@மணி

நடுச்சாலையில் கிடந்தது
குழந்தைச் செருப்பு
முயன்று திருப்பியும் முடியாமல்
வண்டி
அதன்மீது ஏறி இறங்கிவிட்டது.
இன்னும் அடங்கவில்லை
படபடப்பு.
-------------------------------------------------------
மகுடேசுவரன்.

#இதை படித்தவுடன் நம் இந்திரஜித் சார் எழுதியது நினைவு வந்தது

"குழந்தையின் செருப்பு களவாடப்பட்டது.
எடுத்தது நிச்சயம் காலாக இருக்காது.கையாகத்தான் இருக்கும்

-குழந்தையின் செருப்பைப் பார்க்கும்போதெல்லாம் குழந்தை குறித்த கற்பனை வரும் சார்.பொம்மையில் அது வராது.செருப்பு சரியான சொல்லாட்சி என்றே கருதுகிறேன் சார்

#ஒரு கன்னத்தில் தந்தால்
மறுகன்னம் காட்டென்ற
கருத்தைப் பின்பற்றுவது
காதல் உலகமன்றோ?
-அப்துல்ரகுமான்

#சுமத்தப்பட்டிருக்கும் வாழ்க்கையின் நுகத்தடியிலிருந்து தன்னை விடுவித்துக்கொண்டு, தளைகளை அறுத்துக் கொண்டு வெளியேற விரும்பும் மனோபாவம் எல்லா மனிதர்களின் ஆழ்மனத்திலும் புதைந்திருக்கிறது. சித்தார்த்தனை இந்த மனோபாவம்தான் புத்தனாக்கியது

-எம்.ஜி.சுரேஷ்

#எம்.ஜி.சுரேஸின் ஒரு கட்டுரையில்

       ஃப்ரெஞ்சு அறிஞர் பொத்ரியார் டிவி பற்றிக் குறிப்பிடும் போது,

‘நமது இருண்ட அறைகளை இந்த ஊடகம் தனது குளிர்ந்த ஒளியால் நிரப்புகிறது. தனது ஒளிக்கதிர்களால் நம்மைத் துளைத்தபடியே இருக்கிறது. நாம் செயலற்றவர்களாக நம்மையே ஒப்புக் கொடுத்திருக்கிறோம்’