ஜெமோ

மனப்பிழைகள் பத்து
-ஜெமோ

சீசனல் என்ற வணிகம் சம்பந்தமான ஆங்கிலப்பத்திரிகையை யாரோ கொச்சி விமானநிலையத்தில் விட்டுச்சென்றிருந்தார்கள். அதில் வந்த ஒரு கட்டுரையை ஆர்வமில்லாமல் வாசிக்க மெதுவாக சுவாரசியம் ஏற்பட்டது. பொதுவாக நான் ’உன்னால்முடியும்தம்பி’ வகைகளை வாசிப்பதில்லை. இந்தக்கட்டுரை அப்போது கொஞ்சநேரம் என்னைப்பற்றி யோசிக்கவைத்தது.

அன்றாட வாழ்க்கையில்நாம்செய்யும் பத்து மனப்பிழைகளை சுட்டிக்காட்டுகிறார் ஆசிரியர் கட்டுரையில் எங்கும் ஆசிரியர் பெயரே இல்லை.

1.சூதாட்ட புத்தி Gamplers falacy

தற்செயல்களைப்பொறுத்தவரை இதுவரை நடந்தவற்றுக்கு ஒரு ஒழுங்கு இருக்கிறது, ஆகவே இனிமேல் இப்படி நிகழும் என்று ஊகித்துக்கொள்வது. பகடை பன்னிரண்டில் நான்குமுறை பூஜ்யம் விழுந்திருக்கிறது ஆகவே இனிமேலும் பூஜ்யம்தான் விழும் அல்லது இனிமேல் பூஜ்யமே விழாது என்று எண்ணிக்கொள்வதுபோன்றது. இதுவரை என்ன வாய்ப்புகள் இருந்தனவோ அதே வாய்ப்புகள்தான் இனிமேலும் இருக்கின்றன, இதுவரை நிகழ்ந்தது இனிமேல் நிகழ்வதை மாற்றாது என்பதே உண்மை

2 எதிர்வினைமனநிலை Reactivity

கவனிக்கப்படுகிறோம் என்று தெரியும்போது வேறுவகையில் நடந்துகொள்வது. பலசமயம் சிறப்பாகவும் பண்பாகவும்தான் நடந்துகொள்வோம். ஆனால் எப்போதும் அப்படி அல்ல. பெரும்பாலும் சம்பந்தப்பட்டவரின் உண்மையான இயல்புக்குப் பதிலாக அவர் காட்டவிரும்பும் இயல்புகள் வெளிப்படும்.

3 சாதாரண விஷயங்களை உள்ளர்த்தபடுத்திக்கொள்ளுதல் Pareidolia

சாதாரணமாக நிகழும் நிகழ்ச்சிகளுக்கு, அல்லது காட்சிகளுக்கு உள்ளுணர்ச்சி சார்ந்து ஏதேனும் அர்த்தங்களை கற்பித்துக்கொள்ளுதல். வீட்டை விட்டுக் கிளம்பும்போது கால்தடுக்கியது கெட்ட சகுனம் என்பதில் இருந்து காகம் Go go! என்றுதான் கூவுகிறது என எண்ணிக்கொள்வது வரை பல விஷயங்கள்.

4 தன்செயல்களை தானே முன்னூகம்செய்து நிகழ்த்திக்கொள்ளுதல் Self fulfilling prophecy

இந்தவிஷயம் சரியாக வரும் அல்லது வராது என முன்னரே எண்ணிக்கொள்ளுதல். அப்படி எண்ணிக்கொள்வதனாலேயே பெரும்பாலும் அதை நம்மையறியாமலேயே நாம் நிகழ்த்திக்கொள்ள ஆரம்பிப்போம். ஒருவருடனான உறவு சரியாக வராது என ஏனோ என்ணுவோம், அந்த எண்ணம் அப்படியே நம் செயல்களில் தெரியும். உறவு முறிந்துவிடும்.

5 தெரிந்தசிலவற்றை வைத்து தெரியாதவற்றை நிரப்பிக்கொள்ளுதல் Halo effect

ஒரு விஷயத்தைப்பற்றி அல்லது ஓர் ஆளுமையைப்பற்றி சிலவற்றை தெரிந்துகொண்டு அவற்றை ஒரு வார்ப்பாக ஆக்கிக்கொண்டு தெரியாதவற்றை ஊகித்தல். ஊகத்தைக்கொண்டு எல்லா இடங்களையும் நிரப்பிக்கொள்ளுதல். ’அன்னிக்கு அவன் அப்டி சொன்னப்பவே நினைச்சேன் அவன் வேற மாதிரி ஆளுன்னு’ என்பது போன்ற ஊகங்கள்.

