்கம் காட்ட வேண்டியதில்லை,”
*புல்வெளியே பெரிய உயிர் மற்ற விலங்குகள் அனைத்தும் ஏன் மனிதன் கூட சிறிய உயிர்தான் பெரிய உயிரை போற்றினால்தான் சிறிய உயிர்கள் வாழமுடியும்”
*அதிக அளவில் நிலமும் மக்களும் இருப்பதால் மட்டும் எவராலும் ஒரு யுத்தத்தை வென்றுவிட முடியாது. நீ ஒரு ஓநாயா ஆடா என்பதைப் பொறுத்தது அது"
*கால்நடைகளை வளர்ப்பதென்பது தாவரங்களை பயிர் செய்வதைக் காட்டிலும் மிகவும் கடினம்
*ஒரு கூட்டின் அணில்கள் ஒரு மானைவிட அதிகப் புல் தின்னும்
*உணவுக்காகவும், சுதந்திரத்திற்காகவும் போராடுவதே ஓநாய்களின் அடிப்படை
ஓநாய்களிடமிருந்தே மங்கோலியர்கள் வேட்டையாட கற்றனர்.மங்கோலியர்களில் புகழ் பெற்றவன் செங்கிஸ்கான். தனது எதிரி கூட தனக்கு சரிசமமாய் இருந்தால் மட்டுமே மோதுவானாம். விரைந்து தாக்குவது, சுற்றி வளைப்பது, மறைந்துருந்து தாக்குவது( தீரன் அதிகாரம் ஒன்றில் வருவது போல்)என ஓநாய்களிடமிருந்தே கற்றுள்ளான. அதீத நுகர்வினால் ஏற்படும் இன்னல்கள் என்ன என்பதை அந்த விளைநிலங்கள் புரியவைக்கின்றன.
வேகமாய் படிக்காமல் நிதானமாய் படிக்கும் போது பல உண்மைகள் ஆழமாய் புரிகின்றன
-மணிகண்டபிரபு
Monday 11 October 2021
தற்புகழ் வேண்டா;
பலகற்றோம் யாம் என்று தற்புகழ் வேண்டா;
அலர்கதிர் ஞாயிற்றை கைக்குடையும் காக்கும்;
சில கற்றார் கண்ணும் உளவாம் பலகற்றார்க்கு
அச்சாணி அன்னதோர் சொல்
-கதிரவனை கைக்குடை மறைப்பது போல் பல நூல் கற்றோம் என தற்புகழ்ச்சி வேண்டாம்.இவர்களை விட கொஞ்சம் கற்றோர் இடத்தில் உறுதிச்சொல் இருக்கும்
நேரு
நிருபர்:உங்கள் தேசத்தில் பெரும்பான்மையினர் படிப்பறிவற்றவர்கள். அவர்களுக்கு வாக்குரிமை அளித்தது தவறு..
நேரு:எனது மக்கள் பெரும்பாலானோர் கல்வி கற்காதவர்கள் தான். ஆனால் புத்திசாலிகள்;அவர்களிடம் கிராமியப் பொது அறிவு உண்டு;எது சரி,எது தவறு-என முடிவு எடுக்கும் திறன் நிரம்ப உண்டு
-நேரு
Sunday 10 October 2021
ஜியாங் ரோங்
யுத்த களத்தில் ஒரு முட்டாள் குதிரையால் வெல்ல முடியாததுதான்.ஆனால் குதிரைகள் முட்டாள்தனமாக இருப்பதற்கு முக்கிய காரணம், மக்கள் முட்டாள்களாக இருப்பதுதான்
-ஜியாங் ரோங்
info
காலில் அணியும் ஷூக்கள் 1850ம் ஆண்டு வரை கைகளால் செய்யப்பட்டு வந்தன. அப்போது வலது இடது பேதம் இல்லாமல்..எந்த காலுக்கும் போட்டுக் கொள்ளலாம்
1850க்குப் பின் இயந்திரத்தில் தயாரிக்கப்பட்ட பின்னரே வலது இடதுக்கென தனித்தனி ஷூக்கள் தயாரிக்கப்பட்டன
#info
மருதன்
நம்மைச் சுற்றியுள்ள இருள் விலக வேண்டுமானால் அறிவின் வெளிச்சம் தேவை. அந்த வெளிச்சத்தைப் பெற நான் படிக்க வேண்டும். என் சுதந்திரத்தைப் பறித்து என்னைப் பிணைத்து வைத்திருக்கும் அனைவரிடமிருந்தும், அனைத்திடமிருந்தும் விடுபட விரும்புகிறேன். அதற்கு நான் படித்தாக வேண்டும்.
-மருதன்
Thursday 7 October 2021
பாக் தேசிய கீதம்
ஓ!புனித பாகிஸ்தான் தேசமே!
உனது ஒவ்வொரு துகளும்
நட்சத்திரங்களால்
ஒளிவீசிப் பிரகாசிக்கிறதே!
உனது சிறுதூசியும் கூட
வானவில்லைப் போல
வண்ண ஒளி வீசுகிறதே!
பாகிஸ்தானில் முதல் முதலில் பாடப்பட்ட இந்த தேசிய கீதத்தை எழுதியது இந்து கவிஞரான ஜகன்னாத் ஆசாத்.
சுதந்திர தினத்தில் கராச்சி வானொலியில் நிலையத்தின் மூலம் ஒலிபரப்பப்பட்டது.இதற்குப் பின் எதிர்ப்பு கிளம்பியது. ஜின்னாவின் மறைவிற்குப் பின் உருது கவிஞர் ஹபீஸ் ஜலந்தாரி எழுதிய கவிதை தேசிய கீதமாக ஒலிக்கத் துவங்கியது
வணிகத் தேவைக்காக நாட்டு விலங்குகள் படும் துயர்! - தெளிவாக விளக்கும் புத்தகம்
ஒரு வழிகாட்டின்றி தேடி அலையும் பாதையிலே நடப்பவனுக்கு இரண்டு நாள் வழியும் நூறுநாள் வழியாக ஆகிவிடும்ரூமி மஸ்னவி
பொதுவாக சூழ்நிலையியல் வகுப்பில் உனக்குத் தெரிந்த காட்டு விலங்குகள் பெயரையும் நாட்டு விலங்குகள் பெயரையும் எழுதி வரச்சொல்லுவோம். உண்மையில் வீட்டு விலங்குகள் வீட்டிலேயே தோன்றியதா என யோசித்து இருக்கிறேன். ஒவ்வொரு வீட்டு விலங்கினங்களுக்கும் இருக்கும் வரலாற்றினை அறியும் போது பிரம்மிப்பாக இருக்கிறது. மனிதன் தன் சுய தேவைக்காக விலங்கினங்களை மாற்றியதும், வணிகத் தேவைக்காக இந்த நாட்டு விலங்கினங்கள் படும் துயரத்தையும் விளக்கும் நூலாக சூழலியலாளர் கோவை சதாசிவம் எழுதி குறிஞ்சி பதிப்பகம் வெளியிட்டுள்ளது.
ஒரு ஆறு துவங்கும் இடத்தில் இருக்கும் ஒருவர்.. இறுதியாய் கடலில் கலக்கும் இடத்தை பார்க்கும் போது எவ்வளவு துயர் அடைவாரோ அது போலத்தான் நாய்களின் வரலாற்றினை அறியும் போது தெரிகிறது. நாயினம் காட்டு விலங்கான சாம்பல் நிற ஓநாயிலிருந்து பரிணாம வளர்ச்சியிலிருந்து வந்தது. நாய்க்கும் மனிதனுக்கும் உள்ள உறவையும், ஊளையிடல், குரைத்தலுக்கான காரணங்களையும், நாய்களின் வரலாறினையும் விரிவாய் எடுத்துக்கூறுகிறது. நாயின் நாக்கு போல் விளிம்பு முனை கொண்ட நாவாய் கப்பல் உருவாக்கியதும், நாய்களின் பல்வேறு குணாம்சங்களை கூறுவதுடன் தெருநாய்கள் தண்ணீரை மட்டுமே குடித்துக் கொண்டு ஒரு வாரம் உயிர்வாழப் பழகியவை என இது போன்ற பல அறியப்படாத செய்திகளை சொல்கின்றன.
