பட்டினத்தார்

யானும் இட்ட தீ மூள்க மூள்கவே*

கரும்புக் காட்டுக்குள்
துள்ளி ஓடுகிற கோவணத்தாண்டி யாரவன்?
பட்டினத்தான்.
அங்கென்ன செய்கிறான்?
கரும்பை முறித்து

உரித்து
சாறொழுகத் தின்கிறான்
ஏ சித்தா…
“காமத்துப்பாலில் ஒரு குவளை காபி கலக்கித் தரவா?”
வெட்கத்தில் தோகையை இழுத்து
முகத்தை மறைக்கிறான்
நாணும் கரும்பு
செவ்வானைத் தைக்கும் வில்லாகிறது.

*பட்டினத்தாரின் பாடல் வரி.

-வெய்யில்