6 மந்தை மனநிலை Herd mentality

எல்லாரும் செய்கிறார்கள் என்று ஒன்றை செய்வது. பலரில் ஒருவராக இருப்பதன் பாதுகாப்பை நாடுவது. மோஸ்தருக்கு ஏற்ப உடை மாறுவது முதல் அரசியல்சரிநிலைகள் வரை

7 நம்மிடம் சொல்லப்படுவதற்கு அல்லது எதிர்பார்க்கப்படுவதற்கு எதிராகச் செய்தல் Reactance

நாம் என்ன செய்வோம் என பிறர் நினைக்கிறார்களோ அதற்கு எதிராகச் செயல்படுவது நமக்கு ஒரு தன்னம்பிக்கையை ரகசியக் குதூகலத்தை அளிக்கிறது. பெரும்பாலும் நம்மை தனித்துக்காட்டுவதற்காக இபப்டிச் செய்கிறோம். . பிறரை அதன் மூலம் வெல்வதாக எண்ணிக்கொள்கிறோம். ஆனால் நம் ஆளுமையை இவ்வாறு பிறர் இட்டுச்செல்ல இடம் கொடுக்கிறோம்

8 இன்றைய சிறிய லாபங்களை நாளைய பெரியலாபங்களுக்கு மேலாக நினைத்தல் Hyperbolic discounting

காத்திருக்க பொறுமையில்லாமல் இருப்பது பெரும்பாலும் பொதுமக்களின் இயல்பு. நாளை கிடைக்கும் பெரிய ஒன்றுக்காக காத்திருப்பதைவிட இன்றே ஏதாவது கிடைத்தால் பெற்றுக்கொண்டு செல்வதையே மனம் இயல்பாக நாடுகிறது. நாளை மீதான அவநம்பிக்கை, தன் மீதான அவநம்பிக்கை. காரணம் பொதுவாக நிச்சயமின்மையிலேயே வாழக்கூடிய மனநிலைதான். பொறுமைக்கு அடிப்படையாக இருப்பது நம்பிக்கைதான்

9 தெரிந்தவற்றிலேயே தங்கிவிட விரும்புதல் Escalation of commitment

ஏற்கனவே பழகிப்போன ஒன்றை, அல்லது ஏற்கனவே செய்துகொண்டிருக்கும் ஒன்றை, அல்லது தானே ஆரம்பித்த ஒன்றை அது தவரென தெரிந்தபின்னரும் பிடிவாதமாகச் செய்வது சாமானியர்களின் முக்கியமான மனப்பிழை. நாமே ஆரம்பித்த செயலாகையால் அதை நியாயப்படுத்திக்கொள்வோம். புதியவற்றை செய்ய தயங்கி பழையவற்றை மீண்டும் மீண்டும் சாதகமாக புரிந்துகொள்வோம்

10 நம்பிக்கையை சார்ந்திருத்தல் Placebo effect

மருத்துவர்கள் வெறும் தூயநீரை ஊசியாகப்போட்டு நோய்களை குணப்படுத்துவது போல பலசமயம் நம்முடைய உறுதியான நம்பிக்கை சிறிய பலன்களை அளிக்கும். கடவுள்நம்பிக்கை அத்தகையது. ஆனால் அதைநம்பி இருந்தால் உண்மையான பெரிய சிக்கல்களில் நாம் உடைந்து போக நேரிடும்.

கட்டுரையை வாசித்தபின் விமானத்தில் திருவனந்தபுரம் வரை யோசித்துக்கொண்டிருந்தேன். இந்த பத்தையும் ஒரேவரியாகச் சுருக்கலாம். உள்ளுணர்வை தவிர்த்துவிட்டு தர்க்கபுத்தியை தீட்டிக்கொள்ளுதல். ஒரு நல்ல வியாபாரிக்கும், நிர்வாகிக்கும் இது அவசியத்தேவை. ஆனால் இந்த பத்தையும் ஒரு கலைஞன், ஒரு சிந்தனையாளன் வெட்டிவிட்டான் என்றால் அவனை வழிநடத்த ஆழ்மனமே இல்லாமலாகும். ’மின்னல்கள்’ வராமலாகும். அவன் பொதுப்புத்தி சார்ந்து மட்டுமே பேசவேண்டியிருக்கும்