மாடும் முருங்கையும் இருந்த வீடு வறுமையை சந்திக்காது என்பது பெரியோர்களின் மொழி. மேய்ச்சல் நிலத்தில் தொழுவத்திற்குப் பின்பே குடில் அமைப்பார்கள் என்றும், யானைக்கு நிகரான பலமுள்ள காளையை மனிதன் ஏன் அடக்கினான் என்பதை காரண காரியத்துடன் விளக்குகிறது. Man's best friend ஆக நாயைச் சொன்னாலும் மாடுகள் தான் மனிதனுக்கு நீர் இறைக்க, உழவுக்கு, பொதிசுமக்க என குடும்பத்தில் ஒருவராய் வாழ்ந்து வருகிறது. அந்த அற்புதமான நாட்டு மாட்டினங்கள் அருகி வரும் உண்மையும், கலப்பின மாடுகளின் அதிகரிப்பையும் படிக்கும்போது இத்தனை மாட்டினங்கள் வலம் வந்த நம் தமிழகத்தில் நாம் தொலைத்தவை என்ன என்பதை உணர வைக்கிறார்.
"கருங்காலி கட்டைக்கு நாணாக் கோடாலி
இருங்கதலி கட்டைக்கு நாணும்- பெருங்கானில்
கார் எருமை மேய்க்கின்ற காளைக்கு நான் தோற்றது
ஈரிறவு துஞ்சாது என் கண்
கருங்காலி கட்டையால் ஆன கோடாலி எந்த பெரிய மரத்தையும் வெட்டிவிடும். ஆனால் வாழை மரத்தை வெட்டும் போது வழுக்குவது போல் எருமை மேய்க்கும் சிறுவனிடம் தான் தோற்றதை பாடுகிறார் ஒளவையார்.சோதனை முடிந்தவுடன் தோன்றும் முருகன்..ஒளவையின் தமிழை அறியவே பெருமைக்கு எருமை மேய்த்ததாய் சொல்லுவார்.
இதன் மூலம் மேய்ச்சல் நில காலத்திலிருந்தே எருமை இருப்பதும் அதனை மனிதன் மேய்த்ததும் அறிய முடிகிறது. ஆனால் நவீன கால மனிதன் எருமை என்றாலே அபசகுனம், எமனின் வாகனம் என உதாசீனம் செய்கிறான். ஆனால் மாடுகள் சமவெளியில் உழுவது போல் சதுப்பு நிலங்களில் எருமைகள் தான் உழுகின்றன. அதாவது சேற்று நிலத்தை உழக்க எருமைகளை பயன்படுத்தி தமிழர்கள் பயிர் செய்ததை இப்புத்தகத்தின் மூலம் அறிய முடிகிறது.பழங்குடியினரான தோடர்கள் ஏன் எருமைகளை வளர்த்தனர்,சபரிமலையில் உள்ள எருமேலி என்பதற்கான பெயர்காரணம் என்ன என கூறுவதும் சுவாரஸ்யமானது.
கால்நடை பொருளாதாரத்தில் ஆடுகளின் பங்கு இன்றியமையாதது. சங்கப் பாடலில் வரையாடுகள் முதல் ஒவ்வொரு காலகட்டத்திலும் ஆடுகள் மனிதனுக்கு எங்ஙனம் உதவியாய் இருந்ததை விளக்கும் ஆசிரியர் வெள்ளாடுகளின் தனிச்சிறப்பையும்,
கிடாமுட்டு, உணவுச்சங்கிலியில் ஆடுகளின் பங்களிப்பையும், அதன் தோல்கள் இன்று வணிகமயமானதையும் கூறுகிறது.
இதனை படிக்கும் போது ஒரு கதை நினைவுக்கு வருகிறது..
"ஒரு செம்மறி ஆட்டு மந்தையின் மேய்ப்பன்..ஆடுகளுக்கு ஒரு அறிவிப்பை வெளியிடுகிறான். குளிர்காலம் நெருங்குவதால் ஒவ்வொரு ஆடுகளுக்கும் கம்பளிப் போர்வை தருவதாக கூறுகிறான். அனைவரும் கைதட்டி மகிழும் போது ஒரு செம்மறி ஆடு மட்டும் இந்த
கம்பளிக்கான ரோமங்கள் எங்கிருந்து வரும் என கேட்டவுடன் திகைப்படைகிறான்.மற்ற ஆட்டினங்கள் தங்களுக்கு கம்பளி கிடைக்காமல் செய்யப் பார்க்கிறாயா எனக்கூறி அடித்து விரட்டுகின்றன. இதனை படித்தவுடன் இக்காலத்தின் மக்களுக்கும் பொருத்திப் பார்க்கத் தோன்றுகிறது.
காடறிதல் பயணத்தில் ஆதி உழவனான பன்றியை சந்திக்காமல் இருந்ததில்லை என்கிறார் கோவை சதாசிவம். பன்றிகள் குறித்து அறியாத பல சுவாரஸ்யமான தகவல்களை இதில் பகிர்ந்துள்ளார்.
ஆடுகள் மேய்க்கும் கீதாரிகளை தெரிந்து கொள்ளும் நாம் பன்னியாண்டிகளைப் பற்றியும் அவர்களின் பணிகளையும் இன்றைக்கு அவர்களின் வாழ் நிலையினையும் எடுத்துக் கூறியிருக்கிறார்.
You own a dog but cat owns you. உங்களுக்கு நாய்களைப் பிடித்தால் போதும்.ஆனால் பூனைகளுக்கு உங்களைப் பிடித்தால் மட்டுமே பழக முடியும்.பூனைகளின் வரலாறும் அதன் குணங்களும் கூறும்போது அதன் தனிச்சிறப்புகள் நம்மை ஆச்சர்யப்படுத்துகின்றன.பூனையின் மீசையில் இத்தனை விசயங்கள் இருக்கிறதா எனவும் இன்றைய உலகில் பூனைகளை மனிதன் எவ்வாறு நடத்துகிறான் எனவும் பாடம் எடுத்திருக்கிறார்.அடுத்து முட்டையா? கோழியா? என்பதற்கு விளக்கமும், கூமுட்டை என ஏன் சொல்கிறோம் என்பதற்கான பெயர்
காரணத்தையும் இதில் விளக்கியுள்ளார்.முல்லை நிலத்தில் காட்டுயிரியாகவும், மருத நிலத்தில் வீட்டு உயிரியாகவும் மாறிய கோழிகளின் வாழ்வியலைப் படம் பிடித்துள்ளார்.இன்றைய நாட்டுக் கோழிகளையும் பிராய்லர் கோழிகளையும் ஒப்பிட்டு கூறியுள்ளார்.
கடைசி அத்தியாயத்தில் ஆதிகாலத்தில் விலங்கினங்கள் பலியிடுவதற்கான நம்பிக்கைகளின் வேர்களையும், கிராமத்து மக்களின் வாழ்வியலையும் சொல்லியிருக்கிறார்.சிறு தெய்வ வழிபாடு,தூய்மையின் குறியீடாக நெருப்பு இருந்ததையும், மனிதர்கள் குலசாமியிடம் தூய்மையை நிரூபிக்க தீ மிதிப்பதும், தீ சட்டி தூக்குவதும் என இன்றளவும் புழக்கத்தில் உள்ள வழக்கங்களையும் பதிவு செய்துள்ளார்.சடங்குகளில் கலப்பின ஆடு,மாடு, கோழிகளை குலசாமிகளுக்கு ஏன் நேர்ந்து விடுவதில்லை என கேள்வி கேட்கும் போது நம்மை நாமே சுய பரிசோதனை செய்துகொள்ள வைக்கிறார்.
கிராமங்கள் தான் இந்தியாவின் முதுகெலும்பு என காந்தி சொன்னதற்கான காரணங்களில் தற்சார்பு பொருளாதாரமும் ஒன்று.
தங்களுக்கு தேவையானவற்றை தாங்களே உற்பத்தி செய்து தன்னிறைவு பெற்றனர்.இதற்கு அங்கிருந்த நாட்டு விலங்கினங்களும் உதவி செய்தன.
ட்ராக்டர் கண்டுபிடிக்கப்பட்ட போது ட்ராக்டர்கள் சாணி போடுமா என ஜே.சி குமரப்பா சொன்னதும் நினைவுக்கு வருகிறது.
