ஹைக்கூ

*தமிழ் ஹைக்கூ 1⃣0⃣1⃣ ஆண்டு*

பகுதி - 91

தமிழ் ஹைக்கூக்களில் தலைப்பு ..

                  போலிகள்
   தென்னங்கீற்றோ ஈச்ச ஓலை
   போலிகள் முள்ளாய் குத்தும்
   நெஞ்சில்..

🌹

                தலைத்தீ
   ஏனிந்த கூக்குரல்
   தலை தீப்பற்றிக் கொண்டதோ
   செங்கொண்டை சேவலே

🌹

              பொதுப்பெண்
   முகவரி மாறிய மடலில்
   எத்தனையெத்தனை
   முத்திரைகள்

🌹

            இரவுச் சிறகு
   கொக்கின் இறகா
   வானில் தவழ்வது
   நிலாப் பிறை

🌹

             கைம்மாறு
   வளர்த்தோன் குடிசை
   ஓட்டையை மறைக்கவோ
   படரும் கொடி

தலைப்புகள் நாளையும் தொடரும் ..
 
*பெருநதி 2018 அக்டோபர் 16 வரை உங்களை நனைக்கும்*

               ஸ்ரீதர்
🍀 திண்டுக்கல் 🍀