ஆக, இந்தபத்துக்கும் எதிராக இருந்து மோசமான வணிகராக மோசமான நிர்வாகியாக நீடிப்பதே எழுத்தாளனுக்கு அழகு. ஆகா, என்ன ஒரு நிம்மதி. அப்படியே தூங்கிவிட்டேன்

லா.ச.ரா

[23/04, 3:29 pm] மினிமீன்ச்: அழுபவர் அழட்டும்
சிரிப்பவர் சிரிக்கட்டும்
இறப்பவர் இறக்கட்டும்
இருப்பவர் இருக்கட்டும்
நான் இயங்கிக் கொண்டே இருக்கிறேன்
இது என் இயற்கை
-லாசரா

[23/04, 3:31 pm] மினிமீன்ச்: விளக்கு ஏற்றினால் வெளிச்சம்
ஆனால் விடிவு என்னவோ வேளையில் தான்.

-லாசரா

[23/04, 3:33 pm] மினிமீன்ச்: வீணையின் ஸ்வரக் கட்டுகளை விருதாவாய் நெருடிக் கொண்டிருக்கையில், திடீரென்று ஒரு வேளையின் பொருத்தத்தால் ஸ்வரஜாதிகள் புதுவிதமாய்க் கூடி ஒரு அபூர்வ ராகம் ஜனிப்பதுபோல் அவள் என் வாழ்க்கையில் முன்னும் பின்னுமில்லாது முளைத்தாள்.

-லாசரா

மகுடேசுவரன்

என்னைப் பண்படுத்திய புத்தகங்கள் பல இருக்கின்றன. பத்தாம் அகவையிலேயே நூறு பக்கங்களையுடைய கதைப்புத்தகங்களைப் படிக்கும் பழக்கம் தொற்றியது. அன்று எம்மூர் நூலகத்திலும் உறவினர் அடுக்குகளிலும் எனக்குப் படிக்கக் கிடைத்த புத்தகங்களே என்னை மாற்றின. ஆக்கின. என் முதல் பத்தாண்டுப் படிப்பில் என்னைப் பெரிதும் ஈர்த்தவை இந்நூல்கள். படிப்பில் இனி தொடர்ந்து ஈடுபட இருக்கின்றேன் என்னும் உறுதியேற்கும் இளையவர்களுக்கு  இப்பட்டியல் பயன்படும்.

1. வாழ்க்கையில் வெற்றி - அப்துற்றகீம் - தன்முன்னேற்ற நூல்களில் இது மிகப் பழைமையான நூல். தன்முன்னேற்ற நூல்தானே என்று எளிமையாய்ப் புறந்தள்ள இயலாது. வரலாறு படைத்தவர்களுக்கு நேர்ந்த  நூற்றுக்கணக்கான நிகழ்வுகளைச் சொல்லிச் செல்வது இந்நூலின் சிறப்பு.

2. மலரும் மாலையும் - கவிமணி தேசிக விநாயகம் பிள்ளை - மரபுச் செய்யுள்களில் உங்களுக்கு ஈடுபாடு தோன்றவேண்டுமானால் இந்நூலைப் படியுங்கள். மரபுச் செய்யுள்களில் ஈடுபட்டால்தான் தமிழின் உயர்வும் இனிமையும் விளங்கும். கவிதைத் தொகுதிகளில் மரபுக் கவிதைத்தொகுதி எப்படியிருக்கும் என்பதை உணர்ந்திருக்க வேண்டும். 

3. சிறுகதை எழுதுவது எப்படி ? - சுஜாதா - சுஜாதாவின் மிகச்சிறந்த சிறுகதைத் தொகுப்பு இஃது. தலைப்பில் உள்ள ஈர்ப்பும் புதிரும் புத்தகமெங்கும் பரவியிருக்கும். ஓர் எழுத்தாளரின் எல்லாக் கதைகளையும் தொகுத்துப் போட்டுவிடுவதால் இத்தகைய தனிப்பண்புடைய தொகுப்புகள் மறுவெளியீடு பெறுவதில்லை.

4. காலமும் ஐந்து குழந்தைகளும் - அசோகமித்திரன் - நான் படித்த மிகச்சிறந்த சிறுகதைத் தொகுப்பு இஃது. இத்தொகுப்பின் முதற்கதை ‘புலிக்கலைஞன்’. முந்நூற்றுக்கும் மேற்பட்ட பக்கங்களைக்கொண்ட இந்நூல் தமிழின் மிகச்சிறந்த சிறுகதைத் தொகுதி என்று கொள்ளத்தக்கது. மறுவெளியீடு இருக்கிறதா என்று தெரியவில்லை.