தற்போது கிராமத்துக்குள் நுழைந்த பன்னாட்டு வர்த்தகம் கொஞ்சம் கொஞ்சமாய் இயற்கையோடு இயைந்த வாழ்வை சிதைத்து வருவது வருத்தத்திற்கு உரியது. ஒவ்வொரு விலங்கினங்களின் வரலாற்றை பார்க்கும் போது.. தற்போது யாரும் கண்டு கொள்ளாமல் தெரு விலங்குகளாய் இருப்பதையும், கலப்பின ஊசிகளின் விளைவால் நாட்டு உயிரினங்கள் அழிந்து வருவதையும் படிக்கும் போது குற்றவுணர்ச்சி ஏற்படுகிறது. சூழலியலில் நாட்டு உயிரினங்களின் தாக்கத்தையும் பேசுகிறது.
-மணிகண்டபிரபு
Tuesday 5 October 2021
அந்தோன் செகாவ்
பல நேரங்களில், குற்றத்தை விட தண்டனைதான் அதிகமாகத் தீங்கு விளைவிக்கிறது - அந்தோன் செகாவ்
Monday 4 October 2021
மொய்
மொய்' என்ற சொல் 'மொய்' என்ற வினையடிப் பிறந்த பெயர்ச்சொல் ஆகும்.
'எறும்புகள் மொய்க்கின்றன' என்ற வாக்கியத்தில் 'எறும்புகள் கூட்டமாகக் கூடி உண்ணும் செயலைச் செய்கின்றன'என்று பொருள் தருகிறது.
அதுபோலவே திருமணங்களில் 'மொய்' என்பது உறவும் நட்பும் ஒன்றுகூடி மணமக்களுக்குப் பணம் கொடுத்து, அவர்கள் தனி இல்வாழ்க்கை நடத்துவதற்காக ஊக்கப்படுத்தும் செயல் ஆகும். பிற்காலத்தில் இதனைப் பெற்றோர்கள் பெற்று அதன் பயனையே மாற்றிவிட்டார்கள்.
-படித்தது
Saturday 2 October 2021
காந்தி
முதலில் உன்னை உதாசீனம் செய்வார்கள்,
பிறகு கேலி செய்வார்கள்,
அதன் பிறகு சண்டையிடுவார்கள்,
கடைசியில் நீ வென்றுவிடுவாய்.
-காந்தி
ராஜன்
அன்றாடம் வாசிக்கும் புத்தகங்களில், நம்மைச் செறிவூட்டக்கூடிய ஒரே ஒரு வரியை வாசித்தாலே போதுமானது. அன்றாடம் செறிவுபெறுகிறோம் என்பதே மற்ற எல்லாவற்றையும்விட மகிழ்ச்சிதரக்கூடியதாகவும் திருப்திதரக்கூடியதாகவும் அர்த்தமுள்ளதாகவும் இருக்கிறது.
-த.ராஜன்
Wednesday 29 September 2021
எம்டன் கப்பல் சென்னையைத் தாக்கியது எப்படி? - குட்டி ஸ்டோரி
யுத்தம் பொறுமைக் கோருகிறது. மனிதனாக இருந்தாலும் சரி, மிருகமாக இருந்தாலும் சரி, சந்தர்ப்பங்கள் தம்மை முன்னிறுத்தும்போது பொறுமைசாலிகளே அத்தகைய சந்தர்ப்பங்களை சாதகமாக்கிக் கொள்கிறார்கள்.ஜியாங் ரோங்
முதலாம் உலகப்போர் 1914-ம் ஆண்டு துவங்கியது. உலக நாடுகள் எல்லாம் ஒன்றையொன்று தாக்கிக் கொண்டிருந்த நேரத்தில் அமைதிப் பூங்காவான தமிழகம் நவராத்திரி கொண்டாட்டங்களில் கவனம் செலுத்திக் கொண்டு இருந்தது. போர்க் காலம் என்பதால் வங்கக் கடலில் தீவிர கண்காணிப்புடன் இருந்தனர் ஆங்கிலேய படை வீரர்கள். அவர்களின் கண்களில் படாமல் சென்னை துறைமுகத்திற்கு 2.7 கி.மீ தொலைவில் கேப்டன் கார்ல் வான் முல்லர் தலைமையில் தமிழரான பொறியாளர் செண்பகராமன் உட்பட பல வீரர்களும் இருந்த எம்டன் போர்க்கப்பல் நங்கூரம் பாய்ச்சி நின்றது
போலந்து நாட்டில் உருவாக்கப்பட்டு.. எத்தகைய அலையிலும் முன்னேறிச் செல்லும் பொருள்கொண்ட எம்டன் கப்பல் ஒரு ஜெர்மானிய போர்க்கப்பல் ஆகும்.
ஆங்கிலேயர்களுக்கு சிம்ம சொப்பனமாக திகழ்ந்த, எம்டன் கப்பல், தன் பணி காலத்தில், 31 கப்பல்களை மூழ்கடித்திருக்கிறது. தன் வசீகர தோற்றத்தால், 'கிழக்கின் அன்னப்பறவை' என, எதிரி படைகளாலும் வர்ணிக்கப்பட்ட பெருமை, இதற்கு உண்டு. திடீர் தாக்குதல் மூலம் வெற்றி பெற்ற எம்டன் இருபதுக்கும் மேற்பட்ட கப்பல்களை கைப்பற்றியுள்ளது.
மோஸ்கெட் எனும் போர்கப்பலையும், செம்ச்சுக் எனும் ரஷ்யக் கப்பலையும் மூழ்கடித்துள்ளது.
கைப்பற்றப்பட்டவற்றுள் எஸ்.எஸ்.ரியாசான்,எஸ்.எம்.எஸ் கார்மோரான் என்பவைகள் ஜெர்மன் போர்க்கப்பலாக மாற்றம் செய்திருப்பது குறிப்பிடத்தக்கது.
அடுத்தடுத்து புயல் போல் வேகத்தில் வந்த குண்டுகள் முதலில் துறைமுகத்தில் இருந்த 'பர்மா ஆயில் கம்பெனியின்' 5000லிட்டர் கொள்ளளவு கொண்ட மண்ணெண்ணெய் கிடங்கை தாக்கியதில் முழுவதும் கொழுந்து விட்டு எரிந்தன. சென்னை மக்கள் அதனை நீண்டநேரமாய் வானவேடிக்கை பார்த்தனர்.
மூன்று கிடங்குகளும், ஒரு வர்த்தக கப்பலும் சேதமடைந்தது. சிறிய வணிக கப்பலை சுட்டு வீழ்த்தியதிலில் மூன்று பேர் உயிர் இழந்ததுடன் சிலர் காயமும் அடைந்தனர். சென்னை துறைமுகம் அறுபது சதவீதம் சேதம் அடைந்ததாக தெரிவித்தன்ர். உயர்நீதி மன்றத்தின் கிழக்குச் சுவர் உட்பட பல கட்டிடங்கள் சேதமடைந்தன. முதல் உலகப் போரில் இந்தியாவின் மீது நடந்த ஒரே தாக்குதல் இதுதான் எனும் பெருமையையும் எம்டன் தான் சென்னைக்கு பெற்றுத் தந்தது.
ஜெர்மானிய கப்பல் படையில் முக்கிய அங்கம் வகித்த, இந்த கப்பலுக்கு, 1913ல், வான் முல்லர் என்பவர், எம்டனின் கேப்டனாக பொறுப்பேற்றிருந்தார்.பல்வேறு வெற்றிகளைப் பெற்று தந்த ராசியான எமகாதகன் எம்டன் சீனா தேசத்தில் வெற்றிக் கொண்ட பெருமிதத்துடன் வங்காள விரிகுடாவில் வலது காலை எடுத்து வைத்து தக்க தருணத்தை எதிர்பார்த்து காத்திருந்தான். கேப்டன் தனது திட்டத்தை விளக்கி முடித்தவுடன்.
இரவு 9.30 மணியைத் தாண்டியவுடன் தாக்குதல் துவங்கியது. சற்றும் எதிர்பாராத ஆங்கிலேயர்கள் நிலைகுலைந்து போயினர். 13 சுற்றுகள் ஒரு சுற்றுக்கு 10 குண்டுகள் வீதம் 130 குண்டுகளிலும் சென்னையின் பெயர் எழுதப்பட்டிருந்தது. தாக்குதலில் இருந்து காக்க ஆங்கிலேயர்கள் புத்திசாலித்தனமாக நகர் முழுவதும் மின்சாரத்தை துண்டித்தனர். ஆனால் கலங்கரை விளக்கம் மற்றும் சென்னை உயர்நீதி மன்ற கோபுர விளக்கை அடையாளம் கொண்டு தாக்குதலை துவங்கினர்.