5. வந்தார்கள் வென்றார்கள் - மதன் - புனைவுகளில் இல்லாத பெருஞ்சுவை வரலாற்றில் உண்டு. அங்கே சொல்லப்படும் ஒவ்வொன்றும் உண்மையாய் வாழ்ந்தவர்களைப் பற்றியது. அன்றொருநாள் நடந்தது. வரலாற்றைப் படிக்கக் கற்றுவிட்டால் வேறெதையும் நாடமாட்டீர்கள். ஓர் இதழாளர் எழுதினால் எவ்வாறு களைப்பூட்டாமல் எழுதிச் செல்வார் என்பதற்கு இந்நூல் சான்று.

6. காதல் படிக்கட்டுகள் - விகடன் வெளியீடு - அன்றைய புகழ்மக்கள் தத்தம் காதல் நினைவுகளைச் சொல்கின்றார்கள். ‘நமக்கந்தக் காதல் வாய்க்கவில்லையே...’ என்று பதைபதைக்கச் செய்யும் தன்பாடுகள் கொண்ட நூல். உதவி இயக்குநராக இருந்த சுந்தர்.சியிடம் புகழ்பெற்ற நடிகை ஒருவர் தம் காதலைச் சொல்லி “ஒரு குக்கரும் மண்ணெண்ணெய் ஸ்டவ்வும் வாங்கித்தா... எங்கேயாவது போய்ப் பிழைச்சுக்கலாம்...” என்று முறையிட, அதை வாங்கித்தரும் நிலையில்கூட தான் அன்றிருக்கவில்லை என்று கூறியிருப்பார்.

7. சுட்டுவிரல் - அப்துல் ரகுமான் - உரைநடைக் கவிதைகள் மிக்கிருக்கும் ஒருநூல். மொழியைக் கச்சிதமாகப் பயன்படுத்தி எண்ணங்களைத் தூண்டும் உரைக்கவிதைகள்.

8. அர்த்தமுள்ள இந்துமதம் - கண்ணதாசன் - ஓர் எழுத்து எத்தகைய படிப்பின்பத்தைத் தரும் என்பதை அறிய இதுவே கைவிளக்கு. இது மதக்கருத்துகள்  மிக்கிருக்கும் நூலோ என்று தயங்கவேண்டியதில்லை. பெயர்தான் அவ்வாறிருக்கின்றதே தவிர, நூலெங்கும் கண்ணதாசனின் நுண்மாண்புலமே இருக்கும். வாழ்க்கைக் கைவிளக்காகும் நன்னூல்.

9. நல்ல தமிழில் எழுதுவது எப்படி ? - அ.கி. பரந்தாமனார் - தமிழில் எழுதுவதற்கும் தமிழை அடிப்படையிலிருந்து அறிவதற்கும் கையில் வைத்திருக்க வேண்டிய நூல் இஃதே. இதைப் படிக்காமல் நீங்கள் எழுதிக்கொண்டிருப்பீர்கள் எனில் கட்டுப்பாட்டுக் கருவிகளைத் தெரிந்துகொள்ளாமல் வண்டியோட்டிக்கொண்டிருக்கிறீர்கள் என்று பொருள்.

10. எல்லாம் தெரிந்த நூல்களாகவே இருக்கின்றனவே.... யாருக்கும் தெரியாத நூல் ஒன்றைச் சொல்லுங்களேன் என்கிறீர்களா ? சொல்கிறேன். மதுராந்தகம் ராஜாராம் என்னும் தெலுங்கு எழுத்தாளர். அவருடைய தெலுங்குச் சிறுகதைகளின் தமிழ்மொழிபெயர்ப்பைச் சாகித்திய அகாதமி வெளியிட்டிருக்கிறது. கொஞ்சம் கனமான தொகுப்புத்தான். மொழிபெயர்ப்பின் பிறகும் வெண்ணெய்யில் வழுக்குவது போன்ற நடை. படித்து மயங்கிவிட்டேன். அவ்வாறு எழுத வேண்டும் என்று உண்மையிலேயே விரும்பினேன். படித்துவிட்டுச் சொல்லுங்கள்.

- கவிஞர் மகுடேசுவரன்

பாலா

*ஏப்.23- இன்று உலகப் புத்தக தினம்...*
📓📔📕📗📘📙📓📔📕📗📘
ஒருகோடி ரூபாய் கிடைத்தால் என்ன செய்வீர்கள் என்று கேட்டபோது
"ஒரு நூலகம் கட்டுவேன்" என்று பதிலளித்தாராம் மகாத்மா

கரண்டியைப் பிடுங்கி விட்டு புத்தகம் கொடுத்தால் போதும் என்றாராம் தந்தை பெரியார்

தனிமைத்தீவில் தள்ளப்பட்டால் என்ன செய்வீர்கள் என்று கேட்ட போது புத்தகங்களுடன் மகிழ்ச்சியாக வாழ்ந்து விட்டு வருவேன் என்று பதிலளித்தாராம்  ஜவஹர்லால் நேரு

என் கல்லறையில் மறக்காமல் எழுதுங்கள் இங்கே ஒரு புத்தகப் புழு உறங்குகிறதென்றாராம் பெட்ரண்ட் ரஸல்

மனிதனின் ஆகப் பெரிய கண்டுபிடிப்பு எது என்று வினவப்பட்டபோது சற்றும் யோசிக்காமல் புத்தகம் என பதிலளித்தார் ஆல்பர்ட் ஐன்ஸ்டீன்

வேறு எந்த சுதந்திரமும் வேண்டாம் சிறையில் புத்தக வாசிப்பை மட்டும் அனுமதிக்க வேண்டும் என்றாராம் நெல்சன் மண்டேலா

பிறந்த நாளுக்கு என்ன வேண்டும் என கேட்டபோது புத்தகங்கள் வேண்டும் என சற்றும் தயக்கமின்றி லெனின் கூறிட குவிந்த புத்தகங்கள் பல லட்சம்

ஒவ்வொரு படமும் நடிக்க ஒப்புக் கொள்ளும்போது வரும் முன் பணத்தில் முதல் நூறு டாலருக்கு புத்தகம் வாங்குவாராம் சார்லிசாப்லின்

ஒரு குழந்தைக்கு நீங்கள் வாங்கித்தரும் ஆகச் சிறந்த பரிசு ஒரு புத்தகம்தான் என்றார் வின்ஸ்டன் சர்ச்சில்

பயங்கரமான போராட்ட ஆயுதங்கள் எவை என கேட்கப்பட்டபோது புத்தகங்கள்தான் என்றாராம் மார்டின் லூதர்கிங்

தான் தூக்கிலிடப்படுவதற்கு ஒரு நிமிடம் முன்பு வரை வாசித்துக்கொண்டே இருந்தாராம் பகத்சிங்

நான் இன்னும் வாசிக்காத நல்ல புத்தகம் ஒன்றை வாங்கி வந்து
என்னைச் சந்திப்பவனே என் தலைசிறந்த நண்பன்.
-ஆபிரகாம் லிங்கன்

ஆயிரம் புத்தகங்களை வாசித்தவன் ஒருவன் இருந்தால் அவனைக் காட்டுங்கள்; அவனே எனது வழிகாட்டி!
– ஜூலியஸ் சீசர்

உலக வரைபடத்திலுள்ள மூலைமுடுக்குகளுக்கெல்லாம் போக விரும்புகிறாயா, ஒரு நூலகத்துக்குச் செல்..
– டெஸ்கார்டஸ்

போதும் என்று நொந்துபோய், புதுவாழ்வைத் தேடுகிறீர்களா… ஒரு புதிய புத்தகத்தை வாங்கி வாசிக்கத் தொடங்கு…
– இங்கர்சால்

சில புத்தகங்களை சுவைப்போம்… சிலவற்றை அப்படியே
விழுங்குவோம்… சில புத்தகங்களை மென்று ஜீரணிப்போம்!
– பிரான்சிஸ் பேக்கன்

புரட்சிப் பாதையில் கைத்துப்பாக்கிகளைவிட
பெரிய ஆயுதங்கள் புத்தகங்களே!
– லெனின்

உண்மையான வாசகன், வாசிப்பதை முடிப்பதே இல்லை!
– ஆஸ்கார் வைல்ட்

உடலுக்கு எப்படி உடற்பயிற்சியோ அதுபோல மனதுக்குப் பயிற்சி புத்தக வாசிப்பு!
– சிக்மண்ட் ஃப்ராய்ட்

பழங்காலத்திய மகா புருஷர்களை நேரில் தரிசித்து, அவர்களுடன் உரையாட வேண்டுமா? நூலகத்துக்குப் போ…
– மாசேதுங்

உலக புத்தக தின வாழ்த்துகள் நண்பர்களே..