பிரிட்டன் படைகள், சுதாரித்து, எதிர்தாக்குதல் நடத்த, அரைமணி நேரத்திற்கும் மேல் ஆகிவிட்டது.
தாக்குதல் நடத்திய சில மணி நேரத்தில் மறைந்தது.சென்னை வாழ் மக்கள் பலருக்கு இந்த உண்மையே விடிந்தவுடன் தான் தெரிந்தது. விஷயம் அறிந்தவுடன் சிலர் பீதியில் ஊரைவிட்டு சென்றாதகவும் கூறப்படுகிறது.அப்போதைய சென்னை ஆளுநராக இருந்த பெண்ட்லாண்ட் ஓய்விற்காக ஊட்டி சென்றிருந்தார்.தகவல் அறிந்ததும் செப்டம்பர் 25ம் தேதி சென்னை திரும்பினார்.
ஆங்கிலேயரையே தலை குனிய வைத்த எம்டனை சென்னை மக்கள் பெருமையுடன்பேசினர்.வெடிக்காமல் கிடந்த குண்டு எழும்பூரில் உள்ள அரசு அருங்காட்சியகத்தில் காட்சிக்காக வைக்கப்பட்டுள்ளது.
#ஜெய்ஹிந்த் செண்பகராமன்
எம்டன் என்றவுடன் நினைவுக்கு வரும் பெயர் பொறியாளர் செண்பகராமன். இக்கப்பலில் உதவிப் பொறியாளராக பணியாற்றினார்.1891ல் திருவனந்தபுரத்தில் பணியாற்றிய காவல் அதிகாரியின் மகனாய் பிறந்த தமிழ்க் குடும்பத்தை சேர்ந்தவரான இவர், இளம் வயதிலேயே சுதந்திர வேட்கையுடன் இருந்தார். ஜெர்மானிய உளவு அதிகாரியான சர்.வில்லியம் உடன் தன் 17ம் வயதில் அயல்நாடுகளுக்கு சென்று கல்வி பயின்றார். சுவிட்ஸர்லாந்தில் அறிவியலில் பட்டமும், ஜெர்மனியில் பொறியியலில் முனைவர் பட்டமும் பெற்றார். 12க்கும் மேற்பட்ட மொழிகளை கற்றார்.
நிறவெறிக்கு எதிரான பார்வையும், அடிமைத்தளையை உடைத்தெறியும் கோபமும் இயல்பாகவே அவரிடம் இருந்தது.'ப்ரோ இந்தியா' பத்திரிக்கையை ஆரம்பித்து ஆங்கிலேயர்களுக்கு எதிராகவும்இந்தியாவுக்கு ஆதரவான செய்திகளையும் வெளியிட்டார்.
ஜெர்மனியில் கெய்சர் இவர்பால் ஈர்க்கப்பட்டு பல்வேறு நிகழ்ச்சிகளில் கலந்து கொண்டு பெர்லினில் சக்தி வாய்ந்த மனிதராக வலம் வந்தார்.1933ம் ஆண்டு வியன்னா நகரில் நடைபெற்ற மாநாட்டில் தான் ஜெய்ஹிந்த் என்ற வார்த்தையை பயன்படுத்தினார்.ஜெய் ஹிந்துஸ்தான் (jai Hindustan) எனும் வெல்க இந்தியா எனும் பொருளில் ஜெய்ஹிந்த் அமைந்திருந்தது. நேதாஜி இந்திய ராணுவ படைக்கு இந்த மந்திரத்தையே பயன்படுத்தினர்.
இந்தியர்கள் பிரிட்டிஷாருக்கு அடிமையாகவே இருக்கவே தகுதி படைத்தவர் எனக்கூறிய ஹிட்லரை தன் வாதத் திறத்தால் மன்னிப்பு கேட்க வைத்தார். இதனை வெறுத்த ஜெர்மானியர்கள் உணவில் விஷம் வைத்து கொன்றதாக கூறப்படுகிறது. இறக்கும் தருவாயில் மனைவி தனக்குப் பின் இந்திய சுதந்திரத்திற்காக போராட் வேண்டுமெனவும் தனது அஸ்தியை கரமனை ஆற்றிலும், நாஞ்சில் நாட்டு வயல்களிலும் தூவும் படியும் கூறிவிட்டு மறைந்தார்.
எம்டனின் இறுதிக்காலம்
சென்னை உள்ளிட்ட பகுதிகளை தாக்கிவிட்டு இறுதியாக ஆஸ்திரேலியா சென்றான் எம்டன்.அங்கு நடைபெற்ற கடற்படை சண்டையில் HMAS Sydney என்ற கப்பலினால் தாக்கப்பட்டதால் “எம்டன்”கப்பல் 1914 நவம்பர் 09 அன்று கடலில் தரைதட்டி நிறுத்தப்பட்டது.கப்பலில் இருந்த 376 பேரில் 133 பேர் கொல்லப்பட்டு மீதமுள்ளோர் சிறைபிடிக்கப்பட்டு மூழ்கடிக்கப்பட்டது.அப்போது வென்றஇந்த சிட்னி கப்பலை இரண்டாம் உலகப் போரில் ஜெர்மன் கப்பலான கார்மோரான் தாக்கி மூழ்கடித்து தானும் மூழ்கியது என்பது குறிப்பிடத்தக்கது.
சென்னையில் 'எம்டன்' கப்பல் குண்டு வீசிய பகுதியான உயர்நீதிமன்ற வளாகத்தில் நினைவு கல்வெட்டு அமைக்கப்பட்டுள்ளது. குண்டு வீசிய பொறியாளர் செண்பகராமனுக்கு சென்னை கிண்டியில் உள்ள காந்தி மண்டபத்தில் சிலை வைக்கப்பட்டுள்ளது. "நீரைவிட பலவீனமானது வேறொன்றுமில்லை ஆனால் வன்மையை வெற்றிக் கொள்வதில் அதைவிட உயர்ந்தது வேறொன்றுமில்லை"ம்என்பார் தாவோ. தனியொரு மனிதனாக அயல் தேசம் சென்றாலும் தாய் நாட்டின் விடுதலைக்கு பாடுபட்டு ஆங்கிலேயரால் பிடிக்க முடியாமல் உயிர்துறந்த செண்பகராமன் எம்டன் குண்டுவீச்சினை நினைக்கும் போதெல்லாம் நினைவு கூறப்படுவார்.
-மணிகண்டபிரபு
Tuesday 28 September 2021
செல்வேந்திரன்
நாளிதழ்களுக்கு ‘லிவிங் டெக்ஸ்ட் புக்’ என்றொரு சிறப்புண்டு. பாடப்புத்தகங்கள் கூட காலமாற்றத்தில் காலாவதியாகிவிடும். ஆனால், நாளிதழ்கள் அறிவைச் சுமந்து வருபவை.
தினம் தினம் புதிய விஷயங்களால் புதுப்பித்துக் கொள்பவை. நாளிதழைச் சுமந்து வருபவன் நமக்கு அறிவைச் சுமந்து வருகிறான். நாம் இந்த உலகோடுச் சமகாலப் பிரக்ஞையோடு உறவாட வகை செய்கிறவன் அவனே என்பது நம்மில் பலருக்குப் புரிவதில்லை
-செல்வேந்திரன்
Monday 27 September 2021
நாலடியார்
குறிஞ்சி யழகும் கொடுத்தானைக் கோட்டழகும்
மஞ்சள் அழகும் அழகல்ல-நெஞ்சத்து
நல்லம்யாம் என்னும் நடுவு நிலைமையால்
கல்வி அழகே அழகு
-நாலடியார்
நல்லொழுக்கத்தையும் அறிவையும் தருகிற கல்வியே மக்களுக்கு உயர்ந்தோர் அழகு
திருச்செந்தாழை
முதல் வார்த்தைக்கான யோசிப்புடன் தாமதித்த படியிருந்தனர்.