படித்தது

[23/04, 7:41 am] TNPTF MANI: அந்த
மரண ஊர்வலத்தின்
முன் பகுதியில்
பறையடித்து சென்றவர்களில்
ஒருவன் என்னிடம் தந்தான்
அக்குழுவின் விசிட்டிங் கார்டை
பரிந்துரைக்கச் சொல்கிறானா..
பயன்படுத்தச் சொல்கிறானா..

-படித்தது

[23/04, 7:46 am] TNPTF MANI: நகையை விற்ற பணத்தில்
வாங்கினேன்
"கவரிங்"!

-மணி

[23/04, 7:49 am] TNPTF MANI: குரங்கின் முக்கிய குணம் என்ன?
அடுத்தவர் செய்வதை பார்த்து அப்படியே செய்வது.
மனிதனும் அப்படியே அடுத்தவர்களை கண்மூடித்தனமாக பின்பற்றுகிறார்கள்
-ஓஷோ

[23/04, 7:49 am] TNPTF MANI: ராமன் கால்பட்ட பின்பு
கல்லெல்லாம் பூக்களாச்சாம்
அதிசயம் என்ன.எங்கள்
அமைச்சர் கால்
படுமுன்னேயே
என்னென்ன மண்ணுக்
காச்சு?
-ஞானக்கூத்தன்

[23/04, 8:49 am] TNPTF MANI: நேர்ந்த அனுபவத்தை புதுப்பித்துக் கொடுக்க வேண்டும் அல்லது நேராத அனுபவத்தை ஏற்படுத்திக் கொடுக்க வேண்டும் அதுவே நல்ல புத்தகம்
-வைரமுத்து

கவிதை

[22/04, 7:40 pm] மினிமீன்ச்: இடரினும் தளரினும்

அறியாப்பருவத்தில்
இழைத்து இழைத்துப் போட்ட கோலம்
அறிந்த பிறகு
கைக்கு வந்தது.
கோலத்தைக் கடந்துவிட்டாள்
பிராட்டி

- விக்ரமாதித்யன்

[22/04, 7:41 pm] மினிமீன்ச்: எப்பொழுதும்

தொடங்கத் தெரிகிறது
முடிக்கத் தெரியவில்லை
ஒருபொழுதும்.
நடுவில்
நாலுபேர்
இடையே
இரண்டு பேர்
வேடிக்கை பார்த்துக்கொண்டிருந்தால்
பொழுதுபோவதே கொண்டாட்டம்தான்

- விக்ரமாதித்யன்

[22/04, 7:41 pm] மினிமீன்ச்: நிறை

எடுத்தால்
தீர்ந்துவிடும்
கொடுத்தால்
நிறைந்துவிடும்
எடுத்தும்
கொடுத்தும்.

- விக்ரமாதித்யன்

[22/04, 7:42 pm] மினிமீன்ச்: காவிரி

கீழே வெறுமை...  
வாகன இரைச்சல்களால்
முன்பைவிட அதிகமாகவே
எதிரொலித்தது காவிரிப் பாலம்.

நீர்த்துகில்களை இழந்த
பாலத்தூண்களெல்லாம்
தன் நிர்வாணத்தை ஒருசில முட்புதர்களால்
மூடிக்கொண்டன.

அத்தூண்களின்
துகில்களெல்லாம் 
வேற்று மாநிலத் தூண்களைத் தத்தம்
இரண்டாம் உடுப்புகளாய்
அணிந்துகொண்டன.

என்றோ செத்தழுகிய
நதிப்பாம்பை இன்று வரை நோண்டித் தின்றவாறே
இருக்கும் மஞ்சள் எறும்புகள்
சாரைசாரையாய்
இங்குமங்கும் உலாவுவது
ஒரு கண்கொல்லும் காட்சி.

எதிரெதிர் படித்துறைகளில்
ஏறி இறங்கியும்,  ஆற்றின்
நீள அகலங்களில் ஓடியாடியும்
குதூகலித்தாடிய வெறுமை
கடைசியாக மூச்சிரைத்து 
ஏழைகளின் வயிற்றுப் பகுதியில் தஞ்சம் புகுந்தது.

கனத்த நெஞ்சுடன்
மணலாற்றைப் பார்க்கின்றேன்...

இரு கரைகளிலும் காய்ந்து தலை சாய்த்து
மண்டியிட்டு மன்னிப்பு கோரும் மனிதர்களைப்போல்...
கோரைப்புற்கள்.