இருவருக்குமிடையே நிழல் வெளியை மெளனமாய்த் தின்று கொண்டிருந்தது பகல்
-பா.திருச்செந்தாழை
Sunday 26 September 2021
ஜெயமோகன்
“இலக்கியம் வாழ்க்கைக்குச் சோறு போடாது; ஆனால் சோற்றால் மட்டுமே நிரம்பி விடாத ஏதோ ஒன்று உனக்குள் இருக்குமாயின் அந்த இடத்தை இலக்கியம் நிரப்பும்”
-ஜெயமோகன்
பாரதியார்
மெய்மை கொண்ட நூலையே அன்போடு வேதமென்று போற்றுவாய்
வல்ல நூல் கெடாது காப்பார்
வாழி அன்னை வாழியே
வெற்றி கூறுமின் வெண் சங்கூதுமின்
கற்றவராலே உலகு காப்புற்றது
-பாரதியார்
பெரும்பாலும் ரயில்கள் ஏன் நீல நிறத்தில் இருக்கிறது?
1996 முன்பு ரயில் எல்லாம் ஒரு ரெட்டிஷ் reddish (துரு பிடிச்ச) கலரில் தான் இருந்தது..
1996 பிறகு ரயில் எல்லாவற்றிலும் வேக்கும் (vaccum)பிரேக் பொருத்தினார்கள்.அந்த ரயில் என்று வித்தியசாம் தெரிவதற்காக நீல நிறத்தில் வண்ணம் பூசினார்கள்.
#information
ஹெர்னியா
ஹெர்னியா என்பது பொதுவான பெயர். எந்த ஓர் உறுப்பும் அதன் இடத்தில் இருந்து இறங்குவதை ஹெர்னியா என்று கூறுவோம்.
அது மூளையாகக் கூட இருக்கலாம்.ஆனால் பொதுவாக ஹெர்னியா என்றாலே குடலிறக்கம் என நினைக்கிறோம்
#info
Friday 24 September 2021
ராமே ஆண்டாலும் ராவணன் ஆண்டாலும் விமர்சனம்*மணி
ராமே ஆண்டாலும் ராவணன் ஆண்டாலும் விமர்சனம்
*மணி
ஆட்டுக்கார அலமேலு, கும்கி, அழகர்சாமியின் குதிரை போல
விலங்கினை(மாடுகள்) மையமாய் வைத்து பின்னப்பட்ட கிராமத்துக் கதை.சூர்யா தயாரிப்பு, யூ ட்யூப் புகழ் கோடாங்கி வடிவேலு எல்லாம் நடிச்சிருக்காங்க.. ஒரு எதிர்பார்ப்பு இருந்தது.நிறைவேறுச்சானு கடைசியில் பார்ப்போம்
#கதை
காவல் நிலையத்தில் வெள்ளையன் கருப்பனை கானோம்னு கம்ப்ளைண்ட் கொடுக்க வர்றார் ஹீரோ மிதுன் மாணிக்கம்.யாருனு கம்ளைண்ட் எழுத விசாரிக்கும் போது
அது மாடுகள்னு சொன்ன போது விரட்டி விடுகிறார்.
உயிருக்குயிராய் வீட்டில் இருந்த
மாடுகளை தேட செல்லும் போது மீடியா செய்தியாளர் வாணிபோஜன் உதவியுடன் மாடுகளை கண்டுபிடித்தார்களா?அதன் மூலம் கிராமத்தில் என்னவெல்லாம் நடந்தது என்பதே கதை
#ப்ளஸ்
*அறிமுக நடிகர் மிதுன் மாணிக்கம், ரம்யா பாண்டியன், அப்பத்தா, வடிவேல் முருகன், வாணி போஜன் என முக்கிய கதாபாத்திரங்கள் நன்றாய் நடித்துள்ளனர்
*சுகுமாரின் ஒளிப்பதிவு பொட்டல் காட்டையும் கண் முன் அழகாய் காட்டுகிறது
*போகிற போக்கில் பாஜகவினரையும், சீமானையும் சீண்டிட்டு போயிருக்காங்க
*வடிவேல் முருகனின் டைமிங் வசனம் நன்று. இன்னும் கொஞ்சம் ஸ்கோப் குடுத்திருக்கலாம்
*கரண்ட்டே இல்லாமல் இலவச பொருள் கொடுப்பது
*இன்ஜுனியரிங் படித்த புரோட்டா மாஸ்டர் தேவை, இந்தியில் ஊர்ப் பெயர் இருக்கும் இணையத்தில் வந்த பளிச் டெம்ப்ளேட்டுகளையும் பயன்படுத்தியுள்ளனர்
#மைனஸ்
*காணாமல் போன மாடுகளால் படும் வேதனையை அனுதாபமாய் பார்க்க வைக்கிறாங்களே தவிர அழுத்தமாய் சொல்லியிருந்தால் ஆடியன்சும் பதறியிருப்பாங்க
*ரம்யா பாண்டியன் வீட்டிலிருந்து வந்த சீதனமாய் வந்த மாடுகள் மீது அவ்வளவு ஈர்ப்பு உடனே ஹீரோவுக்கு வருமா.அதற்கு எதாச்சும் அழுத்தமான காட்சிகள் இல்லை
*முதல் பாதியில் இருந்த க்ரிப் இரண்டாம் பாதியில் இல்லாததால் ஒரு சோர்வு வந்துவிடுகிறது.
*மாடு கதையா , அடிப்படை வசதி இல்லாத கிராமம் னு இன்னொரு ட்ராக் போவதால் எது மையக்கதைனு தெரியல
*லைனா மீடியா முழுக்க நுழையும் காட்சிகள்.
மாடுகளை பிள்ளை போல் வளர்க்கும் கிராமங்களை அறிவோம்.அவை உழவுக்கு,பால் கறக்க,வண்டி இழுக்க,குடும்பத்தின் ஜீவாதாரமாய் அந்த மாடுகள் இருக்கும்.அப்போது அந்த மாடுகள் பறிபோகும் போது நமக்கே பரிதாப உணர்ச்சி வரும். அடடா இனி அந்த குடும்பம் பொருளாதார தேவைக்கு என்ன செய்வார்கள் என்று.இது இப்படத்தில் மிஸ்ஸிங்.கரண்ட்டே இல்லாத கிராமம் இருக்கானு யோசிக்க வைக்கிறாங்க. கிராமத்து மனிதர்களையும் அவர்களின் எளிய வாழ்வியலையும் பேசியதற்காக பாராட்டலாம்.
சூப்பரும் இல்லை சுமாரும் இல்லை. மீடியம்.
ராமே ஆண்டாலும் ராவணன் ஆண்டாலும்
அழுத்தம் இல்லாததால் எந்த அனுதாபமும் இல்லை
-மணிகண்டபிரபு
Thursday 23 September 2021
பாரதியார் குறித்து இன்குலாப் சொன்ன வரிகள்
கவிஞர்களை அரசாங்கம் கண்ணியப்படுத்தும்
வாழ்ந்து பிணமானால் உன் போன்றோரை
பிணமாக வாழ்ந்தால் என் போன்றோரை
-பாரதியார் குறித்து இன்குலாப் சொன்ன வரிகள்
Wednesday 22 September 2021
யாழிசை மணிவண்ணன்
வேகத்தடைகள்..
சாலை விபத்துகளில்
அகாலமடைந்தவர்களின் புதைமேடுகள்.,
மௌன அஞ்சலிக்கான
மரியாதையாக இருக்கட்டும்
மெதுவாக கடந்திடுங்கள்.
-யாழிசை மணிவண்ணன்
ஜெயமோகன்
தன் வாழ்நாளில் இறந்து மீண்டும் பிறக்காதவன் வாழவே இல்லை என்று சொல்வேன்.நம்மில் அதைப் போன்ற ஒரு தருணம் வாழ்வில் அமைந்திருக்கும்.நம்மை கண்டடையும் தருணம் அது.
முன்பிருந்த நாம் எச்சமில்லாமல் அழுந்து, முற்றிலும் புதிய ஒருவர் நம்மில் எழுவது தான் மறுபிறப்பு
-ஜெயமோகன்
சமஸ்
ஒரு மனிதர் அகச்சூழலில் சுதந்திரத்தை அனுபவிக்க வேண்டும் என்றால், புறச்சூழலிலும் சுதந்திரத்தை அவர் உணர வேண்டும். சுதந்திரவுணர்வுக்கு எதிராக ஒருவரை ஒடுக்கி வைத்திருப்பது அச்சம். நவீன வாழ்வில் பொருளாதாரத்துக்கு இதில் முக்கியமான பங்கு உண்டு.
-சமஸ்
Friday 17 September 2021
பெரியாரின் பொன்மொழிகள் நூறு
தில்லி எலிக்கு வான் பருந்து தெற்குத் திசையின் படை மருந்து கல்லாதோர்க்கு நன் மருந்து கற்றவர்க்கு வண்ணச் சிந்துபெரியார் குறித்து பாரதிதாசன்
பெரியாரை முதல் முதலில் தெரிந்து கொண்டது ஆறாம் வகுப்பு தமிழ் புத்தகத்தில் தான்.'தொண்டு செய்து பழுத்த பழம்..' என ஆரம்பிக்கும் பாடலில் அவரின் முழு உருவமும் தெரிந்தது.பின்பு காலஒட்டத்தில் அவரை படிக்கும் போதெல்லாம் பல விஷயங்கள் அறிய முடிந்தது. முனைவர் நன்னன் தொகுத்த பெரியாரைக் கேளுங்கள், பெரியார் கணினி, பெரியார் களஞ்சியம்,பெரியார் மொழிகள் என்று அவர் சொன்ன கருத்துகள் எல்லாம் அவ்வப்போது குறித்து வந்துள்ளேன்.'பெரியாரை துணைகொள் என்பது போல் சில வரிகள் நெற்றிப் பொட்டில் அடித்தது போல் இருக்கும், சில வரிகள் தத்துவார்த்தமாய் இருக்கும்.
பெரியாரின் இக்கருத்துகள் யாவும் படித்த கருத்துகளோ, மேலை நாட்டு சிந்தனையோ அல்ல.. தம் கண் முன் கண்ட காட்சிகளை கருத்தாக கூறியிருக்கிறார்.அவற்றையும் பகுத்தறிவு கொண்டு தெளியும்படி வலியுறுத்தியிருக்கிறார்.அறிவும், அனுபவமும் மனிதர்க்கு இருப்பதால் அதை ஆராய்ந்து தெளிய அறிவுறுத்துகிறார்.
இதில் எளிமையும் இனிமையும் நிறைந்த 100 பொன்மொழிகளில் உள்ளன
*காலமெல்லாம் மடையனாக இருந்து சாவதைவிட அறிவைக் கொண்டு சிந்திக்க வேண்டும் என்றார்.from bad to the worse என்பது போல் கெட்டதிலிருந்து கழிசடைக்கு செல்லாமல் பார்த்துக்கொள்ள வேண்டும்.
*" என்னை கடவுள் நம்பிக்கை இல்லாதவன் என்கின்றனர் சிலர் உண்மை அஃதன்று;நான் நம்பிக்கை வைக்க அப்படி எதுவும் இருப்பதாக புலப்பட காணோமே என ஏங்குபவன் நான்
*கடவுள் மறுப்பாளன் என்று என்னை குறிப்பிடாதீர்கள். அதனையும் தேடி அலைந்து அலுத்துக் களைத்து ஓய்ந்தவன் என்று வேண்டுமானால் என்னை குறிப்பிடுங்கள். ஏனெனில் நான் கடவுள் வேண்டாம் என்று அது இருக்கக் கூடாது என்று கூறவில்லையே
*மக்களில் இரண்டு விதப் பிறவி உண்டு ஒன்று மக்களைப்போல் மக்களை அனுசரித்து மக்கள் விருப்பப்படி நடப்பது; மற்றொன்று தங்களை மக்களில் ஒருவன் என்றே கருதாமல் தங்களை தனிப்பிறவி என்று கருதிக்கொண்டு மக்கள் கருத்தை பற்றி கவலை இல்லாமல் நடப்பது.என தலைவனை பற்றி கூறுகிறார்
* எதிரிகளுடன் போராடுவது முக்கிய வேலை தான் ஆயினும் அதைவிட முக்கியம் துரோகிகளை ஒழிக்க போராடுவது ஆகும்
* எவனுக்கு பொய் சொல்ல தைரியம் இருக்கின்றதோ எவனுக்கு பொருள் செலவு செய்ய சக்தி இருக்கிறதோ எவனுக்கு பொய் பிரச்சாரம் செய்ய சௌகரியம் இருக்கிறதோ அவனுக்கு வெற்றி கொடுக்க நம்நாடு தயாராக இருக்கிறது
*வாழ்க்கை ஒழுக்கத்தில் கணவனுக்கு ஒரு சட்டம் மனைவிக்கு வேறு சட்டம் இருக்கிறது
* நிந்தனையான பேச்சுக்கள் எப்போதும் ஒரு விஷயத்துக்கு நியாயமான பதிலாக முடியாது
* வளைய முடியாத (கொள்கையுள்ள) கல்தூணில் (போட்டி என்னும்) பிளவு ஏற்பட்டால் பிறகு அபாயத்தை தான் எதிர் பார்க்க நேரிடும்
* நமக்கெல்லாம் கடவுள் எது என்றால் இந்தப் புராணங்களில் வரும் பாத்திரங்கள் கடவுள்களாக இருக்கின்றனவே தவிர தத்துவப்படி ஆன கடவுள் நமக்கு இல்லை
* கையாலாகாதவனுக்கு கடவுள் துணை, அறிவு இல்லாதவனுக்கு ஆண்டவன் செயல். தவற்றை உணரமுடியாத உனக்கு தலைவிதி
*கணவனிழந்த பெண்ணை எப்படி விதவை என்று கூப்பிடுகிறோமோ அது போலவே மனைவி இழந்த புருசனை விதவன் என்று கூப்பிட வேண்டும்.
*மற்ற நாடுகளில் மக்களை ஒன்று படுத்தவே கடவுள் மதம் இருக்கின்றன. நமது நாட்டில் மக்களை வேறு வேறாக பிரிக்கவே கடவுள் மதம் இருக்கின்றன
*சிந்திப்பவன் மனிதன்
சிந்திக்க மறுப்பவன் மதவாதி
சிந்திக்காதவான் மிருகம்
சிந்திக்க பயப்படுகிறவன் கோழை
* கல்லை கடவுளாக்கும் மந்திரங்கள் ஏன் ஒரு மனிதனை மற்ற மனிதனுக்கு சமத்துவமான மனிதனாக்க கூடாது
* மற்ற நாடுகளில் மக்களை ஒன்று படுத்தவே கடவுள் மதம் இருக்கின்றன. நமது நாட்டில் மக்களை வேறு வேறாக பிரிக்கவே கடவுள் மதம் இருக்கின்றன
*உலகிலுள்ள மக்களில் பலருக்கு கடவுள் நம்பிக்கை இருக்கிறது என்றாலும் அவர்களெல்லாம் நம்மைப் போல் முட்டாள் தனமாக கடவுளை நம்புவதில்லை
*மனிதன் பிறந்தநாள் முதற்கொண்டு சாகின்ற வரையில் உலகில் மாணவனாக இருக்கிறான்.அவன் கற்றுக்கொள்ள வேண்டியது அவ்வளவு இருக்கின்றது.
* பச்சை உண்மையானது மக்களுக்கு எப்போதும் கலப்பு உண்மையை விட அதிகமான அதிருப்தியை கொடுக்கக்கூடியதாக இருக்கும். உண்மையை மறைக்கப் பேசுவது என்பது, எப்போதும் பேசுகின்றவனுக்கும், பேச்சு கேட்பவர்களுக்கும் திருப்தியை கொடுக்கக்கூடியதாக இருக்கும். திருப்தியை உண்டாக்கும்படியும் செய்து கொள்ளலாம். ஆனால் உண்மை பேசுவதன் மூலம் அப்படி செய்ய முடியாது.
*ஊரார் உழைப்பைக் கொள்ளை கொள்ளாமல் எவனும் பணக்காரனாக முடியாது.
*முட்டாள்தனம் சுலபத்தில் தீப்பிடிக்கக் கூடியது.அறிவு சற்று தீப்பிடிக்க தாமதமாகும்.
*ஊரில் பேசிக் கொள்கிறார்கள் என்பது கீழ்த்தரமான தன்மையாகும்
*மானமுள்ள ஆயிரம் பேருடன் போராடலாம்;மானமற்ற ஒருவருடன் போராடுவது கஷ்டமான காரியம்.
*ஓய்வு ,சலிப்பு என்பவற்றைத் தற்கொலை என்றே கருதுகிறேன்.