- ஆனந்த்
[22/04, 7:43 pm] மினிமீன்ச்: புளியம்பழ வாழ்க்கை 
                            
ஊரு சாமிக்கு விசேஷம்
சித்திரையில வரத் தவறினாலும் தவறும்,
ஹைவேஸ் புளியமரக் குத்தகைய எடுக்குற
அய்யாவுத் தாத்தாவுக்கு
சித்திரை பிறந்ததுமே
‘புளியம்பழம் உலுக்குகிற’ விசேஷம் தொடங்கிடும்.
பன்னெண்டாளுக வெச்சு புளியம்பழங்களை உலுக்குவாரு.
சலசலன்னு மண்ணாங்கட்டி மழை பொழிஞ்சாப்புல
தூரலாட்டம் விழுகிற புளியம்பழங்களை
சீல காடாத்துணி கட்டித் திரட்டுவாரு.
விழுகிற முதல் படி புளியம்பழத்தை
பத்ரகாளியாத்தாவுக்குப் புளியோதரை படைக்க
அப்பாயிகிட்ட தனியா குடுத்திடுவாரு.
விழுந்த பழத்தைத் தட்டிப்பார்த்தே
புளிப்போட அடர்த்தியைத் துல்லியமா சொல்லிடுவாரு.
பெரிய பெரியப்பா, சின்ன பெரியப்பா
ரெண்டுபேத்தையும் தூரத்துல நிறுத்தி
சிவப்புக்கொடி காட்டி வண்டிகளுக்கு வழிகாட்டச் சொல்லுவாரு.
தனலட்சுமி அத்தைக்கும்,
முத்து பெரியம்மாவுக்கும்
முருகேசன் அண்ணனுக்கும்
கீழே ஒரு பழம் விடாம கூட்டி எடுக்கிறதுதான் வேலை.
பழம் உலுக்கி முடிஞ்சதும்
வேட்டிய மடிச்சுக் கட்டிக்கிட்டு
தனியா ஒரு நடை நடந்து
புளியங்காய்களையும்
உடைஞ்சுபோன பிஞ்சுகளையும்
ஒண்ணுவிடாம பொறுக்கி எடுத்து
வேட்டிக்குள்ள போட்டுக்கிட்டுதான் வருவாரு.
புளியம்பழத்தைக் கொத்தோடயும்,
கிளையோடயும் புடுங்கிட்டாப்போச்சு
நாண்டுக்கிறாப்புல பேசி,
ருத்ரதாண்டவம் ஆடுற தாத்தா...
புருஷனை உதறிட்டு ஒத்தையா நின்ன
கருணாம்பிகை அக்காகூட மட்டும்
சாகறவரைக்கும்
ஒரு வார்த்தை பேசவே இல்ல!

- ஸ்ரீநிவாஸ் பிரபு

சொல்வனம்

மிச்சப் பாடல்

விரையும் பேருந்தின்
ஸ்பீக்கரில் வழிந்துகொண்டிருந்தது
எழுபது எண்பதுகளின்
மெலடிப் பாடல்கள்.

நாற்பதைக் கடந்த பெரும்பாலானோர்
நாகரிகம் கருதி
தலையசைத்துக்கொண்டும்
தாளமிசைத்தவாறும் ரசித்துக்கொண்டும் வர
சன்னக்குரலில் பாடகருடனே
சிலர் பாடியபடியும் வந்தனர்.

இடையிடையே
அவரவர் மனக்கண்ணின் முன்னே
இசையமைத்த ராசாவும்
வாயசைத்த
ஹீரோக்களும் ஹீரோயின்களும்
பாடிய பாலுவும் யேசுதாஸும்
ஜானகியும் சித்ராவும்
வந்து வந்து போகத் தவறவில்லை.

வியர்வை நசநசத்த கோடையை
மறந்து பயணிக்கவைத்த பாடல்கள்
ஒரு பிரேக் டவுனில் நிறுத்தப்பட
கீழிறங்கி மௌனித்து நின்றிருந்தவர்களுக்குள்
மிச்சப் பாடல் அச்சப்பட்டு
ஒளிந்துகொண்டதைப் பார்க்கவே
பரிதாபமாக இருந்தது.