*நீ இன்ன காரியம் செய்தால் உன் பாவம் மன்னிக்கப்படும்;பரிகாரமாகி விடும்;நீ பாவமற்றவனாக ஆகிவிடுவாய் என்று சொல்வதால் ஒழுக்கக்கேடே வளர்கிறது.
*தெரியாததை,இல்லாததை நம்ப வேண்டும்; ஏற்றுக்கொள்ள வேண்டும் என்பதால் மனிதன் அறிவு பெற முடியாமல் சிந்தனா சக்தியற்றவனாக ஆகி விடுகின்றான்.
*என்ன கஷ்டப்பட்டாவது மறு உலகத்தை தயவு செய்து மறந்துவிட்டு இந்த உலக நடவடிக்கைகளுக்கு உங்களுடைய வாழ்க்கையைப் பொருத்துங்கள்.
*எண்ணெய் இருந்தால்தான் விளக்கு எரியும் என்பது போலச் சிந்தனை இருந்தால்தான் உண்மை விளங்க முடியும்.
*உள்ளதைப் பங்கிட்டு உண்பது, உழைப்பைப் பங்கிட்டுச் செய்வது என்ற நிலை ஏற்பட்டால் கடவுளுக்கு வேலையோ அவசியமோ இருக்காது.
*ஒருவன் தன் தேவைக்கு மேலே எடுத்துக் கொள்ளாவிட்டால் எல்லோருக்கும் வேண்டியவை கிடைத்துவிடும்.
*துறவிகள் மோட்சத்திற்கு போக வேண்டும் என்று பாடுபடுகின்றார்களே தவிர, சமூகத்தில் மனித மேம்பாட்டுக்காக பாடுபடுவதில்லை
*முன்நோக்கிச் செல்லும் போது பணிவாக இரு.. ஒருவேளை பின்நோக்கி வர நேரிட்டால் யாராவது உதவுவார்கள்.
*ஒரு காலத்து முறைகளே எக்காலத்துக்கும் என்றால் மனிதனுக்கு அறிவு வளர்ச்சி இல்லை என்பதுதான் பொருள்.
*விதி என்பது மிதிக்கப்பட்டவர்களுக்கும் ஒடுக்கப்பட்டவர்களுக்கும் கொதித்து எழாதிருக்க செய்யப்பட்ட சதியாகும்
*பிச்சைக்காரனுக்குச் சோறு போடுவது நாத்திகமேயாகும். ஏனெனில் கடவுள் பார்த்து ஒருவனை அவனது கர்மத்திற்காகப் பட்டினி போட்டிருக்கும் போது நாம் அவனுக்கு சோறு போடுவது கடவுளுக்கு விரோதமான செயல் தானே.
*நாத்திகம் என்றால் தன் அறிவுகொண்டு எதையும் ஆராய்ந்து பார்ப்பவன்
*சமுதாய சீர்திருத்தத்தின் கடைசி எல்லை பொதுவுடைமை என்பதைப் போலவே நாத்திகமும் அறிவின் உண்மையான கடைசி எல்லையாகும்
*தண்டனை என்பது குற்றவாளிக்குக் கஷ்டத்தைக் கொடுக்கக் கூடியதாய் இருக்க வேண்டுமே தவிர,கண்டிப்பாய் சுகம் கொடுக்கக் கூடியதாக இருக்க கூடாது
*தேசாபிமானம் பாஷாபிமானத்தை விட உயர்ந்தது மனிதாபிமானம்
*மக்கள் தங்கள் தகுதிக்கேற்ற தலைவரைத் தேர்ந்தெடுக்கிறார்கள்
*ஆயுதமும் காகிதமும் பூஜை செய்ய அல்ல..புரட்சி செய்ய..
*எப்போதும் நான் நன்றி பெறுவதில் கவலைப்படுவதே இல்லை.மனித ஜீவனிடம் நன்றி எதிர்பார்ப்பது அறிவில்லாத தன்மையே யாகும்
*நன்றி என்பது பலன் பெற்றவர் காட்ட வேண்டிய குணம்.செயல் செய்தவர் எதிர்பார்க்கக் கூடாது
*என்னை 'உண்மையாய்' எதிர்க்கத் துவங்குங்கள். அந்த உண்மை ஏன் எதிர்க்கின்றோம் என்ற கேள்வியை மூளைக்குள் எழுப்பும். அந்த கேள்விக்கான தேடல் நீங்கள் மதத்தின் பெயராலும், கடவுளின் பெயராலும் இந்தியாவில் எப்படிப்பட்ட அடிமுட்டாளாய் வாழ்கிறீர்கள் எனும் விடையில் கொண்டு சேர்க்கும் -
*அச்சத்துக்கும் அறியாமைக்கும் பிறந்த குழந்தையே கடவுள்
*நான்கு ஆண்களும்,ஒரு பெண்ணும் குடும்பத்தில் இருந்தால் முதலில் அந்தப் பெண்ணைத்தான் படிக்க வைக்க வேண்டும்
*அறிவுக்கு ஏற்றது,மக்களுக்கு நன்மை பயப்பது,மக்களின் அறிவை வளர்ச்சியடையச் செய்வது எதுவோ அதைப்பற்றி பேசு
*ஆரியமே! நீ என்னை முழ்கடிக்க முயற்சிக்கும் பேரெல்லாம் ஆழிப்பேரலையாய் உயர்ந்து வருவேன்.
*கல்வி அறிவும்,சுயமரியாதை எண்ணமும்,பகுத்தறிவுத் தன்மையுமே தாழ்ந்து கிடக்கும் மக்களை உயர்த்தும்!
*உன்னை யோசிக்க வைப்பதுதான் என் நோக்கமே தவிர..என்னைப் பின்பற்று,உன்னை மாற்றிக்கொள் என்பது அல்ல..நீ நீயாகவே இரு.!
*முற்போக்கு அறிவும்,அக்கறையும் வளர வளர, புரட்சிகள் ஏற்பட்டுக் கொண்டேதான் இருக்கும்.
*என் கஷ்டத்தைச் சாத்திரமும், மதமும், கடவுளும் கவனிக்கவில்லை. ஆதலால் நான் ஏன் அவைகளை மதிக்க வேண்டும்?
*தகுதியும், திறமையும் பெறத்தான் ஒருவன் பள்ளிக்கோ, கல்லூரிக்கோ வருகிறான்.ஆனால் பள்ளிக்கோ கல்லூரிக்கோ வரவே தகுதி திறமை தேவை என்பது மிகப்பெரிய அயோக்கியத்தனம் "
*அறிவுக்கும் அனுபவத்திற்கும் ஒத்து வராததைப் பயத்தால் நம்புகிறவன் பக்குவமடையாத மனிதனாகிறான்
*மனித வாழ்வில் வெற்றி என்னவென்றால் அவனவன் மனத் திருப்தியோடு வாழ்வதுதான்
*மற்றவர்களிடம் பழகும் விதத்தையும், ஒழுக்கத்தையும் சிறுவயதிலேயே நன்றாக ஒருவன் கற்றுக் கொண்டானானால் அவனே வாழ்வில் பெரிய மனிதனாகிறான்
*மனசாட்சி என்று சொல்லுவதே அகிம்சை என்பதைப் போல கோழைகளுடைய ஆயுதமாகிவிட்டது
*ஒருவன் வாழ்வது என்பது அவனுடைய வாழ்க்கையால் பிறர் நன்மையடைந்தார்கள், மற்றவர்கள் சுகங்கண்டார்கள் என்று அமைய வேண்டும்.
*மந்திரிப் பதவி பெரிதல்ல; பணக்காரனாக இருப்பதும் பெரிதல்ல;மனிதனாக வாழ்வதுதான் பெருமை
*எந்த மனிதனுக்கும் அவனுடைய கருத்தை எடுத்துச் சொல்ல உரிமையுண்டு.அதைத் தடுப்பது அயொக்கியத்தனம்
*மனிதன் தன் வாழ்நாளில் அடைந்த வெற்றிக்கு,மேன்மைக்கு அறிகுறி, முடிவின் போது அடையும் புகழ்தான்
*மதம் மனிதனை மிருகமாக்கும் சாதி மனிதனை சாக்கடையாக்கும்
*சாதியின் கடைசி வேர் அறுபடும்வரை என் சிந்தனைகள் தொடரும்
*எந்த பாவத்தை செய்தாவது சாதியை ஒழிக்க வேண்டும்..
*ஒரு கருத்தை யார் சொல்லியிருந்தாலும் நானே சொல்லியிருந்தாலும் பகுத்தறிவுக்கு முரணாக இருந்தால் அதை ஏற்றுக்கொள்ளாதே"
*ஆத்மாவைப் பற்றி பேச வேண்டுமெனில் அறிவையும், அனுபவத்தையும் தூர வைத்துவிட்டு வெறும் நம்பிக்கை மீதே ஒப்புக்கொண்டு பேச வேண்டியதாய் இருக்கிறது.
*ஆத்மா என்பது ஆகாயத்தில் தளவாடம் இல்லாமல் கட்டப்பட்ட ஒரு கோட்டை
*நூறு அறிவாளிகளுடன் மோதுவதை விட, ஒரு மூடனோடு மோதுவது மிகச் சிரமமானது
*என் அபிப்ராயத்தை மறுக்க உங்களுக்கு உரிமை உண்டு.ஆனால் என் அபிப்ராயத்தை வெளியிட எனக்கு உரிமையுண்டு.
*எதிரியை அடக்கணும், அவனை ஒழிக்கணும் என்றால் நாம் அவனை வெறுக்கணும். கூண்டோடு நம்மை அவன் ஒழித்தாலும் சரி என்று துணிந்து இறங்கினால் தானே அவன் பயப்படுவான்
*நாதசுரக்குழாயாய் இருந்தால் ஊதியாக வேண்டும்; தவுலாயிருந்தால் அடிபட்டுத்தானாக வேண்டும் என்பது போல் எனக்குத் தொண்டை, குரல் உள்ள வரை பேசியாக வேண்டும்; பிரசங்கம் செய்தாக வேண்டும்
*நானே எழுதி, நானே அச்சுக்கோர்த்து, நானே அச்சடித்து, யாரும் வாங்காவிட்டாலும் நான் ஒருவனே படிப்பேன்
*வேறு ஒருவன் வந்து உங்களுக்கு உதவி செய்வான் என்று எதிர்பார்ப்பதும் பெரிய முட்டாள்தனமாகும். உங்களையே நீங்கள் உபயோகப்படுத்திக் கொள்ளத் துணிவு கொள்ள வேண்டும்
*நம்மை எவன் இழிவுபடுத்துகிறானோ, அவனை நாம் மதிப்பதில்லை என்று முடிவு கட்டிக்கொள்ள வேண்டும்.
*சாதியை ஒழிப்பது என்பது செங்குத்தான மலையில் தலைகீழாக ஏறுவது போன்றது.
*தலைவிதி,முன் சென்மக் கர்மப்பலன் என்பவைகள் மனிதனுடைய முட்டாள்தனத்துக்கும் அயோக்கியத்தனத்துக்கும் பரிகாரமாக்கப்படுகிறது.
*சகுனம் பார்க்கிறோமே! சாப்பிடும் போது சகுனமோ, ராகுகாலமோ பார்க்கிறோமா?நீதி மன்றத்தில் ராகுகாலம் பார்த்தால் என்ன ஆகும்?
*வெங்காயத்தை உரித்துக்கொண்டே போனால் கடைசியில் எதுவுமே மிஞ்சாது. ஒன்றும் இல்லாத பூஜ்யப் பேர்வழிகளைத் தாக்கவே அந்த வார்த்தையைப் பயன்படுத்துகிறேன்
*எனக்கு என்ன யோக்கியதை இருக்கிறதென்றால் துணிவு ஒன்றுதான்.வேறு எந்த யோக்கியதையும் எனக்கு கிடையாது.
*யாரோ ஒருவன், எப்போதோ ஒரு காலத்தில், ஏதோ ஒரு மொழியில், என்னமோ ஒரு உத்தேசத்தின் மீது சொன்னதாக, யாராலோ எழுதி வைக்கப்பட்டதை ஒப்புக்கொண்டு பின்பற்றச் சம்மதிப்பதை விடப் பெரிய அடிமைத்தனம் வேறு இல்லை
*வாழ்த்து என்பது ஒரு சம்பிரதாயம் ஒழிய அதனால் எந்த பயனும் இல்லை. இந்த முறை எல்லாம் 2000 ஆண்டுகளுக்கு முந்தியது.
*சுயமரியாதை உடையவன் இந்தியை ஆதரிக்க மாட்டான்
*பகுத்தறிவு என்பது ஆதாரத்தைக் கொண்டு தெளிவடைவதாகும்
*எந்த மனிதனும் எனக்கு கீழானவன் இல்லை.அதேபோல் எவனும் எனக்கு மேலானவனும் இல்லை
*கல்வியினுடைய குறிக்கோள் என்பது பணம் சம்பாதிப்பது மாத்திரம் என்று நினைக்கக் கூடாது
*முட்டாள்கள் உள்ள வரை அயோக்கியர்கள் ஆட்சி செய்வார்கள். இதுதான் ஜனநாயகம்
*மூட்டை தூக்கும் பொழுது பாரத்தினாலே நான் கஷ்டப்பட்டிருப்பேனே தவிர, வெட்கத்தினால் ஒரு போதும் கஷ்டப்பட்டதில்லை.
*கோர்ட் மக்கள் சவுகரியத்திற்காகவே தவிர, வக்கீல்கள் சவுகரியத்துக்காக அல்ல
*பக்தி ஆசையிலிருந்தும் அன்னியர் பார்த்து மதிப்பதிலிருந்தும் வளருகிறது
*பக்தி ஆசையிலிருந்தும் அன்னியர் பார்த்து மதிப்பதிலிருந்தும் வளருகிறது
*நமது அறிவிக்கு ஒரு காரியம் சரி என்று பட்டாலும் அனேக விஷயங்களை உணர்ந்தே அதைப் பிரயோகிக்க வேண்டும்
*எனக்கும் கடவுளுக்கும் என்ன முன்விரோதமா?நான் அவரைப் பார்த்ததுகூட இல்லை!’
*கீழ்சாதி என்பதற்கும், தொடக்கூடாதவர் என்பதற்கும் மதத்தையோ கடவுளையோ காரணம் காட்டுவது வெறும் பித்தலாட்டம்.
*பக்தி என்பது தனிச்சொத்து ஒழுக்கம் என்பது பொதுச்சொத்து
*பக்தி வந்தால் புத்தி போகும்; புத்தி வந்தால் பக்தி போகும்
*எந்த இனம் தன்னுடைய உரிமைக்காகப் போராட முன் வரவில்லையோ அந்த இனம் உரிமைகளை அனுபவிக்க தகுதியற்றது
*எங்கே விழுந்தாய் என்று பார்க்க வேண்டிததில்லை..எங்கே வழுக்கியது என்று பார்க்க வேண்டும்
*இந்த சமுதாயத்தை மானமும் அறிவுமுள்ளதாக மாற்றவும், மனிதனுக்கு மனிதன் ஜாதிய ஏற்றத்தாழ்வில்லாமல் வாழச் செய்வதே என் லட்சியம்
*என்னைக் கடவுள் நம்பிக்கை இல்லாதவன் என்கின்றனர். நம்பிக்கை வைக்கத்தக்க அப்படி எதுவும் இருப்பதாக புலப்படக் காணோமே என ஏங்குபவன் நான்
*சேவை என்பது கூலியை உத்தேசித்தோ, தனது சுயநலத்தை உத்தேசித்தோ செய்வதல்ல. மற்றவர்கள் நன்மை அடைவதை பார்த்து மகிழ்ச்சியும் திருப்தியும் அடைவதற்காகவே செய்யப்படும் காரியம் தான்
*தொடர்ந்து கற்றுக்கொள்,
ஆய்வு செய்
உருமாறு.!
இதில் உள்ள கருத்துக்கள் எல்லாம் சிலரால் ஏற்றுக் கொள்ளாமல் போகலாம்.ஆனால் ஏதேனும் ஒரு கருத்து உங்கள் இதயத்தை தொட்டது என்றால் அதுவே பெரியாரின் வெற்றி.இந்த வரிகளோடு நம் வாழ்வை உயர்த்த விரும்பிய பெரியாரை இந்த நன்நாளில் நினைவு கூர்வோம்.
- மணிகண்டபிரபு
Subscribe to:
Posts (Atom)