- பாப்பனப்பட்டு வ.முருகன்

# தற்கொலையாகும் திட்டுகள்...

எத்தனை முறை திட்டிவைத்தாலும்
உதிரும் முடிகளை எடுத்து குப்பையில்
போடுவதில்லை தங்கை
என் திட்டுகளைப்போலவே
அம்முடிகள் கற்றையாகத் திரண்டு
உருண்டு ஒரு மூலையில்
இறந்துவிட்ட கரப்பான்பூச்சியின்
சிதறிய உடல்
கத்தரிக்கப்பட்ட துணியிலிருந்து
விழுந்த ஓரச் சிதைவு
காய்ந்துபோன சருகுகள்
மற்றும்
மிட்டாய் சுற்றியிருந்த
கண்ணாடி உறையோடு
சுருளச் சுருளக் கிடக்கின்றது
கொஞ்சம் பலமாகக் காற்றடித்தாலும்
மூலையில் ஒரு முழத்துக்குக்
கட்டித் தொங்கவிடப்பட்டிருக்கும்
கொச்சைக் கயிற்றைக் கவ்வித்
தொங்குவதைத் தவிரவும் வேறு வழியில்லை
எடுத்துப் போடுவதற்கு.

- க.சி.அம்பிகாவர்ஷினி

#நீர்ப்பிடிப்பு நிலம்

நகரமென எழுந்துகொண்டிருக்கிறது
முன்பொரு நாளின் நீர்ப்பிடிப்பு நிலம்
புதிய வீட்டை  சிரத்தையோடு வடிவமைத்துக்கொண்டிருக்கும்
பொறியாளனின் நனவில்
எழுந்து சரிகிறது அவனது கனவு வீடு
சாந்து சுமக்கும் சித்தாள் பெண்
முதல் சாமத்தில் அரங்கேறிய இரண்டாம் கலவியை நினைந்து தானே நகைக்கிறாள்
கட்டடக் காவலாளி இரவில் ‘தேன்கிண்ணம்’ கேட்கும்பொருட்டு பகலில் பண்டுவம் பார்க்கிறான் பண்பலைப் பெட்டியை
வேறிடம்  கிட்டாத இளஞ்சோடிகள்
பூசப்படாத வீட்டுக்குள் காதலிக்கச் செல்கிறார்கள்
தூக்கச்சடவில் கிடாயை நோக்கிக் கம்பெறிகிறான்
தூரத்தில் ஆடுமேய்ப்பவன் 
திருஷ்டியாய் நிற்கும் ஒற்றைப் பனையில் தொங்குகிறது தூரதேசம் போய்விட்ட தூக்கணாங்குருவியின் வீடு
சூரிய தீபம் சோர்கிற பொழுதில்
மகிழுந்துகளில் வந்திறங்கி
குத்துக்கற்களின் குறுக்கும்மறுக்குமாய் நின்று
நீளம் அகலம்  பட்டா சிட்டா
அடங்கலென நீட்டிமுழக்குவார்கள்
யானைகட்டிப் போரடித்த மூதாதையரின்
திணை திரிந்த வழித்தோன்றல்கள்.

- ஸ்ரீதர்பாரதி

மணி

[22/04, 6:38 pm] TNPTF MANI: Robert frost ன் இக்கவிதை நேருவுக்கு மிகவும் பிடித்த வரிகள்

The woods are lovely, dark and deep,  
But I have promises to keep,  
And miles to go before I sleep,  
And miles to go before I sleep.

#ஞாயிற்று கிழமை முடியும்போது வாழ்நாளில் ஒரு நாள் குறைவது போல் ஒரு உணர்வு

சுஜாதா

மினிமீன்ஸ்

[22/04, 2:15 pm] மினிமீன்ச்: என் எழுத்துக்கள் புரியவில்லை என்கிறார்கள்.
இருந்துவிட்டு போகட்டுமே, எழுதுபவனுக்கே எல்லாம் புரிந்துவிடுகிறதா என்ன?

-லாசரா
[22/04, 2:15 pm] மினிமீன்ச்: அம்மா என்றால் ஒரே அம்மா தான்.
உன் அம்மா, என் அம்மா எனத் தனித் தனி அம்மாக்கள் கிடையாது.
ஒரே அம்மா.!

-லாசரா
[22/04, 2:15 pm] மினிமீன்ச்: கேட்பாய்
கேட்பாய் என
சொல்லாதிருந்தவை
சொல்வாய்
சொல்வாய் என
கேட்காதிருந்தவை
வேறொன்றுமில்லை
ரகசியமென்றும்
இடைவெளியென்றும்!

-மனுஷ்ய புத்திரன்
[22/04, 2:16 pm] மினிமீன்ச்: சருகை மிதிக்கும் போது சத்தம் போடும் நாங்கள்...
மலரை மிதிக்கும் போது மௌனம் சாதிக்கிறோம்.!

#செருப்புடன் ஒரு பேட்டி
-மு.மேத்தா